tgoop.com/laithjawdat/164
Last Update:
اول كسر خاطر لمن وجهك راح
بعدك ولا هاشمي ضل مرتاح
▪▪▪▪
وحك بختك وبخت الصايه باكتارك
الحرك دارك جانت لكمته بدارك
البجي مو عالنعش عالجاه يبجون
على صيت وبخت تتباجه انصارك
الردته يصير بعدك كله ماصار
اول ما انداريت الحجي اندار
اني بايعت عليآ اصبحت ثار
وقتل اهلك بالجوامع كام ينباح
بعدك ولا هاشمي ضل مرتاح
▪▪▪▪
يبو فاطمه فاطتك تولوهه
السمعو خير منك شتم سمعوهه
الدفعتلهم الباب بهله وياخويه
على بنيتك نفسهه الباب دفعوهه
ما صاحت يبويه خاف تاذيك
لان تدري الدفعهه منك وبيك
ماغزرت ملحه وي اليماشيك
جف الاكل زادك وجه بنتك لاح
بعدك ولا هاشمي ضل مرتاح
▪▪▪▪
علي بكلهن يشبهك وانت شابهته
شتمو بنتك الي شتمو بنته
الدار يصير خيمه... الباب تالي حبال
ضاك الكاس نفس المن كبل ضكته
مشهد بالضحيه تشابه الدور
انطبر كلبك وحيدر راسه مطبور
ميدور الزمان الصاحب يدور
انكطع كلشي برحيلك الا النياح
بعدك ولا هاشمي ضل مرتاح
▪▪▪▪
(حسين مني) ما صارت بعين انسان
الصار بعينهم بس ركضة النسوان
ضل بيكم يسولف كان يا ما كان
السكيته بماي وجهك كطعو عطشان
بحظن امه تشوف وليد مطروح
تريده يكوم بس شيكوم .. مذبوح
واحد هو بس هوايه الجروح
طاح الدين من ابن بنتك طاح
بعدك ولا هاشمي ضل مرتاح
استشهاد الرسول (ص) 1440ھ
BY ليث جودت__Laith Jawdat
Share with your friend now:
tgoop.com/laithjawdat/164