tgoop.com/masafatw/74389
Last Update:
بوست منقول ومهم جدا ويمثل حال كتير عائلات ونحنا منن . .
—————————-
والله ياجماعة شاءت الصدفة انو نحن بالبيت ماعنا مواد غذائية ابداً .. كان عنا ظرف ومالنا جايبين غراض صرلنا فترة
المهم متلنا متل هالعالم .. نزلنا اليوم ع التارغت بمول الدامسكينو العالم فووق بعضها ودور الكاشير واصل لنص الماركت .. وكل عيلة معبية ٣ ٤ سلات
والرفوف فاضية ومافي لا سكر ولا رز ولا برغل ولا زيت مافي شي..
والله في عالم كتير محملتها بشكل مبالغ فيه..
سبحان الله حملنا حالنا وطلعنا .. بس الشي لي بيقهر ارتفاع الأسعار بشكل عشوائي بكل الأماكن وكأنه الدنيا نتهت..
في حديث مهم عن رسول الله ﷺ :
مَن أصبحَ منكم آمناً في سربِهِ ، مُعافًى في جسدِهِ عندَهُ قوتُ يومِهِ ، فَكَأنَّما حيزت لَهُ الدُّنيا.
(قوت يوم مو والله قوت أسبوع ولا شهر ولا سنة)
يوم واحد..
عندك اكل اليوم وبكرا.. خلص اطمن الله بدبرك بعدين
متل ما تولاك مبارح بيتولاك اليوم وبكرا وبعد شهر.
كلو راكض ع بطنه .. عادي وانا كمان وكلنا
بس بدها شوية وعي وهدوء
بإذن الله رب العالمين ما بيتركنا
اجت كور..رونا وراحت والله دبرها..
اجت الزلازل وراحت والله ما نسينا..
اجت سنين الأزمة ومرقت ولو بصعوبة بس الله ما تركنا
مختصر الكلام : أليس الله بكافٍ عبده؟
أحسنوا الظن بالله وبشروا ولا تنفروا..
وهيك الله يتولانا ويرعانا ويدبرلنا
الجأ إليه هو يملك الكون وهو على كل شيء قدير🤎🤎. .
BY . مَسَافَاتْ و شَوُقْ🤎𓂆 .
Share with your friend now:
tgoop.com/masafatw/74389