tgoop.com/mhsn1955/11552
Last Update:
بحقد العسكري سموه وانوب الكبر فجــروه
هاي احقاد معروفه من يوم النبي خطوه
&&&&&&
ابومحمد كظه ومسموم وظلت حايره الشيعه
الكــل منهم اجــه ينعاه اجـت تـريـد تـوديعه
سمه المعتمد هاليـــــوم انـوب يـريـد تشييعه
بــدمـوع وحـزن والام ابومحمد اجو ودعوه
&&&&&&
صعبه هـواي يامـولاي تـفـارگـنه على غـفـله
صوابك صوب العشاگ و بنص الـگـلب خــله
جروح هواي ملجومات تـدريـنـه ابالـف عـلــه
واحنه اليوم من سموك شفنه حسين من ذبحوه
&&&&&&
طلـعـت شـيـعـتك كلهه بــلـهـف،ه تريد سامره
تعزي المنتظرمــولاي ونعزي فاطمه الزهـره
والمجلس نقيمـه هناك تدري بكل كلب حسره
ونـتـذكـر الـم فـرگـاك وشلـون النعـش شالـوه
&&&&&&
عزانه قائــم وميروح مــن جـدك ابو اليمه
يـوم ابكربـلـه تــدريه لـلديـن ونــزف دمـه
ماننسه الضلع والباب ولانـنـسه الـوگع يمه
ذاكه المحسن المظلوم يم الباب من سگطوه
&&&&&&
والـــقـائـم يــعـيـنـه الـله چــم مصاب يتحمـــل
بدال ادموع يبجي ادموم يعيش الحاله واتـــامل
ياهــو الـلي انـفـجع مثله مصاب حسين هواول
ومصيـبـة زيـنب الكبره ويه الظعـن من ودوه
&&&&&&
فــدوه انــروح الكم دوم مانگـدر على الفرگـه
الـمـوالي يـريـد ويـاكــم يـحـن هـواي لـلـملگه
ومــن نعـقـد مـجـالسـكم كـل واحـد فخـر يلگه
ومـن يـخـدم رعايـاكــم مـن حـيـدر اخـذ حگه
وبــدفـتـر ابـو السجـــاد كـتـّاب الحـشد سجلوه
&&&&&&
نسالكم الدعاء
خادم الحسين ع
الحاج ابواياد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
https://www.tgoop.com/mhsn1955
BY قناة الشاعر ابواياد البيجاوي
Share with your friend now:
tgoop.com/mhsn1955/11552