مجلس السابع مقتل العباس (عليه السلام)

📚📚📚📚📚📚

||•●نعي في مصاب مولانا أبا الفضل العباس
( عليه السلام) ●•||
.
● أبوذيات ●

اخوي البلفضل والجود سبني
يريته شاف للشامات سبني
يشتمني الشمر ياخوي سبني
يقولن وين عباس الشفيه


انادي ولا جواب ايرد علامه
بلا چفين يالنايم علامه
تشوف اسياط بمتوني علامه
احشم ماترد عجبه عليه


عتابي ويه ابو الغيره وشرهاي
ييومه شرها ايامي وشرهاي
عليه ينشد الحادي وشرهاي
وضحكات الشماته اسهام بيه


دوت نيران دلالي وشعلاه
اعله اخويه البفضل صيته وشعلاه
يشوف الشامت ابعينه وشعلاه
سياط اعله المتن اشقف بديه

● نعي مجرد ●

اعله النهر عباس مطروح
لا چفين عنده ولا بقت روح
وامن العطش دلاله مجروح
يقلبي اعلى الحنين ابهضم نوح
جنه السبي بفراقه ايلوح

شال الذي للحمل شيال
واعليه الدمع بدموم سيال
راح وهضم يا ويلي الدلال
مطروح يا وسفه على لرمال

مضروب ابعمد وابلايه جفين
وياويلي السهم نابت على العين
نايم عالترب يا وسفه الحنين

يم النهر غمضها العيون
مايقعد يشوفنها المتون
بسياط العدو امسوده اللون
انده عليكم ماتردوون
واشلون يا قلبي يعودن
ماطبْقت بعدهم ليه الجفون
ـــــــــــــــــــــــ
تمت بحمد الله تعالی
بقلم : بنت الشمري


(المجلس)

انا لله وانا اليه راجعون

لما لم يبق مع الحسين إلا أخوه العباس، جاء إلى الحسين يطلب منه الإذن بالقتال قائلا: هل من رخصة؟ فيكي الحسين (ع) بكاء شديدا ثم قال: يا أخي أنت صاحب لوائي، فإذا مضيت تفرق عسكري فقال العباس: قد ضاق صدري وسئمت الحياة وأريد أن أطلب بثأري من هؤلاء المنافقين فقال الحسين (ع): إذن أطلب لهؤلاء الأطفال قليلا من الماء.
فذهب العباس إلى القوم وعظهم وحذرهم غضب الجبار، فلم ينفع فنادى بصوت عال يا عمر بن سعد هذا الحسين بن فاطمة بنت رسول الله قد قتلتم أصحابه وأهل بيته، وهؤلاء عياله وأولاده عطاشى فاسقوهم من الماء قد أحرق الظمأ قلوبهم فأثر كلامه في العسكر حتى بكى بعضهم. ولكن شمراً صاح بأعلى صوته يا ابن أبي تراب لو كان وجه الأرض كله ماءاً وهو تحت أيدينا لما أسقيناكم منه قطرة !
فرجع العباس إلى أخيه تغيره الجواب القوم، فسمع الأطفال يتصارخون. وينادون العطش العطش. فركب جوادة ومعه اللواء، وأخذ القربة وقصد الفرات، فأحاط به أربعة آلاف ممن كانوا موكلين بالفرات لمنع الحسين وأصحابه منه ورموه بالنبال فكشفهم وقتل منهم جماعة. حتى إذا وصل إلى المشرعة، ركز لواءه ونزل إلى الماء فلما أحس ببرد الماء وقد كظه العطش، اغترف غرفة ليشرب، لكنه تذكر عطش الحسين (ع) قرمى الماء من يده، وقال: لا والله لا أشرب الماء وأخي الحسين (ع) عطشان. ملأ القربة وحملها على كتفه وخرج من المشرعة فاستقبلته جموع الأعادي وصاح عمر بن
سعد:-اقطعوا عليه الطريقه، ولما رأى ذلك منهم حمل عليهم بسيفه.
فرموه بالنبال من كل جانب حتى صار درعه كالقنفذ من كثرت السهام.
فكمن له زيد بن ورقاء من وراء نخلة وعاونه حكيم بن الطفيل، فضربه على يمينه فقطعها فأخذ السيف بشماله فقاتل القوم حتى ضعف عن القتال، وقد أعياه نزف الدم فكمن له حكيم بن الطفيل فضربه بالسيف على شماله فقطعها من الزند. وا مصيبااه وعباساه
وعند ذلك وقع السيف من يده وأخذ القربة بأسنانه. ولم يكن للعباس هم إلا إيصالها إلى المخيم، فقطعوا عليه طريقه وازدحموا عليه وأتته السهام كالمطر من كل جانب، فأصاب القربة سهم فأريق ماؤها، فوقف العباس.متحيرا إذ اتاه سهم فأصاب صدرة وسهم آخر عينه اليمنى فأطفأها، وجمدت الدماء على عينه الأخرى، وجاء إليه رجل من بني تميم فضربه بعمود من حديد على رأسه فخر إلى الأرض صريعا ونادى بأعلى صوته: عليك مني السلام أبا عبد الله أدركني يا أخي.
فجاء إليه الحسين فرآه مقطوع اليدين مرضوض الجبين، والسهم نابت في العين والعلم ممزق إلى جنبه والقربة مخرقة نادي الآن انكسر ظهري الآن قلت حيلتي الآن شمت بي عدوي

