tgoop.com/mhsn1955/11584
Last Update:
گـلـبي مابـطــل ونينــــه = يمـه ييمـه
مصيبتج صعبه علينه=يمه يمه
يـالـزهـره حاچيـني = يـايـمـه فهمـينـي = يـمـه ييـمـه =يـمـه يـيـمـه
&&&&&
يـمه روحي أشگـد تشـدنـي = يمـه مـاتـرضـه تـهـيـد
چانت أبـحضنـچ عـزيـــزه = حـبـيـبـه كلشي ماتـريد
هسه وحشه الدنيــه يـُمــــه = والـدهـر هـذا عـنـيـــد
مـن مشـيتي الدنيـه ظلمـت = وبـظـلامتـهـه تــزيـــد
بعـدچ أتـطــول الـليـالـي= يـمـه يـيـمـه
گومي ليـه وشوفي حالي= يـمـه يـيـمـه
منـهـو اليـنـاغيـني = يـايـمـه فهمـينـي
يـمـه ييـمـه = يـمـه يـيـمـه
&&&&&
هـذا أخـوي الحسـن يـمــي = وآنـي أشـاهـد چـبـدتـه
وهـذا أبـوالسجـاد أشـوفــه = بسـيـف حـزوا رگبـتـه
والطشـت قاسـي يــيـمــــه = عمـت عـيــن الجابتــه
مـره لامــرتـيـن أجــانــي = بـالمـصـايـب شـوفتــه
لـلـحسـن چـبـده شــفـــت = يـمـه يـيـمـه
وراس أبـواليـمه أبطشت = يـمـه يـيـمـه
لـظيـم عـفتـينـي = يـايـمـه فهمـينـي
يـمـه ييـمـه = يـمـه يـيـمـه
&&&&&
يــمـه وسـط الـدار آنــــه = يمـه أحــن الـفـرشـتـچ
آنـي أشـم اعطـور بيـهـه = وارتـوي مـن ريـحتـچ
عيـوني تـربي مـاتـهدني = تـريـدهـي شـوفتــــــچ
يـمـه دنـيـه ويـاچ جـنـــه = روحي تعـشـگ دنيتچ
يمه فدوه ارجوچ ردي = يـمـه يـيـمـه
تـوه گبـلچ راح جــدي = يـمـه يـيـمـه
لـيـش تـنـسـيـنـي = يـايـمـه فهمـينـي
يـمـه ييـمـه = يـمـه يـيـمـه
آنـي طـفلـه يـالـحـبيــبــه = من الزغـرشلت القهـر
هـالامـانـه هـواي صعبه = يـمـه واتــشل الـظهــر
تـريـد هـي دمـوع منــي = ومايظـل عنـدي نظــر
انتي رحتـي ويـاچ جـدي = وبعد أشوف اشچ خطر
يـمـه والـرحـلـه طـويـلـه = يـمـه يـيـمـه
وآنـي من بعدچ عليلـــــه = يـمـه يـيـمـه
يـاهـو الـيـراعيـني = يـايـمـه فهمـينـي
يـمـه ييـمـه = يـمـه يـيـمـه
&&&&&
يمـه وبــدربـي مشـــاكـل = كـلـه بـيـهـه حـايــره
دم أبـــــوي أيسـيـل يمـي = وابـن مـلـجم طـابـره
وگـبـل مـوته يجيب ايدي = ويـه أخـوي المفخره
يـمـه عـبــاس الكـفـلنــي = شـمـا أريـد ايـوفــره
يـمـه وچـفـوفـه گـطـيعـه= يـمـه يـيـمـه
نـاي~ـم ابص الشريعــه= يـمـه يـيـمـه
وبـمـوتـه واسـيـني = يـايـمـه فهمـينـي
يـمـه ييـمـه = يـمـه يـيـمـه
&&&&&
واصعـب مصاب الاشوفه = بعـدچ مصـاب الـولي
راس أخـوي حسين يمـــه = ومـاكـو يـمـي كافــلي
وامشي مـن بعـده سـبيـــه = آنـي وعيـالي وهـلــي
لاأبـــوي وانـتي يـمـــــي = يـاهـو ينغـريمه ألــي
رادوا يــذلـون بــتـــــــچ = يـمـه يـيـمـه
بـيـدي ذلـوا واني ذخرچ= يـمـه يـيـمـه
يــاحـره تـدريـني = يـايـمـه فهمـينـي
يـمـه ييـمـه = يـمـه يـيـمـه
&&&& &
نسألكم الدعاء
خادم الحسين ع
الحاج ابو ايد البيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
https://www.tgoop.com/mhsn1955
BY قناة الشاعر ابواياد البيجاوي
Share with your friend now:
tgoop.com/mhsn1955/11584