#متباركين_بمناسبة زواج النورين


الله عوَض للنبي گالــو وحيد
ابتَر اهــوه وهم ولد مايمتلِك

زوّج الكرار للزهــــــره البتـول
وصار ابوالحسنين للعالم ملِك

أم حيدر مكي النصاري ✧❣

بمناسبة عيد الغدير الأغر

گد الحچي وسيف ازماط حيدر هازم الأحزاب
صگـــــر ومفّلق الهــامات نشمی وقالع الأبواب
شايع صيت ابوالحسنين ليث امقطّع الأصلاب
      صفين التشهد بفعاله

  ✍🏻   ام حيدر مڪي النصاري

بمناسبة عيد الله الأكبر

نصّب المختــار حيـدر وخله بمچانه الرَفيع
گلهم أمرنـي الجلاله ابهالخبركون انه اشيع
والي ينكرهالرساله وحگ على هوه اليضيع
        گد مايركَع مامقبوله


     ام حيدر مكي النصاري

السلام عليكم ورحمة الله وبركاته

أعظم الله لنا ولكم الاجر بحلول شهر
محرم الحرام، شهر المصائب والأحزان 💔🏴
اخوتي واخواتي الڪرام لڪم حلال بالنشر
والتوزيع من القصائد وهوسات
ومايرتبط بأيام محرم الحرام نسألڪم
الدعاء وقراءة الفاتحة لروح والدي
جزاڪم الله خيراً.. •

¹-اول يوم محرم

²-ثاني يوم محرم

³-ثالث يوم محرم

⁴-رابع يوم محرم

⁴-رابع يوم محرم

⁴-رابع يوم محرم

⁴-رابع يوم محرم

⁴-رابع يوم محرم

⁵-يوم خامس محرم

⁵-يوم خامس محرم

⁵-يوم خامس محرم

⁶-يوم سادس محرم

⁶-يوم سادس محرم

⁶-يوم سادس محرم

⁷-يوم سابع محرم

⁷-يوم سابع محرم

⁸-يوم ثامن محرم

⁸-يوم ثامن محرم

⁹-يوم تاسع محرم

⁹-يوم تاسع محرم

⁹-ليلة العاشر محرم

نسولف بيڪ لأخر لحظه بينه
وانت الماتـــرد طلاب لو جينه

✍🏻.. #ليلا_الڪعبي 💔

في دفن الأجساد الطاهرة 🏴


العده واسیوفها تخسه کفنهم
او یاهو اللي يصح فنّه کفنهم
غســــــلهم دم والترابه كفنهم
الحسين و هله وصحبه الأبيّه

✍   أم حيدر مكي النصاري

في حق الحوراء زينب سلام الله عليها

أخــوي الوزّعوا عَظمه #ولحما
ومشيت مگيّده ابهمي #ولحما
دليـلي اشلون اطيـبنه #ولحما
وخوتي بلادَفن فوگ الوطيّه

  ✍🏻 ام حيدر مكي النصاري

اللهم نسألك الشفاء والعافية

غده ابعظمي المرض ياكل ولا شف
وصبـــح جفني دمع ينزف ولاشف
يريت العيـن هم عميـــــه ولا شف
ذليله والحـــــــــــــــزن خيّم عليه

✍🏻    أم حيدر مكي النصاري

في حق الرسول الأكرم (ص)

حزن خيّـم علىٰ العالم ولكوان
يگلبي عالنبــــي الأمـه ولكوان
اهمومی المرّدن چبدی ولکوان
فــــــرگة والـــدی أعظم رزيّه


✍  أم حيدر مكي النصاري

في حق الزهراء البتول س

الزچیه المَڪرمه من الله يتلها
وفضلــها المصحف بنَـصه يتلها 
هظیــمه الرجس یتجاسر يتلها
وعلي ماثــار سيـفه ابهالمسيـه

✍🏻  #أم_حيدر_النصاري

للعباس عمي

من لكدها اعلى المعاره وصاح حي اعله القتال
كربله غيّـــــم سماها احتـــارت ابزوده الرجال
رفع راية نصر بيـــــده وداسها اخشوم النذال
         بالطگ چن حيدر عصاته

  ✍🏻   ام حيدر مكي النصاري

دارمي

كون الوفه ينباع چان اشتريته
للماوفه ويـــــاي صوغه هديته

✍🏻 .. أم حيدر النصاري

ياباك


هظيمه اعله الوڪت مايوم ياباك
النـزلنه البـــيك دوم الجِفن ياباك
ولك منك من امك عـــــود ياباك
القساوه البيـــــــك وارثها هديه

✍🏻.. ام حيدر مكي النصاري

طفلة

طفله ومضيــّـــــــعة الأهل ويه الأمان
تلگـــــــــه موش بنيه اِجنــــازه تصير

التـــــمُر ابهالعمُر مـــــــــــو شي قليل
ولاهي لعبـــــــهِ تگول تخلص بالأخير

والأهم السكتـت اشيــــــــوخ الضَلال
الكشخت ابعــَــــــــار الكفر ابلا ضمير

كـــــــون تمطر غيـــره عالمايستحون
وكون تدفنهم جَمع ابعين بيـــــــــــر

اليمته تسبـَــــــح بالدمه كُومة جهال
گبّـــــعَت حتى الشمس چن تستجير

وينه لي يرحَم طفل صاح النه غُوث
الوحده معيوف ابوَهم يرجهِ النصير

چنــــها سالوفة عجـــــــايز بالشتاء
لاهي تگضي ولاهيه امنومه الفطير

اشوكت يندَگ علم بيـــــه ياحسين
يتــــــــرس الأنظار وايموَت الحقير

✍🏻  ام حيدر مكي النصاري

(☜. مواساة لإخوتنا في لبنان وغزة)

عاتبـــت ملعب يزلنـه وگتله يا ملعب سؤال
عدنه حُرمه ابغزة ناحت يمته تتچفّه الدلال
ليش متفـزعِ النشامه وتنخــه ابزود الرّجال
      وتگطع چف خصم الصهيوني

    ✍🏻   ام حيدر مكي النصاري

(☜. لسان حال خواتنا في غزة ولبنان)

من غزو برحيّة اهلي وارضي داسوها بخَنسّ
استهظمت عالماتنخّه اشواربــه ابحلگه ترسّ
صيّحِت والعرب نــومه حشمت بأهل الفرسّ
          للعجمي الدگ ثايه ابزوده

        ✍🏻  ام حيدر مكي النصاري