tgoop.com/lukmanbdran1970/4287
Last Update:
يلّي بانظارَك خيم مِشتعله نَار
ونَـﮔـلَة اِجدَامك سِبايه بهَـيمه
سَيدي يَبن الحسَن وَاقِعنه صَار
اِيتامَه واحتِرﮔَـَت عَليهم خَيمه
يابو صالح
**
يالحَنِينَـك مِثل نُوح امطَوِّﮔات
فارِﮔن لِعشُوش والجِنح انكسَر
ونَشغة لِبصَدرك صَدى الحرَّه التِصيح
عَلى التَل وذَوِّبَت ﮔلب الحَجر
يابو صالح
**
شِفـِّـتَك مِتفَـطّرَه وتِدعِي بدُعاء
وتمشِي بدرُوب الخلَـگ باﮔوها
لو نِـكَثت الجُـبّه يتنِـاثر رمَـاد
باقِي مِن ذيـﭻ العِبي الحِرﮔوها
يابو صالح
**
اِعمَـامِتك طَرَّزها جَـمر النايبَات
وجِدمَك اِيدَوِّر أَثر لِــبنـَـيـَّـه
ونَظرِتك تمسَح ثرَه الـﮔاع بعَـناء
واعلى ﭼَفّك وِصلَه مِـن تَرﭼيه
يابو صالح
**
اويَاك دَوِّرنه تَرَانه امضَيِّعـين
بيوم ماضَيعَـوا عَلينه امكَانَك
خِذنَه لِمدَاسَك ثرَه وجِد المسير
ولاتِـخلِّينه ابألَم هِجـرَانك
يابو صالح
**
امـﭼَتف اِنته ابوَقِت واحنه بهَالذنوب
اِلتَعـِّبَـتنه وأخِّرَت مِـيعـَـادَك
حِل اِدينه وكسِّـر اقـيود الزمَـان
ذِبَـح مِـيل السَاعه طول اغيَابك
يابو صالح
--------------------------
لقمان البدران
https://www.tgoop.com/lukmanbdran1970
BY الشاعر لقمان بدران
Share with your friend now:
tgoop.com/lukmanbdran1970/4287