مهو مش هينفع تضحكِ على نفسك كتير مفيش امرأه صالحه اول ما تستيقظ من نومها همها مين بعتلها على الواتس طب لما الف على الفيس شويه وأقوم اصلى
لااااا ❌❌

عاوزة تكوني من الصالحات بجد إذا لازم تعيشى مثلهم

امنا جويريه رضي الله عنها كانت تجلس من الفجر للظهر تذكر الله

ناس همها الاخره وانا أحسبك كذلك بس عايزين نضبط شويه امور ✊

🦋اولاها ان تصبحي وليس همك الا الله  فتكون صلاتك ووردك واذكارك اولاااا ثم بعدها الدنيا

ربك ربك يابنتي اهم من اي شئ صباحك تقوى وجنه عرضها السموات والأرض انا على يقين انك ❤️ ستجعليهم قدوتك بالفعل مش بالكلام بس

كل ما يحزنك.. اصبر عليه.. فهو ضمان لتعويض قادم سواء في الدنيا أو الآخرة.. وكل ما يفرحك.. اشكر الله عليه فهو ضمان لاستمراره..

وعلى كل حال.. ارضَ بما قُسم لك.. فالرضا عبادة خاصة بأولياء الله.. "ما أصابك لم يكن ليخطئك، وما أخطأك لم يكن ليصيبك"..

كل شيء في حياتك يأتي في وقته المحدد: العمل سيأتي في أوانه.. الزواج سيأتي في أوانه.. وحتى الإنجاب سيأتي في أوانه..

ما فاتك لم يكن ليناسبك.. وما حصلت عليه لم يكن يمكنك أن تتجنبه أو تهرب منه..

ولو عاد بك الزمن.. ستختار نفس اختياراتك لأنك في المكان والشكل الذي قدّر الله أن تكون فيه تماماً.. فكن قرير العين..

#قبس

"فضلُ سيّد الاستغفار: من قاله نهارًا فمات قبل المساء دخل الجنّة، ومن قاله ليلًا فمات قبل الصباح دخل الجنّة.

💡ذكر أحدهم عن أحد أقربائه أنه إذا جلس ليأتي بالأذكار بدأ بسيّد الاستغفار، فسُئل عن السبب، فقال:
من يضمن أن أعيش إلى أن أنتهي من الأذكار؟"

س/أعمل ايه في الصلاة في الجامعة؟ ينفع أجمع الظهر والعصر عشان المحاضرات ومافيش مسجد قريب أصلي فيه؟؟
ج/ لا ماينفعش
تأخير الصلاة عمدًا لحد مايخرج وقتها كبيرة من الكبائر
وده زي صلاة الظهر قاصد بعد العصر ماأذن عشان خاطر محاضرة
روحي في وسط المحاضرات صلي وارجعي
ولو المسجد بعيد تقدري تصلي في أي مكان جنبك افرشي سجادتك وصلي في أقرب مكان فاضي
**
س/ بس كده الرجالة هتشوفني وأنا بصلي ...الصلاة كده مش هتبطل ؟
ج/ لا ..الصلاة ماتبطلش عشان الرجال شافوكي
مش من مبطلات الصلاة ولا من مبطلات الوضوء ولا عذر لتأخير الصلاة أو صلاتها وإنتي قاعدة
**
س/ أيوة يعني أصلي ازاي؟
ج/ صلاة عادية خالص تقفي وتركعي وتسجدي بكل هيئتها وأركانها
👈ولو كنتي منتقبة....فصلي ساعتها بنقابك والجوانتي بلبسك كله كامل عادي
وبرضو النقاب مش من مبطلات الصلاة ماتقلقيش

شُرِعَ الحِجاب لِيصرف الأنظار عن المرأة ، فإِذا صار جالباً للأنظار فقد خَالفَ مقصود الشرع منه..

فرحِم الله فَتاةً  فَقِهت هذا ولَزِمَته.

