tgoop.com/m_kenjabek/5103
Last Update:
ТЕГРАНГДА БОР ЭКАН СОҒЛАР, ЙИҒЛАМА...
Тўртликлар
* * *
Бир сўзим бор, айтай сенга йўли билан:
Эл бўлмагин элбўлмаснинг эли билан.
Дунё билан муҳораба айласанг ҳам,
Катта йўлда тортишмагин лўли билан...
* * *
Бири кам келганлар бири кам кетди,
Олам сарватлари дам-бадам кетди.
Ҳеч нарсанг йўқ эди – борингни бердинг,
Сендан нима кетди? – Сендан ғам кетди!
* * *
Дардингни ўз дилин тиғлаган билур,
Дарду ғамин пинҳон сақлаган билур.
Ҳолингни дунёда кулганлар билмас,
Кеча зулматида йиғлаган билур.
* * *
Фироқдан титраса тоғлар, йиғлама,
Йиғлаб хазон тўкса боғлар, йиғлама.
Аллоҳ учун мажнун, бемор, зор бўлсанг,
Тегрангда бор экан соғлар, йиғлама.
* * *
Минг турли усту бош – энгилларга боқ,
Юки оғирлару енгилларга боқ.
Жонсиз жасадларни кўрмоқ истасанг,
Эй дўст, муҳаббатсиз кўнгилларга боқ!
Мирзо КЕНЖАБЕК
@m_kenjabek
┈┈• ❀ 🌷☘️🌷 ❀ •┈┈•
BY Мирзо Кенжабек ижодхонаси
Share with your friend now:
tgoop.com/m_kenjabek/5103