tgoop.com/mlwankay_shin/15157
Last Update:
@mlwankay_shin
لەم وڵاتە جوانەمان شادی و تەبایی باری‌کرد
خۆشەویستی خۆی نەگرت و نەفرەتیش زۆرداری کرد
سەردەمێکی سەیرە خۆ هیچکەس کەس‌وکارت نییە
قوڕ بە سەر ئەو عاشقەی مەیلی ژووان و یاری کرد
داخەکەم ئەوساڵ وەها ناخۆش بووە دێوانە بووین
وەی لە دەس مەندیل‌سپی ژینی مەیان وەک ژاری کرد
دەک بە لەحنەت بن ئەوانەی هۆی دزێوی و ناحەزین
دوێ‌شەوێ بابم لە تاوی خەرج‌‌گرانی زاری کرد
زایەڵەی نۆتی ئەوینمان بوو بە ئاوازی گرین
بولبولی دڵپڕ لە تاوی غونچەگوڵ هاواری کرد
هەڵکشانی قیمەتان ژیانی لەخەڵک تاڵ کردووە
زۆر کەسی تووشی دڵەڕاوکێ وە یا بێماری کرد
هەر بڵەی لەل دەتکوژن،ئابڕووت دەبەن،،بێ‌شوێن دەبی
هەر کەسێ داوای حەقی خۆی کرد، مەلا بێزاری کرد
هەر بە دەس خۆمانە گەر شادین وەیا سیس و زەبوون
تا مرۆڤ خۆی تاڵ نەکا ژین، کێ تەمای ئازاری کرد؟
لاوی پڕ ئاواتی ئێمە خۆزگەکانی ناشتووە
هێندە زەختی دیتووە داوای کەمی ڕۆژگاری کرد
هەر بە هەویای سەردەمێکم مافی کەس پێشێل نەبێ
هەر گەلێ سەرکەوتووە هەر عیلمەکەی هۆشیاری کرد
گەرچی ناهەموارە ڕێگا هاوژان دەبێ هەمواری کەین
کورد بە هیوای کەس نییە پێم بێژە کێ هاوکاری کرد؟؟
❣هاوژان شاروێرانی"
Tel⇔ @mlwankay_shin
BY ملوانکەی شین
Share with your friend now:
tgoop.com/mlwankay_shin/15157