‏📌 من أسباب تفكك الأسر اليوم

البنت اليوم في بيت أبيها تعيش في قمة الرفاهية، لا يعلمونها معنى قوامة الزوج ؛ وحقوقه ؛ وطاعته ؛ وحسن التبعل له ، فتتزوج وعقيدتها : أنا حرة ، أنا شريكة، أنا صاحبة قرار ، أنا مساوية له ؛ أو أفضل منه .!!
ولا تعلم أنه شرعاً سيدها ؛ ورئيسها ؛ وكبيرها ؛ وهي مأمورة بطاعته ؛ ‏والحاكم عليها ؛ ومؤدبها إذا اعوجت، بل وأنها في كنفه ما دامت في بيته ، ليس لها أن تخرج من منزله ؛ أو تأمر فيه إلا بإذنه ، حتى لو أمرها أبوها فطاعة زوجها ، وتوقيره ، مُقدمة بلا خلاف ..
هذا الذي ينبغي أن يسير عليه البيت المسلم ..
√ رجل محب قوام
√ وامرأة محبة مطيعة
أما ‏إذا تبدلت الأدوار فسد النظام، وهذا معلوم ومشاهد ..🌱

منقول

كل الناس بتستعد لرمضان
كل واحد على حسب حاله ..

- التجار بيستعدوا بسلعهم
- القنوات بتستعد بالمسلسلات
- القهاوي والمطاعم بتستعد بسهراتها

انت بقى بتستعد بـ ايه ؟!

👈سمعت أحد المشايخ يقول :
"ولو أرادوا رمضان لأعدوا له عدة"
قياسًا على الآية :
(ولو أرادوا الخروج لأعدوا له عدة)

طيب نعُد العُدة ازاي ؟! 🤔
قال أحد السلف :
"رجب شهر البذر وشعبان شهر السقيا ورمضان شهر الحصاد"

🌳فكل اللي انت عايز تحصده في رمضان وتلاقيه ..
من خشوع قلب
إقبال على القرآن
سهولة في الذكر
يسر في النوافل

لاااااازم تبدأ فيه من رجب 🤚

• كتير من الناس بتحط آمالها على رمضان وتقول إن ناوي اتغير فيه ..
ومايعرفش إن لازم ليه خطة مسبقة ..
وإنك علشان تتنعم - مثلاً - بقيام الليل في رمضان ..
لازم تمر بمرحلة تتخلص فيها من آلام تعب القدم اللي مش متعودة على القيام الطويل ..
ودي تبقي قبل رمضان ..

• عشان يسهل عليك العبادة وانت صايم وماتبقاش طول النهار نايم وهبطان ..
لازم تعود نفسك على الصيام من دلوقتي ..

وهكذا في كل العبادات ..

- بنقول الكلام دا ليه ؟!
لأننا في شهر الغرس واحنا لسه في أوله ..
ومحتاجين نشجع بعض فيه على العمل الصالح استعدادًا لرمضان ..

ربنا يبلغنا وإياكم رمضان ..
ويوفقنا فيه لما يحب ويرضى ❤️

بمناسبة البرد والتكتكة اللي احنا فيها دي ⛈
🔸عارف انه في ليالي أشد برودة من دي بكتير جدًا
الأحزاب اتجمعوا عشان يقضوا على النبي وأصحابه !
ظروف صعبة جدًا كان بيعيشها المسلمين ..
- الجوع .. بسبب الحصار لدرجة ان الرجل كان يربط على بطنه الحجرلشدة الجوع
- البرد .. لدرجة ان بعض الصحابة حفروا لنفسهم حفر يناموا فيها
- التعب .. بسبب حفر الخندق حول المدينة لحمايته من الأعداء
- الخوف .. من الأحزاب اللي اجتمعت على المسلمين
🔹النبي صلى الله عليه وسلم يدخل في ليلة يقول :
"من يأتيني بخبر القوم وهو رفيقي في الجنة ؟"
يعني اللي حابب ، يتقدم .. كان الأمر اختيار
محدش اتحرك بسبب شدة الظروف الصعبة جدًا ❎
رغم ان الصحابة كانوا بيتسابقوا على أي حاجة يطلبها النبي
أو يحفزهم ليها ❗️
دي يخليك تعرف مدى البرد الشديد جداً والظروف الصعبة وقتها 
فيقول النبي صلى الله عليه وسلم : "قم يا حذيفة" !
فلما كان الأمر مباشر .. مش اختيار
قال حذيفة : "فما كان لي من طاعة الله ورسوله بُد"
رغم انه كان حافر لنفسه حفرة نايم فيها من شدة البرد

