tgoop.com/mhsn1955/11535
Last Update:
اللهم صلي على محمد وال محمد
*****
يارسول الله انهدم بيك الركــــــــن
وظل عليك البيت بس يبچي ويون
****
يارسول الرحمــه والخالق أ مـــــر
بخلق هذا الكون لعيونك صـــــــدر
تاج فوگ الراس ولكل البشــــــــر
وسارت الافلاك بسمك واهتــــدن
****
ياابو الزهره مفجوعه السمـــــــه
والملك جبريل ناصب ماتمـــــــــه
وشاركت ويــاه بدمــوع ودمـــــه
كل فجاج الكون لمصابك حنـــــن
***
يامصاب الصاب صهرك حيــدره
منه تدري الروح ظلت حايــــــره
اتمنــه هذا اليوم متوسد الثــــره
ولايشوف الگبر صايرلك وطـــن
****
ظل ابوالحسنين والزهره بألـــــم
والعمــــود اليوم من اصله انثلـم
طاح فوگ الگاع ياويلي العلـــــم
اتشمتت عــدوان طه بهالمحــــن
*****
هالمحن مــرات بعيال الرســـــــــول
صبت الاحــزان بفراگه البتــــــــــول
دموع فوگ الوجن من عدهه هطول
وبالگلب نيــران يابويـــه ا سعــــرن
****
ظلم المحــراب والنــور انطفـــه
بفگد ابو القاسم طه المصطفـــى
سيــدي بعداك على الدنيه العفــه
وگفــت الافـــلاك والسـر والعلن
****
خلافـــك الاكوان ياسيد الامــــــم
نشــف بيهه الجـود واحتارالقلـم
شتكتب الاقلام مــــن بعدك عدم
انهــدم هذا اليوم ينبوع السنــن
****
الزهره والحسنين فد صوت صرخوا
راح ابونه الچان وبظلـــه نجــــــــوا
بالحشــر ياناس بينـــــه اتشفعــــــوا
بـــس علينــه اليوم حاكوا هالفتــــن
***
يصيح حامي الجار والله فاجعــــــــه
وفوگ خــده ايسيـل منه مدمعـــــــه
بالامـــر ملــزوم بيــــده الجامعــــــه
ولوصيتك امرمايخلـــف اظـــــــــن
***
نسألكم الدعــــاء خادم الحسين ع الحاج ابو اياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
https://www.tgoop.com/mhsn1955
BY قناة الشاعر ابواياد البيجاوي
Share with your friend now:
tgoop.com/mhsn1955/11535