گمره

سكارى نصلي ونغني...

نحب ونموت ونخضر وطن للناس ونغني..

بصابعنه النجم سجه وعمر مكتوب لعيون الحبيبة الغافيه بظنك كبل ظني...

كضيناهن سهر ودموع كل موعد يجي يجيب العمر والخوف
يجي بجف الرمل بسكوت..
سكته برمشك ورمشي الظلام يطوف...

كضيناهن كراجات وسفر وهموم
حماميل وحزن وجفوف...

وين انت وهذاك انا نهر فوك منصابعيك خسارة يصيح..

وينك خايف بروحي النهار يطيح..

فوك اول منارة التفلفت بسمك يوجه ابليس

فوك الماي كبلك وانت مثلي تصيح...

حماميل الوطن فقره..
حته ثيابنه تغني الشعر فطره..

يوجه ابليس هذا انا شعر شعبي أحب شعبي

احب ناسي بس اكره غنه المحراب

كلهه احزاب

وحنه ثنينه من تراب...

نسكر والعمر مكتوب فوك الباب...

حماميل وعمرنه الراح مثل الجاي....

ترجية بوجه حلوه انطفت بالماي..

سكارى ويدري بينه الله نحب الدينا وطفال الصبح والعيد

الفرح بعيونه من العيد.. ها يفلان تدريني

اموت من الفرح لوجاس كلبي الدم
وانا ابنادم
مشه بمرايته النسيان حد ليل الكلوب العاشكه التحلم..
بيت زغير الدنيا تلعب بالشمس والطين...
وهذا آخر نهر بالروح عده ولا حضاله بدين...
انا المظلوم
انا الشاعر
انا الشعب اليموت وقبلته جفوفه وغلاته حسين...
ها ياليل
وين الناس
وين الشعر والثوار
كل هذا العطش والشوك والاشعار...

حزني وغربتك ياليل
عمري وكلبك السهران
صورنه الكمر للطيف
طلعت شيب بالنهران....
ها ياموت ناسي تموت وأنت مرافك السلطان..

اخ من الوطن والخوف
اخ ولا كضت بالروج عدينه وعبرنه الشوف..
وين نموت
ليش نموت

بيت زغير الدنيا..
ع ثياب الزغار تنام
الصبح تغسل دكاكين العمر والجام...

وين الله
اليحب الناس
ماتت ناسك من الناس
ماتت والخبز ركضت حلم بالياس..

اخذنه الكلبك
الحزنك يبعد الله
اخذنه من الجذب والدين
اخذنه بروحك اسم الله...
تعبنه من الصلاة من الوطن والخوف
تعبنه ولا عمر يسوه
المن نبجي ونغنيك
هية الدنيا مو كوه
تعبنه من الاكحاب التارسه سنينك
تعبنه من السياسه من الوطن والدين عمر دخانه بعينك...
اخذنه الكلبك السهران. .
غلطتنه العشك والليل والإنسان....
تعال ويانه
خل نلعب كبل لا يكبر البستان

عزيز عسكر 💙

www.tgoop.com/manfa19/14811

1.5K viewsعلي الطوگي, May 26, 2020 at 01:05

سكارى نصلي ونغني...

نحب ونموت ونخضر وطن للناس ونغني..

بصابعنه النجم سجه وعمر مكتوب لعيون الحبيبة الغافيه بظنك كبل ظني...

كضيناهن سهر ودموع كل موعد يجي يجيب العمر والخوف
يجي بجف الرمل بسكوت..
سكته برمشك ورمشي الظلام يطوف...

كضيناهن كراجات وسفر وهموم
حماميل وحزن وجفوف...

وين انت وهذاك انا نهر فوك منصابعيك خسارة يصيح..

وينك خايف بروحي النهار يطيح..

فوك اول منارة التفلفت بسمك يوجه ابليس

فوك الماي كبلك وانت مثلي تصيح...

حماميل الوطن فقره..
حته ثيابنه تغني الشعر فطره..

يوجه ابليس هذا انا شعر شعبي أحب شعبي

احب ناسي بس اكره غنه المحراب

كلهه احزاب

وحنه ثنينه من تراب...

نسكر والعمر مكتوب فوك الباب...

حماميل وعمرنه الراح مثل الجاي....

ترجية بوجه حلوه انطفت بالماي..

سكارى ويدري بينه الله نحب الدينا وطفال الصبح والعيد

الفرح بعيونه من العيد.. ها يفلان تدريني

اموت من الفرح لوجاس كلبي الدم
وانا ابنادم
مشه بمرايته النسيان حد ليل الكلوب العاشكه التحلم..
بيت زغير الدنيا تلعب بالشمس والطين...
وهذا آخر نهر بالروح عده ولا حضاله بدين...
انا المظلوم
انا الشاعر
انا الشعب اليموت وقبلته جفوفه وغلاته حسين...
ها ياليل
وين الناس
وين الشعر والثوار
كل هذا العطش والشوك والاشعار...

حزني وغربتك ياليل
عمري وكلبك السهران
صورنه الكمر للطيف
طلعت شيب بالنهران....
ها ياموت ناسي تموت وأنت مرافك السلطان..

اخ من الوطن والخوف
اخ ولا كضت بالروج عدينه وعبرنه الشوف..
وين نموت
ليش نموت

بيت زغير الدنيا..
ع ثياب الزغار تنام
الصبح تغسل دكاكين العمر والجام...

وين الله
اليحب الناس
ماتت ناسك من الناس
ماتت والخبز ركضت حلم بالياس..

اخذنه الكلبك
الحزنك يبعد الله
اخذنه من الجذب والدين
اخذنه بروحك اسم الله...
تعبنه من الصلاة من الوطن والخوف
تعبنه ولا عمر يسوه
المن نبجي ونغنيك
هية الدنيا مو كوه
تعبنه من الاكحاب التارسه سنينك
تعبنه من السياسه من الوطن والدين عمر دخانه بعينك...
اخذنه الكلبك السهران. .
غلطتنه العشك والليل والإنسان....
تعال ويانه
خل نلعب كبل لا يكبر البستان

عزيز عسكر 💙

BY گمره