- انت عامل ايه في صلاة الفجر ؟
الفجر ده وباقي الصلوات ، نداء من ربنا سبحانه وتعالى ليك
أمر مباشر .. حي على الصلاة .. حي على الفلاح
احنا عاوزين نكون رجالة في تحمل البرد اللي لا يقارن بأيام الأحزاب
نكون رجالة زي سيدنا حذيفة ابن اليمان 💪
لما نفسك تلاقيها كسلانة ..
افتكر .. قم يا حذيفة

#رسايل

☜ #لا_تنسى_ذكر_اللـه..


☜ الشيخ : ﴿ #محمد_الشنقيطي﴾

🌷═══ 💔 ════🌷

📣البنات اللي بتشات مع ChatGPT وفرحانين بردوده...
خليني أقولك إن اللي بتعمليه ده مصيبة والله في حق نفسك
إنتي مبسوطة دلوقتي بانه بيديكي الردود اللي محتاجاها عاطفيا وإن فيه حد بيسمعك وبيتكلم معاكي 
✋بس خدي بالك
إنك حتى لو واخدة الموضوع هزار ...دي البداية بس
دي بالظبط زي أول سيجارة بيجربها أي مدمن ..وبعد كده بيتعود ومابيقدرش يبطل
بمعنى تاني...
إنتي بتعودي نفسك تسمعي كلام يشبعك عاطفيا حتى لو من ذكاء اصطناعي
واحدة واحدة ...هتاخدي ع الكلام ده ومش هيشبعك عاطفيا وهتبقي عاوزه ده في الواقع
ويمكن كمان تتصدمي في الواقع لما يبقى في الحلال لأنه طبعا مش آلة ده بشر فمش هتلاقي الردود دي في كل وقت زي ماالشات ده بيعمل
فخلي بالك من نفسك ومن مستقبلك وصحتك النفسية وبلاش نجرب كل حاجة👍

في الوضوء لَمَّا بكون لابسة حاجة تقيلة وصعب تتشمر وأنا بره البيت بمسح من فوق الهدوم على إيدي، ده عادي ولَّا إيه؟
ج/ لأ مش عادي..
الوضوء ده باطل، وكلّ صلاة صلّيتها بهذا الوضوء باطلة ((ويلزمك إعادة كل فرض صلتيه بالوضوء ده))
س/ ليه الوضوء باطل ؟ ليه ماينفعش أمسح على دراعي زي مابمسح على الشراب أو على الطرحة ؟؟
ج/ لأن غسل الدراع لحد المرفقين ((أو الكوع زي مابنسميه)) فرض في الوضوء
"فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ"..فده أمر بغسل الدراع عشان يصح الوضوء وينفع تصلي وبالتالي الفرض ده مش هيسقط إلا لعجز زي اللي دراعه مكسور ومتجبس مثلا
أما المسح على الشراب والطرحة أو الخمار فينفع لأنه ورد عن النبيﷺ إنه مسح على الخف اللي هو زي الشراب ومسح على العمامة اللي هي زي الطرحة أو الخمار ..
لكن ...ماوردش عن النبيﷺ أبداااا المسح على الدراع مهما كان الجو برد أو لأي عذر تاني زي الهدوم الضيقة مثلا
س/طيب أعمل ايه في الصلوات اللي بكون فيها بره البيت ومحتاجه اتوضا ومش هعرف أشمر اللبس ؟؟
ج/
_ أولا ..مهم جدا تظبطي مواعيدك وحياتك كلها على مواعيد الصلاة
فمثلا ..قبل ماتخرجي من بيتك انزلي متوضية ..
_ثانيا وانتي بتشتري لبسك ..هاتيه بكم واسع تقدري تشمريه وتتوضي ...
_خلي دايما الصلاة في حساباتك في كل وقت في حياتك وخليها هي أول الأولويات

النجاح مابيجيش فجأة.. النجاح حصيلة سعي مستمر، تعب، وإيمان بأننا قادرين نوصل مهما كانت التحديات.. وكل خطوة صغيرة بنخطيها بتقربنا من أهدافنا.

