tgoop.com/mhsn1955/11894
Last Update:
هاي اخت الهواشم هاي
وكفت جن علي هيه
لاهمهه الشمر والكوم
تخطب خطبه ثوريه
&&&&&
هاي اخت الحسن وحسين
هاي اخت البطل عباس
ياهو اليوصل الحدهه
وحدها ابد ماينجاس
بالك تخدش الاحرار
ذوله الفخر والنوماس
وتدري الحره علويه
&&&&&
زينب من زغرهه تكول
مذخوره الابو اليمه
ماعوفه ابد للموت
وأريد ابموتتي يمه
واتمنى حياتي وياه
ودمي يمازج ابدمه
هو روحي والريه
&&&&&&
وصوني الجميع اعليه
ابوي وامي الزهره
بويه حسين ضي العين
تحله وياه هالعشره
بالج زينب تعوفيه
تسندينه بالف فكره
بغيره الدنيا مكظيه
&&&&&&
هذا حسين قطب الكون
نفس الهادي والكرار
مني حسين كال وصاح
ومن عينه الدمع مدرار
يدري بكربله شيصير
وشتجري عليه اقدار
ويدري بكربله الديه
&&&&&&
مرسوم الامر يدرون
ويدري حسين بالمصرع
ويدري بكربله يكظون
وبعد الموت يتكطع
ويدري بالسهم جتال
ومن نص الظهر يطلع
وزينب تمشي مسبيه
&&&&&&
ومن سارت اسيره اليوم
زينب شالت الرايه
وكل هذا الامر ميصير
لو ما تنفذ الغايه
يتوضح كلام حسين
ويزيد وينفضح رايه
وتذكر كل محاجيهه
&&&&&&
زينب وي علي السجاد
همه الوضحوا امره
وفضحوا بالبلاد ايزيد
وعرفوا فلذة الزهره
ضجت بالبجي العربان
من سمعوا شنو اليجره
ورفعت رايه مهديه
&&&&&&
خادم خدام الحسين عليه
الحاج ابو ايادالبيجاوي
📡قناة الشاعر ابو اياد البيجاوي
💻 لنشر قصائد الحسينية
🖥️ للاشتراك اضغط على رابط
🔵 تلكرام👇🏻
https://www.tgoop.com/mhsn1955
BY قناة الشاعر ابواياد البيجاوي
Share with your friend now:
tgoop.com/mhsn1955/11894