tgoop.com/mhsn1955/11515
Last Update:
يالحسن بمصيبتــك = يالولـــــد فجعونــــــي
سممواا منك چبــــــد = وبالگــبر أذونـــــــــي
يعين گلب حسين بعدك شــــــا ف للام
*
يالحسن عشت المصيبـه= يبني وبچبدي السمـــوم
چي ردت تنــذر حياتـــك = تجلــي يوليدي الهمـــوم
تحملت كــل المصاعـــب = وانــت صابــر ماتلــــوم
تعرف الدنيـه وغدرهـــه = والصــبرويه اليلـــــــوم
تمشي وتحوك الغـــــــدر = مايجبرولـك كســـــــــــر
آه يا ريـــــع الگلــــــــب = چبـده والله يلتهــــــــــب
يعين گلــب حسين بعـدك = شـــــــــــاف للام
*
يبني ياروحـي وربيعــي = انــت ياكــل الامـــــــــل
لاتظـن أبــداً عفتكــــــــم = مــن دنّــه مني الاجـــل
يُمّه بالروح انزرعتــــوا = بكل غصن حب انشتــل
يُمـّه حبكـــم بيـــه ادري = احلــه من كــل العسّـــل
شايله ابگلبــي الوفـــــه = مثــل گلــب المصطفـــه
روحــي مسبيه بقــــــت = يبنـي وياكم مشــــــــت
يعين گلب حسين بعدك = شـــــــــــاف للام
****
يالحسن والله مصيبـــه = الصابتـك تحني الضلوع
صابت الدنيه بأسرهــه = ولالت بعيني الدمــــــوع
الدنيه گلي شبيه صالح = بيهـه بس شين وخنـوع
انت ردت الخير الهــــم = وچبدتــك رادوا تمــــوع
والغدر عدهــــم طغـــه = ظــن يخافون الوغـــــه
حرضوا جعده واجـــت = جابت الســـم اعتنـــــت
يعين گلب حسين بعدك = شــــــــــــاف للام
***
يُمـّه يوليدي مصابــــــك = زيــَّد بگلــــبي الالــــــم
يُمـّه وي ضلعـي حملتـه = شلتــه والضـلـع انثلــم
صـار وي دم الصميـــده = من شفت راسه انهشم
تذكّـرت يبني أخيَّــــــــك = شلــون مطروح العلــم
من دمـــــــاه بكربلــــــه = والســـبي للعايلـــــــــه
منهـه ذابـــت مهجتــــك = ويلــي زادت خلتـــــــك
يعيـن گلـب حسين بعدك = شــــــــــاف للام
*
يالحسن عايــــن لخيتـك = زينـب وشــوف الجـره
يبني بمصابك ضربهـــه = هاجس اختك حايـــــره
لـونك ودمـــك تعايــــــن = سَّمـــك الچبـدك بـــــره
تدري وي سمّك چتلهـه = صـوت ناعيهم ســــره
تصيـح ياخويـه العفــــه = والفــرح بعدك جفــــه
عمــري ماريــد أبـــــــد = صـبري يم صبرك گعد
يعين گلب حسين بعـدك = شــــــــاف للام
**
ياچــبد يبنـي اشوفـــــه = والگلــب نــاره تشــب
من اعاين وجهك اصفر = جسمي ينشـال ويطـب
والدمع لمن سچبتــــــه = جمره من عيني تصب
حسين يبني ماكو مثله = مصابك واصبح صعب
كل هذني اتذكــــــــرت = يبني وعيونك صحــت
تندفـن يبني بغــــــرب = مايزورك كل محــــــب
يعين گلب حسين بعدك ج شــــــــــاف للام
نسألكم الدعاء
خادم الحسين ع
الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
https://www.tgoop.com/mhsn1955
BY قناة الشاعر ابواياد البيجاوي
Share with your friend now:
tgoop.com/mhsn1955/11515