(نصاري)
تعنه امن الخيم للعلكمى احسين....يصيح ابصوت يعضيدي او گعت وين
بعد ما شوف دربي يا ضوه العين....يخويه الكون كله ابعيني أظلم... ياخويه ابياكتر طاحن ازنودك. ....يخويه العلم وينه اويــن جـــودك يبوفاضل زمــاني هـم يعـودك.... او شملي اللي تشتت بيك يلتم

وا مصيبتاه واعباساه وا حسيناه...
〰️〰️〰️〰️

نعي مجرد + عاشوري وعدة أطوار أخرى

عالنهر لمن عاينيتك
مصبوغه مِنِّ الدم لِحيتك
لا يمنه ولا يسره لگيتك

دمَّك صُبغ يا خويه خدك
عينك تِسيل اوياها زندك
يا ريت بِيديَّه وأضمْدك
ويا ريت أشد جرحك وأگعْدك

اجروحك يَخويه كلهن اتراب
أشد اصواب ينزف ذاك الاصواب
محتاره وأنده داحي الباب

صوب النجف وجهت شكواي
يابا الحسن يا نور عيناي
بويه أريدك تحضر اوياي

واتشوف بويه اشصار بِيَّه
مذبوحه كل أهل الحميه
يا بويه واتلَّحِق عليَّه

فوق النهر مطروح عباس
ابعامود طَرَّوا منه الراس
وآنه بُقيت ابلايَّه حراس

احضر يَحيدر شُوف حاله
وشُوف الأجل غَيَّب اهلاله
وشوف الدِمَه غَيَّب جماله

عباس ظل مَحَّد إجاله

يا بويه بَدرك عالنهر نام
مثلك يَبويه امصوَّب الهام
محتاره بينه وبين الإخيام

مدري أرد بويه وأخليه
ومدري أظل امْظلله اعليه
حر الشمس يا بويه يآذيه
〰️〰️〰️〰️〰️

● طور الفراق : مالي غيرك

خويه إرجع .. ما نريد الماي عوفه
خويه إرجع .. يا أبو النفس العطوفه
خويه إرجع .. سالم اقليبك نشوفه

منتظرتك .. ترجع اتبرد دليلي
منتظرتك .. للخيم خويه تجيلي
منتظرتك .. يا بو فاضل يا كفيلي
ــــــــــــــــــــــــ
تمت بحمد الله تعالی
✍🏻 / فاطمہ كريم

تنظيم المجلس
فريق الإنتظار بقاؤنا

https://www.tgoop.com/ffhuqq

#نعي مصيبة #القاسم بن الحسن عليهما السلام

● مجاريد :

عمك جابك وكل حيله مهدود
وطولك چن غصن ذابل وممرود
حطك بالخيم واعيونه اتجود
حمره اعمامتك والراس مشدود
وحِسَّك مختفي والنفس ما موجود
وامغمض ييمه اعيونك السود
ورمشك بالدمه يوليدي مسدود
يالجنْت ابجمالك يبني محسود
هسه اكبالي يا جسام مفگود
يعريس الطفوف افراشك إلحود


● طور : الفراق ( مالي غيرك )

آيا جاسم .. آيا محروم بشبابه
آيا جاسم .. امن الدمه صاير خضابه
آيا جاسم .. يا جرح گلبي ومصابه

آيا جاسم .. يالرحت للگبر مني
آيا جاسم .. منذبح يالولد يبني
آيا جاسم .. لذبحتك ما يفنى حزني

أبوذية :

شباب وراح عمره وماتمنه
ويوم العقد اصبح ماتمنه
يا أول امعرِّس مات منه
وصارت زفته ونه وعزيه
__
#فاطمة_كريم

