tgoop.com/mhsn1955/11519
Last Update:
جينـه يمـك يـاحسـين جينـه نحيي الاربعيـــن
ياحسين ياحسين
&&&&&&
جـيـنـه وأجـدام أتغـالـب والنِفـس يـتـبــع نِفــــس
بـالگلـب مـزروع حبك سـيدي بـيـنــه أنـغــرس
هـذا يـركض هذا يمشي مـاغـفـه الجفـن ونعــس
فكـره كلـه هناك يمــــك والـحـچي منـّه أنـحبـس
ظـل هتـــاف الكـبـريـاء يــدوي يوصل كـربـلاء
وشالت أسمـك عالجبين جينـه نحيي الاربعيـــن
ياحسين ياحسين
&&&&&&
هـأي شيعـتكم أجـتكـــم ســيدي إتـقـدم العــــزاء
مـن بـلاد اللي تحبكـــم اليــوم جـت الكـربـــلاء
تمشي تـزحـف عامنايا شـايلـه عهـود الـــــولاء
شنهـي رجلـين وتهمهه الكـم أتــقــدم الــدمــــاء
أصطفت بلهفه الصفوف بـالمـلايــين او ألــــوف
تهـتف تـهـز اليمــــيــن جينـه نحيي الاربعيـــن
ياحسين ياحسين
&&&&&&
هاي حرمه وهـذاشايب وهـذا شاب يشيل طفلـه
وهـذا عـاجـز والمعوق بـعـربـانـه أتـدفعه أهلـه
وهـذا طفل يشيل بيرغ فوگ راسه تشوفه يعله
يـاغريـب أنكتـب بيهـه ويـاحسين تشوف جُمله
كلـهه تهتفلـك تـصيــح يــالثـارات الـــذبيــــــح
صـوتهـه يعدي السنين جينـه نحيي الاربعيـــن
ياحسين ياحسين
&&&&&&
شافت أنـواع المصايب شيعــتـك وبهـالــــدرب
وهـي فرحانه ونضحي حتـى لـو دمهه يصــب
تـريد توفـي شويه يمـك ويـرتوي منهـه الگلـب
حبهـه هـوحسين الاول ولاأظـن غـيره تـحــب
تحب أبو اليمه الحنون حبـه شوفهـه الجنـــون
عـالمـنـأيـه سـائـريـــن جينـه نحيي الاربعيـــن
ياحسين ياحسين
وهـاذي خـدام المواكب وهـي تخـدم شيعتـــــك
أتفنـنـت هـي أبعمـلهــه واليـهمـهه خــدمتـــــك
رفعـت الرايات لجلــك والـتضلـــل رايـــــــتـك
عـدهه خدمة زائـرينك مثــل خـدمتة حضرتك
ذولــه احبـابـك اجـــوا لأجـلك وهمـه أعتنــوا
تگول جينـه طائعيـــن جينـه نحيي الاربعيـــن
ياحسين ياحسين
&&&&&&
إحنـّه عـدنـه أبمعتقدنه شمـا نقــدم مـن وفــــه
هــذا كلـه هنـاك ألنـــه بالقيامـه أكـبـر شــفـــه
بس حقيقه وهي تبقـــه إنـت للشيعـي صـفــــه
ومـوطمـع أحنه أجينـه نـوالي يبــن المصطفه
بـدمـك أنـزاح الظـلام وعـرفـت الدين ألانــام
احنـه أحنـه الثـائريــن جينـه نحيي الاربعيـــن
ياحسين ياحسين
&&&&&&
خادم خدام الحسين عليه السلام الحاج ابو ايادالبيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
https://www.tgoop.com/mhsn1955
BY قناة الشاعر ابواياد البيجاوي
Share with your friend now:
tgoop.com/mhsn1955/11519