الحياة بتعلمنا إن الأمل مش بس فكرة نستناها.. لكنه قرار لازم نعيشه كل يوم، بالصبر على الصعاب وبالرضا اللي بيساعدنا نكمل المشوار مهما طال.

ما دام إحنا عايشين، يبقى عندنا فرصة نتغير، نحسن من نفسنا، ونعيش كل يوم كأنه صفحة جديدة.. صفحة نكتب فيها أحلامنا بإصرار وأمل وتوكل على الله 💯

🔻🔻🔻
🔻🔻
🔻

‼️عار على كل زوج هذه حاله👇

💥عار على كل زوج ..
يعيش مع زوجته في بيت واحد وهي تشعر بأنها بلا رجل !!

💥عار على كل زوج ..
أن تشتاق زوجته إلى كلمة حب واحدة وهو يوزع كلمات الحب الجميلة على الأغراب !!

💥عار على كل زوج ..
أن يعامل زوجته وكأنها مملوكة امتلكها، أو عاملة استعملها، فيستهين بمشاعرها وكرامتها !!

💥عار على كل زوج ..
أن يعتبر الغلظة والخشونة هي اثبات الرجولة !!

💥عار على كل زوج ..
أن يعتبر الغضب والقسوة في معاملة المرأة هي القوة !!

💥عار على كل زوج ..
أن ينام ويغمض عينيه وزوجته باكية حزينة تعيسة بسببه !!

💥عار على كل زوج ..
ينظر إلى زوجته وكأنها خادمة أو طباخة، وعليها أن تعمل كل شيء وتخرس بحضرته !!

💥عار على كل زوج ..
أن يثور لأتفه الأسباب ويمنع زوجته أن تدافع عن نفسها لأنه الرجل !!

💥عار على كل زوج ..
أن يحمل زوجته مسؤولية نجاح وسعادة الأسرة، وهو المسؤول عن نجاحها وفشلها !!

💥عار على كل زوج ..
يعتقد أن حقوق الزوجة هي الطعام والشراب والمسكن والملبس والنفقة فقط وكأنها بهيمة !!

💥عار على كل زوج ..
أن يصمت وقد منحه الله عز وجل نعمة الكلام والإحساس، ولا يعامل زوجته بالعطف والحنان !!

💥عار على كل زوج ..
أن يضحك ويتلطف مع الناس الغرباء ولا يضحك مع زوجته ولا يلاطفها ويلاعبها ويداعبها !!

🫵 كن زوجاً رحيماً حنوناً ..
صادقاً صبوراً .. رؤوفاً حليماً ..
بشوشاً لطيفاً .. جميلاً ودوداً ..

✋واعلم أن كل الذي تراه من زوجتك
هو انعكاس للعشرة التي عاملتها بها !!

📝 تعلموا سيرة نبيكم -ﷺ-

👇وتذكروا وصيته -ﷺ- لكم ..

  ” اتقوا الله في النساء
   فإنهن عوان عندكم “

اللــهــم صـل وسلـم على نــبـيـنـــا
محمد وعلى آله وصحبه أجمعين

🔺
🔺🔺
🔺🔺🔺

س/ ليه متابعة المسلسلات والافلام حرام ؟؟
ج/ لأسباب كتيييير :
1️⃣ لأن الراجل مأمور بغض البصر عن النساء وكمان المرأة مأمورة بغض البصر عن الرجال
"قُل لِّلْمُؤْمِنِينَ يَغُضُّوا مِنْ أَبْصَارِهِمْ"
وده طبعًا مش بيحصل في متابعة المسلسلات والأفلام ده العكس اللي بيحصل كمان

2️⃣الافكار والمعاصي اللي بيزرعوها في اللي بيتفرج عليهم لدرجة تخلي اللي بيتابع المسلسل يتعاطف مع الخاين والقاتل وشارب الخمر والبلطجي و.....
فالمشكلة الحقيقية في المسلسلات والأفلام: هي التطبيع مع الحرام.
أنك تشوف الحرام هو الـ normal ومع الوقت مش هتشوفه حرام أصلا، ولو حد جه يحذرك منه تبقى مستغرب وشايفه متشدد لأنك خلاص اتعودت عليه وماعدتش بتستغربه

