tgoop.com/lukmanbdran1970/4836
Create:
Last Update:
Last Update:
فاطِم أم ابُـوها انفطمَت امن الشَك
ﮔلب، مُو دم يَقين اليمشي وَي نَبضه
فاطم جَنة الله النزلَت اعلى الـﮔاع
وبَس بيههَ اَلله جمَّع جَنِّـته وأرضه
فاطم وَمضَـه من نور الجَلالـه اهنا
ابدِنيانه وأَسَف ما حفظَوا الوَمضه
ولأنها سِر اِلهي اتجسَّـد ابهـالكون
غضَب ألله غضَبهه ولو رضَت يرضه
فاطم صَار إسمها ابهالشكل ينـﮔال
أظِن باب المنيه اويَه الضِلع رضَّـه!
واقسِم مِن ﮔلِت فاطم خِذَاني اِربَاك
وخجَل غَطه كيَاني ابطولَه وبعرضَه
اﮔول شلون فاطم وانه كلِّي اذنوب
وطَيباتي أَنَه امن ازمَان مِنقَرضـه؟
عَجيب اشـﮔد وَكيح وعِندي ﮔوَّة عين
ورُوحي اعلى الأدب والدين مِعتَرضه
وﻷن اِهيَه الطهَاره اتمَـثّلت بانسان
ﮔبل لاﮔـُول اسِمهه الوَاجِب اتوَضّه
-------------------------
لقمان البدران
BY الشاعر لقمان بدران
Share with your friend now:
tgoop.com/lukmanbdran1970/4836