ጥያቄን የታጠቁ ፣ መጋፈጥን የሰነቁ ማንነቶች

🧠 ፈቃድ ካለ መንገድ አለ!!
የወላጅ ጽናትና መሰጠት ካለ የትኛውንም ልጅ ለማረቅ ጊዜ አለ ለማለት ነው።

👉 የዛሬ ጽሁፌ መነሻ ሁለት የተማሪ የጥያቄ መልሶች ናቸው። ጥያቄ ማለት እንቅፋትን መሻገሪያ ፣ ሌላው ደግሞ ወደ አዲስ ዓለም የምንገባበትን በር የምከፍትበት ቁልፍ ።

ይህ ስለገረመኝ ሌሎች ማንነቶቻቸውንም ላጋራችሁ ወሰንሁ።

👍 ከ 8-11 ዕድሜ- ዋና ጥያቄ፣ ምን እየሆንሁ ነው? (ለምን ከሌሎች እኔ የተለየሁ ሆንሁ ? ጥሩ ጓደኛ ማነው? አንዳንዶች ለምን ፍትህ አጡ? )

✍️ ዋና መርህ፣ ምርምር-አዲስ ነገር ለማወቅ መጓጓት

👍 ከ 12-14 ዕድሜ፣ የኔ ምድብ የት ነው? (ማነኝ? ሌሎች የሰሩትን ለምን እደግማለሁ ? ለምን ስሜታዊ እሆናሉ? ለምንስ ግራ እጋባለሁ ?)
✍️ ዋና መርህ ፣ ማንነትን ማወቅ

👍 ከ15-20 ዕድሜ፣ ዋና ጥያቄ -የህይወቴ ጎዳና የትኛው ነው? (በህይወቴ ምን ላርግባት? በግንኙነት ውስጥ እኔ ማነንኝ? በዚህ ዓለም እንዴት ልዩነት ላምጣ ? )
✍️ ዋና መርህ፤ ዓላማ/ ተልዕኮ

የእናንተ ጥያቄዎችስ? ? ?

ቪሌጅ ኢትዮጵያ -የወላጅነት አካዳሚ
Village Ethiopia-Parenting Academy
@ Mind Morning

ጊዜን መሻር

የሚንጠን በበዛበት በዚህ ወቅት እንደ ዓለት የጸናች ህይወት ምኞት እንጂ እውነት ልትሆን አትችልም።ህይወት የጸናች እንድትሆን ደግሞ እኛ እንደ ጊዜ የጸናን መሆን ይጠበቅብናል። እኛ ደግሞ የምንጸናው ግንኙነታችንን በጋብቻችንና ከልጆቻችን ጋር ስናጠብቅ ነው።ይህ ደግሞ ጊዜ ይፈልጋል ።ጊዜ ሲኖረን ልባችን ይጸናል። ልብ ሲጸና እኛ ከጊዜ ጋር እኩል እንሆናለን ።ልባም ወላጅ ማለትም የጸና ማንነት ያለው ፣ትውልድን አሻጋሪ ፣ እንደ ኢትዮጵያችን የጥንትና የዘመናት ታሪክ ባለቤት ብቻ ሳይሆን የሚታመንብን እንሆናለን።የሚታመን እምነት ዘላለማዊ ነውና።ዘላለማዊነት በጊዜ ውስጥ የሚንከባለሉ ጊዜያዊ ማንነቶችን ይሽራል።

👍ይህ እንዲመጣልን

👉 ትጋትን ከፍ ለመድረግ መጀመሪያ መሞከርን መማር ቀጥሎ ወድቆ መነሳትንና ስህተትን መቀበልን እንዲሁም ለሰው ስህተትን መናገርን ከዛም መጽናትን ፣
👉 ወጥ ማንነትን ከፍ ለማድረግ መጀመሪያ እውነት መናገርን መልመድ ከዚያ የትም ቦታና በምንም ሁኔታ ውስጥ ማስጠበቅ መቻል ወይንም መጽናትን ፣
👉 የራስን ስሜት ለመግዛትና ለመታሰዘብ ከስው ጋር ጊዜ ማሳለፍ፣ ከዛም ሌሎችን መረዳትና መታዘብ ቀትሎም ሩህሩህ መሆን ለማንም የትም መጽናትን ፣
✨✨✨✨
ስለሆነም ጊዜን መሻር የሚቻለው እንደ ጊዜ በመጽናት ነው።በመጨረሻም ሰው በአምላኩ አማካይነት በማመንና በመጽናት ጊዜን ይሽረዋል። ለሚያምንና ለጸና ምን ይሳነዋል ይሉታል ይህ ነው !!

ቪሌጅ ኢትዮጵያ -የወላጅነት አካዳሚ
Village Ethiopia-Parenting Academy
@ Mind Morning

🎉🎉🎉 የልጆች የክረምት ስልጠና ደማቅ የመዝጊያ ዝግጅት✨

🖍 ለ10ኛ ክረምት ሲሰጥ የነበረው አቅምና ክህሎት የክረምት የልጆች ስልጠና ነሐሴ 25 በሴንቸሪ ሞል የመዝጊያ እና የሰርተፊኬት ፕሮግራም ይካሄዳል!!