#القاسم

▪️نعي ▪️




# طور :ياليل طول ساعاتك

عريس بالحومه ازفافه
عريس مطبوره اشفافه

عريس وامه المحرومه
عريس ابعرسه ملجومه

عريس محروم اشبابه
عريس راسه ابنشابه

عريس وانزفه إلقبره
عريس واسهام ابصدره

————
# مجردات


يا ميلة رگبته وذيج الرسوم
احاه جنه البدر جسوم
مخضب ييمه وحنته ادموم
لا ظل شمع لاظلت اهدوم
وامن الفرح يوليدي محروم
اعليك القلب جسام ملجوم
شايل للقبر يالتوك اشباب
جكليت العرس يايمه نشاب
والليله تزفك روس الاحباب
اعليكم يا الهواشم هالقلب ذاب
——
#بنت_الشمري


مكتبة بنت الشمري

https://www.tgoop.com/+INNbAljAHK42MTI8

في استشهاد علي الاكبر عليه السلام

▪️نعي▪️


الجفيري

رفْعَت ايديها للسمه
تدعي الهي بفاطمه
قلبي ابعلي لا اتْألمه
ويردلي سالم هالولد

اوحّيّد ولا غيره الي
ترجعلي ياضنوة علي
ابجاه الزجيه والولي
ردته لايامي الضمد

جاها ودليله انفطر
وإلسانه يابس كالحجر
واميه رايد يا بشر
اتْروه وإلحربي ارد

هاي المصايب كالمطر
واعيوني نشْفت ماتدر
اخذوها عيني والنظر
وروّا دليله المنمرد
————-
الفراق

هاييمه امنين اجيبلك اميّه
هاييمه ساعه ترويك الزجيه
هاييمه لا بيديك ولا بيديه

عميه عيني يابس إلسانك يالكبر
عميه عيني وقلبك الضامي تفطر
عميه عيني إلجتلنك بعيوني انظر

عميه عيني يمه يالوعة عذابك
عميه عيني منحرم لذة شبابك
عميه عيني والله مااحمل مصابك
——-
#بنت_الشمري


مكتبة بنت الشمري

https://www.tgoop.com/+INNbAljAHK42MTI8

في التوسل بشبيه النبي الاكرم عليه السلام

#بحر_طويل

هالليله اعله باب الجود
وقفنه ابدمعه هماله
على بابك حيارى اليوم
تشوف ابعينك الحاله
علي يا الاكبر اننادي
وِدَمْع امصابه يتلاله
عليك ابحرگة الفرقه
نريد الليله نظراتك
—-
عليك الليله يالضامي
بعلي وي لوعة امصابه
ابهضم روحك يا والي اعليه
نريد النظره لاحبابه
عليك ابقلبه المفطور
سؤالي أسمَع اجوابه
وبيدي اخذ الحاجه
وتغير همي نظراتك
——
أحلفك بالحنان البيه
واحلفك سيدي ابهمه
عليك ابكلبه الملهوف
وطاهر طينته ودمه
عليك ابليله يامولاي
ابكلبها سيدي امه
تبرد هلمسا لفاد
وتصد اعليه نظراتك
_______
#بنت_الشمري


المكتبه الشامله ل بنت الشمري

https://www.tgoop.com/+INNbAljAHK42MTI8

مجلس التاسع. لعلي الأكبـر(عليه السلام)

📚📚📚📚📚

نواعي استشهاد علي الاكبر عليه السلام


/ أبوذيات/

دعيت الله بَحَقْ يوسف وناجيت
يمن طَلّعته مِنّ الجُب وناجيت
ابقلب مكسور إلك ربي وناجيت
ترد ابني علي سالم إليّه

بعد مَيْصِحْ دوا لجرحي وأسكّنه
وعلى فقدك تون زينب و سكنه
يريت القبر يوسعني و أسكنه
وأنام أوياك بتراب المنيه
ـــــــــــــــــــ
تمت بحمد الله
فاطمة كريم.
ــــــــــــــــــــــ

*نعي*
اوليدي الحنين امنين اجيبه
يا فرقا الولد والله صعيبه
تشب نيران دلالي ولهيبه

يامدلول يمه وين ما وين
يَفراقك عماها ليه هالعين
واخلافك اجر اونين بونين

غالي الولد يا ناس غالي
واشريته بدموع الليالي
ليش الهجر يوليدي تالي


يوليدي اريدن تعب لرباي
لو طقني دهري وقسى وياي
تَچْوَه اتصير وبعد يمناي

ماني حملتك تسعه اصحاح
و رِدتك ييمه للحمل لو طاح
وبيكم ييمه ابشيبي ارتاح

عميه ييمه اعليك العيون
رحتوا ييمه وماتردون
والدلال من فرقاك محزون


*نعي عاشوري*

مصيوب قلبه وراسه مجروح
وامن العطش هل طلعت الروح
عمري لاقضيه ابحزن وابنوح


رايح ييمه زهوة الشبان
واعليه القلب يا يمه خلصان
والحال بفراق الولد عدمان

مجروح دامي بيش اداويه
لو ينشرى وابروحي اشريه
وبدمعات عيني علي اسقيه
____
بقلم : بنت الشمري
ـــــــــــــــــــــ


(المجلس)

انا لله وانا اليه راجعون...


