tgoop.com/meleksha/3534
Last Update:
چوار ساڵ
چوار ساڵی ڕەبەق..
لە پاییزانەی گەڵای تەمەنی پڕ پیت و سەرانسەر ڕەنج و ژانی گەل و نیشتمان تێ پەڕی و
هێشتا لە کووچەی چارەنووسا ڕادەبوورم
هەر من تەنیا، بێکەس و غەریب
وەک باڵندەی بێ هێلانە شەقام دەبڕم!
دڵتەنگ لە چاوی خەما فرمێسک ئەسڕم.
برینێکی پڕ لە ئێشم
زامار و قاسپە خنکاو!
بە تاسەی بەهارەوە
بە کۆڵکێشی زستانێکی ڕەقهەڵاتووم
لێڵە بارانێ دەبارێ لەچاوان
لەمێژە ئەم نامە
تامەزرۆی سەفەرە بەڵام هەر ئەسیری دووتۆی دیوانەشێعرێکی شەیدا و غەریبە
خۆت وتت خەمێک بەقەد بارستایی کوێستانم لە دڵدایە
هێشتا
دەنگی هاواری دارەپیرە و من نامرم
و هەتا لووتکە چەندی ماوە
بە سۆز و ژان لە گوێمدایە
ونبووە سیمای زەمانی لاوەتیم
وەرەوە
لە ناو باخچەی دڵما
بچریکێنە
ئەوەتا
بە بێ قام و حەیران
دەمرم
دیسان دەڵێمەوە
نەک پێشوو
بەڵکوو هەموو داهاتووەکان...
تاسەی دووریت بووە خەیاڵ
هەزاران ساڵم پێویستە وەسفی بیری بەرز و تەژی لە ڕەمزی بەرخۆدانت کەم
ڕۆحت شاد مامەگیان❤️❤️ قوتابیت ڕزگار
@meleksha
BY هۆنراوەکانی مامۆستا جەلال مەلەکشا
Share with your friend now:
tgoop.com/meleksha/3534