3️⃣بالاضافة إن المسلسلات والافلام هي بيئة للمجاهرة بالمعاصي سواء كان بعدم الحجاب أو بالاختلاط والتلامس المحرم بين الرجال والنساء

4️⃣ التصوير الموسيقي اللي موجود في كل مشهد مع طبعًا حرمة المعازف والموسيقى

وعشان كدة مشاهدة المسلسلات و الأفلام  حراااام

" يابت انتي مراتي !! "
الجملة دي كتير من البنات بتسمعها
وللأسف بعضهم بيعتبرها وعد موثق بالزواج!!

والحقيقة يا أختي  الجملة دي ولا هي جواز ولا وعد بالجواز ولا هي أي حاجة
هي مجرد استغلال من الشاب للبنت عشان يقدر يضحك عليها

لو كنتي فاكرة إن الكلمة دي تعني أي حاجة شرعًا  فأحب أعرفك إنك غلطانة ❌

غلطانة من أول مابدأتي علاقة مع شاب مرورًا بالكلام معاه سواء شات أو مقابلات لحد ما وصلتي لمرحلة إنه يقولك الجملة دي

وطبعًا لو حصل أي تنازلات أو تجاوزات بعد الجملة دي  كل ده طبعًا حرام ومعصية كبيييرة

- الزواج  مالوش غير طريق واحد بس  يتقدملك عند أهلك ويتم عقد الزواج بموافقة الأهل ووجود الشهود ...ساعتها بس ينفع يقولك
" يابت انتي مراتي"

إنما أي طريقة تانية لااااااااا

وخليكي فاكره كويس أوي اللحظة دي :
(يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ)

ليه الصيام دلوقتي مهم؟

البداية دايمًا مهمة، وكونك تفكر تصوم دلوقتي تحديدًا ده دليل على رغبتك في التقرب من ربنا.

1️⃣ فرصة مضاعفة للأجر:
دلوقتي إحنا في الأشهر الحرم، والأعمال الصالحة فيها ليها ثواب أكبر. تخيل يوم صيام واحد ممكن يرفعك درجات عند ربنا!

2️⃣ وقت للتوبة والتقوى:
الصيام بيطهّر القلب ويقربك من ربنا.
بداية صيامك  ممكن تكون نقطة انطلاق جديدة لحياة مليانة رضا وسلام داخلي.

3️⃣ استعداد للنفس وللعادات الصالحة:
لما تبدأ ، أنت بتعوّد نفسك على الطاعة قبل مواسم العبادة الكبيرة زي رمضان.
البداية الصح بتبني أساس قوي.

4️⃣ كفارة للذنوب:
قال النبي ﷺ: "من صام يومًا في سبيل الله باعد الله وجهه عن النار سبعين خريفًا" (رواه البخاري).


#صيام غدا الخميس#

🎙️ الحلقة الأولي

بالله عليك...
وانت قاعد في البرد كدة تحت الكام بطانية وبتتدفى بالحاجات السخنة ..
وانتي بتلبسي ابنك كام طبقة عشان يتدفى وتتأكدي كويس انه متغطي....
ماتنسوووش تدعوا لناس موجودين في جو أبرد من اللي احنا فيه كمان
بس قاعدين في خيمة بلاستيك أو قماش من غير لبس يدفي ولا أكل ولا بطاطين وكل شوية المطر يغرق خيامهم والرياح كمان تطيرها
ومن وراهم عـ.دو غاشـم بيحصدهم حصد وسط صمت وخذلان غير مسبوق
الناس دول كانوا لسه من قريب قاعدين في بيوتهم معززين مكرمين وماخرجوش من بيوتهم غير دفاعا عن مقدساتنا
والله مفيش أقل من انك تفتكرهم وتتابع أخبارهم وتقاطع أعدائـ*ـهم
وتدعيلهم في كل وقت ..
كل ماتلاقي نفسك جعان أو بردان أو عطشان...ماتنساش تشكر ربنا على النعمة وتدعي ليهم
افتكرهم دايما في دعائك وتبرعاتك



# الوتر جنة قلوبكم#