КУЛЬТУРНАЯ ПАЛІТРА БЕЛАРУСІ. ЖЫРОВІЧЫ. ГРОДЗЕНШЧЫНА.

КУЛЬТУРНАЯ ПАЛІТРА БЕЛАРУСІ. МАГІЛЁЎ.

НАША НАДВОР'Е.

Прагноз надвор'я па Беларусі на 23 снежня.

Перавага хмарнага надвор'я.
🌨 ☔ ️ На большай частцы тэрыторыі кароткачасовыя ападкі (снег, мокры снег, дождж).
Месцамі слабыя туман і галалёд,
⛸ На асобных участках дарог галалёдзіца.
🌬 Вецер паўднёвы, паўднёва-ўсходні 4-9 м / с.
Тэмпература паветра максімальная днём -3..+3.

У Мінску:
перавага хмарнага надвор'я.
🌨 Магчымы невялікі снег, мокры снег (верагоднасць ападкаў 30-40%).
Слабы галалёд,
⛸ На асобных участках дарог галалёдзіца.
🌬 Вецер паўднёвы, паўднёва-ўсходні 4-9 м / с.
Тэмпература паветра:
раніцай -1 -3°з,
днём каля 0°з,
увечары -1 -3°С.

НАШ КАЛЯНДАР.
НАРОДНАЕ.
БЕЛАРУСЫ ПРЫКМЯЧАЛІ...

23 снежня - Міна красамоўны.

Праваслаўныя хрысціяне ўшаноўваюць памяць святога Міны красамоўнага, які прыняў пакутніцкую смерць за Хрыста ў пачатку IV стагоддзя.

Ён быў добрым прамоўцай. Людзі прыслухоўваліся да Міны, заўсёды выконвалі яго парады і засцярогі. Таксама Міна лічыўся добрым лекарам. Многія прыходзілі да яго і прасілі дапамогі.

Лічыцца, што менавіта з 23 снежня пачынае павялічвацца дзень.Існавала павер'е : «са Святога Міны-цемра ад нас міма».

У некаторых мясцінах людзі стараліся шчыльна зачыняць вокны і дзверы ў хатах – лічылася, што нячыстая сіла ў гэты дзень шукае магчымасць пралезці з вуліцы ў жытло.

Была такая прыкмета:
❄️калі сарокі лётаюць побач з хатамі або лезуць пад страху – чакай завіруху.

Сёння імяніны ў Аляксандра, Аляксандры, Аляксея, Анатоля, Ангеліны, Аўдоцці, Ганны, Рыгора, Івана, Канстанціна, Лаўрэна,

НА ДОБРЫ ДЗЕНЬ...

"Ойча наш, каторы ёсць у небе, свяціся iмя Тваё, прыйдзi Валадарства Тваё, будзь воля Твая як у небе, так i на зямлi.

Хлеба нашага штодзённага дай нам сёння, і адпусцi нам правіны нашы, як i мы адпускаем вiнаватым нашым, і не ўводзь нас у спакусу, але збаў нас ад злога. Амінь."

Дай Божа, КОЖНАМУ ЧАЛАВЕКУ, пражыць гэты дзень у здароўі, радасці, добрых справах, павазе і любові да бліжняга, у асабістым поспеху і веры.

ТБ-ПРАЕКТЫ.

ТРАНСЛЯЦЫЯ СА СВЯТА БОЖАГА НАРАДЖЭННЯ Ў КАТОЛІКПЎ.

Белтэлерадыёкампанія арганізуе трансляцыі калядных набажэнстваў.
👇

Да свята Божага Нараджэння па календары каталіцкай канфесіі ў эфіры тэлеканалаў Белтэлерадыёкампаніі 24 і 25 снежня пройдуць трансляцыі ўрачыстых набажэнстваў з Мінска і Ватыкана.

На калядную Куццю, 24 снежня, на тэлеканале "Беларусь 1" у 21.45 пачнецца трансляцыя святочнай службы са сталічнага архікатэдральнага касцёла Найсвяцейшай Дзевы Марыі. Узначаліць набажэнства мітрапаліт Мінска-Магілёўскі Юзаф Станеўскі.

Адразу пасля ў 23.30 тэлеканал пакажа калядную службу з Ватыкана з удзелам Папы Рымскага Францыска.

25 снежня ў 8.50 на тэлеканале "Беларусь 1" арцыбіскуп Юзаф Станеўскі павіншуе вернікаў з Раством Хрыстовым.

У 15.35 тэлеканал "Беларусь 3" пакажа пасланне і благаслаўленне Папы Францішка "Гораду і свету" з Ватыкана.

#Белтэлерадыёкампанія