tgoop.com/melan56/4399
Last Update:
بحب:
1. التمني العظيم بقصيدة أبو فراس الحمداني وقت يقول: "ليتك تحلو والحياةُ مريرةٌ"
2. الغيم، أشكال الغيم بالسما الواسعة
3. عزيز مرقة وقت يقول:
" قال هاد حب، قال هك بتحس حالك حي"
4. لغة الأصابع، الرغبة بالرسم على الوجه
5. طلال مداح وقت يقول:" مقادير وش ذنبي أنا؟"
6. القصائد الصوفية و القشعريرة اللي فيها
7. نوتة "أهواك بلا أمل" معزوفة على العود بخص مقطع: ورودك تغريني بشهيات القبلِ
8. بيت الشعر اللي بقول:
" من ذا الذي يُعيرك عيناً لتبكي بها وهل رأيت عيناً للبكاءِ تعارُ"
9. الضو الأورانج الخافت من زاوية
10. نسمات الهوا اللي بتخلي الرئتين تنتعش حرفياً
11. وجه الصبح، وقرص الشمس على جبينو
12. التعلم على آلة البزق
13. صوت أم كلثوم بليل عم يتردد من مكان بعيد من بيت أو دكان بالطريق
14. فيروز بدور لولو وقت قالت لنايف:
"روح، ضلك رايح تتخلص الدني"
15. شعر عنترة وقت قال: "ودت تقبيل السيوف لأنها لمعت كبارق ثغرك المتبسم"
16. الأشخاص اللي بتستخدم الإيماءات وقت تحكي
17. موسيقا الjazz و صوت الساكسفون
18. عبادي الجوهر وقت غنى: " لا أنتي وردة ولا قلبي مزهرية من خزف"
19. أشعار نزار قباني بصوت تيم حسن
20. مسلسل أهل الغرام بأول جزئين
21. موسيقا الخلفية اللي كانت تحطها الشخصيات بخماسية "مطر إيلول"
22. باسل خياط "عمر" بأحلام كبيرة
23. ألحان طاهر مامللي بـ "ألا حبذا"
24. الدراما السورية "السورية الخالصة"
25. المقدمة الموسيقية لأغنية "أنت عمري"
26. صوت نادين تحسيك بك ببداية حلقة "رجعت الشتوية"
27. تمثيل رامي حنا
28. المناقشات الطويلة بكافة الأمور
29. اللون الكحلي، الرمادي
30. أني فيني أصنع لحظة لطيفة بأي وقت
31. محمد عبد الوهاب عم يغني" خايف أقول اللي في قلبي"
32. ألقاء ديمة قندلفت بلوحة بقعة الضوء "وطي الصوت شوي"
33. مسلسل هومي هون، رغبتي يكون عندي رفيق متل "فيدل"
34. عفوية فيروز للمعلم راجي: بدك تخلصو منها، زوجو ياها
35. سهم كيوبيد، البالون الأصفر، التوليب
36. فان جوخ، دالي، أبو النواس، مجنون ليلى
37. وديع الصافي وقت يعاتب:
" ولو هيك بتطلعوا منا؟"
38. مقام الصبا بالموسيقا، والحجاز
39. صوت الأذان وقت المغرب
40. رسائل هنري ميللر لأناييس
41. النهايات الحزينة
42. إنسجام ألحان بليغ حمدي مع صوت وردة
43. محمود درويش وقت يقول:
" فأن الموت يعشق فجأة، مثلي، وإن الموت، مثلي، لا يحب الإنتظار"
44. أغنية careless whisper عزف ع الساكسفون
45. كل ما يتعلق بالستعينات
46. الصور اللي مو واضحة ملامحها
47. صور الظل
48. فنانين عصر النهضة
49. الشمعدانات
50. صوت طقطقة النار جوا الشومنيه
51. الحالة اللطيفة اللي بتغنيها فيروز: "مرجوحتي تودي وشوف القمر حدي، تقلي أنت لا تعلي قلك بعد بدي، شوف القمر حدي القمر حدي.."
52. الرسامين بكل أصنافن
53. شكل الأسطوانات وصوت الغرامافون
54. نص كاتبو بصوت حدا خامة صوتو حلوة بالألقاء
55. الشعر الطويل الأسود، الجدايل
56. أعتراف نزار قباني الصريح: "وأعرف أني متعب ياصديقتي وأعرف أنني أهوج أنني طفل"
57. فكرة الشموخ بالجبل وشجر النخيل
58. الطمأنينة الساكنة برووس الأصابع اللي عم يسرح شعر شخص مُتعب
59. دندنة لأغنية بتحبها أنت وصديق بالطريق
60. لون الأخضر "الغامق" بالطبيعة السويسرية
61. فكرة إحتمالية الجمال بشي مايل، متل برج بيزا
62. هتلر، حربو مشان تكون ألمانيا بلد عظمى
63. طلال مداح وقت قال: "كتبت اسمك على صوتي"
64. محمد عبده وقت قال: "إن حكت غنت سنابل من رضا"
65. الرجال اللي بتحترم المرأة بغض النظر عن كمية التعقيد أو الشي الغير مفهوم بتركيبتها
66. اللي بيمشي على مبدأ: "أهلي وإن جاروا علي كرامُ"
67. شكل طيور النورس وهي قريبة من وجه المي
68. الناس اللي بتفيق مبتسمة الصبح
69. ورد البنفسج
70. الناس اللي بتسوي بوشار طيب.
- يعرب معروف ♥️
BY مِيلانينْ_ℳℯ𝓁𝒶𝓃𝒾𝓃
Share with your friend now:
tgoop.com/melan56/4399