tgoop.com/mapesat/14452
Last Update:
وشَخص ترمِيله كُل عيوبك فيقولك "ياجَميل"❤.
- في فترة لاقتني زميلة لطيفة عندها سُكري، أثَّر على شفايفها فبقت داكنة جِداً، فكانت بتعمل عليهم أرواج ثابتة علشان ما يبيّن لونهم والناس تبصم عليها بلقب "فاسخة"
مرّة واحدة بس جات من غير ما تعمل عليهم روج، جات واحدة ربنا يعافيها قالت ليها
" شفايفك حلوة من غير روج، أعملي عليها قلوس بس "
مرَّة واتنين وتلاتة بقت تجي عاملة عليهم قلوس، لحد ما اتعودت في الآخِر على شكلهم الطبيعي
-عندي صَحبة جميلة مرّت بفترة صَعبة في حياتها خلاَّها تبعد من الناس فكان مبررها
" أنا انسانة مَلانة عيوب؛ لا طايقة نفسي ولا في زول حيطيقني "
في أول الشارع كانت ماشية براها
لمّا وصلت لنهايتو كان جنبها أهل، أصحاب، وناس جميلين زيّها
لأنها عِرفت في نص الشارع إنُّ العيوب البتأذي بنداريها
أمَّا باقيها بنعلقها على أبوابنا والعاوز يتقبَّلها يدُق بَابنا ويَا زينة الدَّار بيه
- في واحدة كتبت:
إنك تتقبل عيوبي أهم من إنَّك تحبني
القبول بند أساسي في أي علاقة مهما كَانت
على الآخِر:
خُد مني ضحكة ورُدَّها إنسان
واضحكلي وقت ما دمِّي يبقى تقيل
حسسني إني مهم للعالم
واقنعني دايماً إني شَخص جميل.
BY -السـكة وطن🇸🇩❤️🖤💚.
Share with your friend now:
tgoop.com/mapesat/14452