اخذ الرخصه علي الأكبر من أبيه في مقاتلة الأعداء وجعل يقاتل حتى قتل تمام المائتين قال حميد بن مسلم:- كنت واقفا وبجنبي مرة بن منقذ التميمي، وعلي بن الحسين يشد على القوم يمنة ويسرة فيهزمهم، فقال مرة على أثام العرب إن مر بي هذا الغلام ولم أثگل به أباه، فقلت لا تقل هذا يكفيك هؤلاء، فقال: والله لأفعلن
ومر بنا علي الأكبر، وهو يطرد كتيبة أمامه فطعنه برمحه فانقلب على قربوس سرج فرسه واعتنق الفرس فحمله إلى معسكر الأعداء فاحتوشوه و قطعوه بسوفهم إربا إربا.
ولما بلغت روحه التراقي نادى أبه عليك مني السلام، هذا جدي رسول الله قد سقاني بكأسه الأوفى شربة لا أظمأ بعدها أبدا وهو يقول لك:-العجل العجل فإن لك كأسا مذخورة حتى تشربها الساعة وشهق شهقة كانت فيها نفسه وفارقت روحه الدنيا. قالت سكينة لما سمع أبي صوت علي أخذ تارة يقوم وأخرى يجلس وهو يقول: وا ولداه.
لم انحدر إليه الحسين (عليه السلام) ومعه أهل بيته حتى وقف عليه، رأه مقطعا بالسيوف إربا إربا فقال:-
بني قتل الله قوما قتلوك ما أجرأهم على الرحمان، وعلى انتهاك حرمة الرسول . ثم استهلت عيناه بالدموع وقال ولدي علي على الدنيا بعدك العفا أما أنت فقد استرحت من هم الدنيا وغمها وبقي أبوك لهمها وكربها.

وا علياه... وا حسيناه.. وا مصيبتاه..


في استشهاد علي الاكبر (عليه السلام)

▪️نعي▪️لسان حال ليلى

الجفيري

رفْعَت ايديها للسمه
تدعي الهي بفاطمه
قلبي ابعلي لا اتْألمه
ويردلي سالم هالولد

اوحّيّد ولا غيره الي
ترجعلي ياضنوة علي
ابجاه الزجيه والولي
ردته لايامي الضمد

جاها ودليله انفطر
وإلسانه يابس كالحجر
واميه رايد يا بشر
اتْروه وإلحربي ارد

هاي المصايب كالمطر
واعيوني نشْفت ماتدر
اخذوها عيني والنظر
وروّا دليله المنمرد
————-
الفراق

هاييمه امنين اجيبلك اميّه
هاييمه ساعه ترويك الزجيه
هاييمه لا بيديك ولا بيديه

عميه عيني يابس إلسانك يالكبر
عميه عيني وقلبك الضامي تفطر
عميه عيني إلجتلتك بعيوني انظر

عميه عيني يمه يالوعة عذابك
عميه عيني منحرم لذة شبابك
عميه عيني والله مااحمل مصابك
——-
تمت بحمد الله
#بنت_الشمري
ـــــــــــــــــــ

تنظيم المجلس
فريق الإنتظار بقاؤنا

https://www.tgoop.com/ffhuqq

#نعي مصيبة عبدالله #الرضيع عليه السلام


مجاريد :

مذبوح آيالولد يبني
ابصغرك ييمه اتروح مني
قبل ما اسمعك يمه اندهتني

ميِّت قبل چلمة اليمه
يشريان الگلب يبني ودمه
واعليك گلبي اشثگل همه

آيالرضيع اشلون حالي
بعدك اذا اتمر الليالي
يا شمعتي الكاروك خالي

نصاري :

يتارس حضني يا يمه وعيناي
ويا بسمة اگليبي ودمعة ابچاي
رحت مني ييمه بحسرة الماي
ولا ترجع بعد يبني عليه

أهز كاروكك وأتخيلك بيه
واتخيله صوتك أناغيه
تالي اعله الرمح راسك اصد ليه
اشسوت بيك يمه السمهريه


طور : سامحيني

خالي مهدك .. خالي مهدك
وما خلت من گلبي يمه ذكرياتك
خالي مهدك .. خالي مهدك
يمه توّك يالولد بأول حياتك
خالي مهدك .. خالي مهدك
گبل كلمة "يُمه" لن حانت وفاتك
خالي مهدك .. خالي مهدك
ريت وياك أندفن وأحضن رفاتك
___
#فاطمة_كريم
https://www.tgoop.com/qasaidfk128