✍️ልጆችና ታዳጊዎች 🧩 ከስሜቶቻቸው 🧩 ከአብሮነታቸውና 🧩ከትምህርታቸው ጋር የተያያዙ የተለያዩ ክህሎቶች ለ 7 ሳምንታት ተምረዋል፡፡
✍️ እንዲሁም ወላጆች ደግሞ ለ 6 ቅዳሜዎች ከልጆቻቸው ጋር የተያያዙ ጉዳዮች ላይ ስልጠና ወስደዋል

😍 የደስታና 🌾 የፍሬ ክረምት!

📍ቅዳሜ ነሐሴ 25/2016 ሴንቸሪ ሞል 5ተና ፎቅ ከጠዋቱ 2፡30 ጀምሮ
የሰርተፊኬትና የመዝጊያ ፕሮግራም ስልተዘጋጀ ወላጆች ከልጆቻችሁ ጋር እንድትገኙ በክብር ተጋብዛችኋል፡፡

www.tgoop.com/mindmorning

ክትትል

በተለምዶ እንበለው በሳይንስ በማወቅ ዋናው መሪ ነው እንላለን። አሁን አሁን ሁሉም ነገር መሪ እየሆነ መጥቷል። ይህ ደግሞ የሰውን ልጅ ራሱን እንዳይመለከትና ጠባቂ እንዲሆን በሌላ መልኩም እኔ አውቅልሀለሁ የሚሉ መሪ የሚመስሉ ሰዎች እንዲበዙ ምክያት ሆኗል። ወላጅና ተመሪዎችም ሃላፊነትን ከመውሰድ ይልቅ ማሳበብና ሰው መውቀስን ዋና አድርገውታል። አንዳንዴም ምንም ጥሩ መሪ ቢኖር የገባውና ጥሩ ተመሪ ወይንም ተከታይ ያስፈልጋል እንላለን። ይሄም የሚያዋጣ አይደለም። ምክንያቱም ጉዳያችን ጥሩ ተመሪ ከመሆን ጋር ብቻ እይደለምና።

✂️ ይህን ጉዳይ ወደ ልጆችና ወላጆቻቸው ስንወስደው የሁለቱም ግንኙነት ከላይ እንዳብራራነው ተመሳሳይ ነው። ወላጅም የመሪ ሚናው ከብዶታል። ልጆችም ከወላጆች የተነሳ ጥሩ ተከታይ እየሆኑ አይደለም። አንድ ህይወት የምትፈልገው መሪም ተመሪም ቢሆንም ዋናው ነገር ክትትል ነው። መሪም ስያሜውን ያገኘው ከክትትል አቅሙ ነው። ተመሪም ምስጋና የሚቸረው ነገሮችን ከሚከታተልበት አቅሙ የተነሳ ነው። ክትትል ምንድነው?

❗️ትንሽዬ የውሃ ጠብታ ድንጋይ ትሰብራለች እንዲሉ⁉️

🔶ሃላፊነት መውሰድ ፣ በዚህ ብዙ ህዝባችን የሚታማ አይደለም ተማሪን ጨምሮ
🔶ለእያንዳንዱ ሃላፊነት ጊዜ መመደብ ፣ ጊዜ ከመወቅ ጋር ስለሚገናኝ በሀገር ደረጃ ዋና ውድቀታችን ነው።
🔶ሃላፊነታችን እየተወጣን እያለ ያልጠበቅነው ተግዳሮት ሲገጥመን መቋቋም ያልቻልነውም ጊዜ ስለማናውቅና ስለምናሳብብ ነው
🔶ለስሜታችንም ለስራችንም አጋዥ / ተባባሪ/ ደጋፊ ማዘጋጀት ጥሩ ባህልና ማንነታች የነበረ ቢሆንም አሁን አሁን በተለይ በከተሞች ጊዜ ከማጣት የተነሳ ፣ የጋራ ጊዜም ስላጣን አልቻልነውም ፤
🔶ስህተትን መቀበል ፣ ድሮ ድሮ ስህተትን አለማመን ያሳፍራል። አሁን አሁን ያለውን ሁኔታ ለእናንተ ተውሁት
🔶ስህተትን ማወጅ ፣ ይህ ደግሞ ስህተትን ከመቀበል ጋር ስለሚገናን አጉል ጥንካሬን ማወጅ ካልሆነ በስተቀር ስህተትን ማወጅ እጅግ የማይታሰብና የመይታወቅ ጉዳይ እየሆነ ብቻ ሳይሆን ስህተት የሚባል ነገር መሬት ላይ ያለ አይመስልም።
🔶በዓላማ መስራት ፣ ጊዜን የማያውቅና ስህተቱን የማያምን አላማ ስለማይኖረው ከማብራረት ተቆጠብሁ። ሌላውን ለእናንተ ተውሁት ።

ቪሌጅ ኢትዮጵያ -የወላጅነት አካዳሚ
Village Ethiopia-Parenting Academy
@ Mind Morning