علتك يهل تسمع لو حرت بيها
اقره الفاتحه ولام الوفه اهديها

ـ
همك لّون جان اعله الكلب زايد
لام عباس اقره الفاتحه وشاهد
بـــت اجواد مـا ردت ولا واحـد
تكضي الحاجه هاي واطلب شرايد

الينخاها
خايب ما رد

ام عباس هاي الحاجه تكضيها
اقره الفاتحه ولام الوفه اهديها

ـ
ام الحاشه بالطف ما ثنه الضربه
والمستعصي منها بحركتك طلبه
ام عباس تسهل يمها كل صعبه
واطلب حاجتك من دمعك تصبه

تكضيها
من ينشف دمعك

علتك يهل تسمع والله تشفيها
اقره الفاتحه ولام الوفه اهديها

ـ
بت اجواد هاي وشيخه نشميه
واذا بالكرم مشهودلها بـدويـه
الما يـعـرفها عنها يكول علويه
والحاجات يمي تصيح مكضيه

يرد سالم
اليقره الحمدُ

الكرم والبخت مرسوم بمعانيها
اقره الفاتحه ولام الوفه اهديها

ـ

بشخصيتها كل معنه الوفه اتجسد
صارت للـحـوائـج بـاب مـا يـنسد
كل اهل البخت لام الكمر تـشـهـد
وحـجايـتـهـا يم الـبـاري مـا تـنرد

معروفه
مترد اليطلب

ويعشك طه يا هل ناس طاريها
اقره الفاتحه ولام الوفه اهديها

ـ
ام عباس هاي الهيبه مـعـروفـه
ابنها الخله بگلوب الزلم الخوفه
موصيته يضحي بعينه وجفوفه
العشاير يم بختها تروح واطوفه

عكاله
والكافل خلاها

جنها ام الحسن تشبه محاجيها
اقره الفاتحه ولام الوفه اهديها

ـ
اسم لبوة علي مو كل مره تـشـيـله
بصوت حسين اسمها شمحله ترتيله
جابتله العضيد الـبـي يـشـد حـيـله
وهيـه مـن كلب ولـسـان تـدعـيـلـه

مربيته
ترباته وموش

محتار الشعر يوصف قوافــيـها
اقره الفاتحه ولام الوفه اهديها



محمود محمد العطواني

رد الظعن مو ذاك الاول .. واسمع بواچي وصوت مقتل
گوه اعرفت نسوانه .. وزينب اجت تعبانه
واسمع بواچي وصوت مقتل
............
من يوم عافوني ومشو .. ظليت اتاني يرجعون
ومن البچي اعليهم بعد .. ما ظلت بوجهي عيون

غالين راحو عني غالين
ضعن الحسين وحتى الحسين
ماشين وين اعزازي ماشين
ظلت عليهم شابحه العين

حسيت سفرتهم طويله .. خلوني انوح ويه العليله
موت السفر عنوانه .. وزينب اجت تعبانه
واسمع بواچي وصوت مقتل
.............

راح الضعن بس من رجع .. ازغرهم يكض صفاح
كد ما عليه اتغيروا .. جان الفضل بيدي وطاح

والليل لـونـه بـيـهم اندار
مشيبين ردوا حتى الزغار
توجع جدمهم كلمة النار
بوجناتهم شمسوي الحجار

منه بهوادج مو تعدو .. ليش بهزايل لينه ردو
تعب الدفن خوانه .. زينب اجت تعبانه
واسمع بواچي وصوت مقتل
.........

ردولي ردت مندفن .. كلهم اتراب وحسرات
كل ما بالوجوه امتعن .. ما اعرف العلويات

والاكثر انه اعليها ونيت
يوم لضعنهم من تعنيت
وجا وينها ام عون انه سئليت
ثاريني من زينب تعديت

بعيوني احشم دورن وياي .. ياهيه زينب هاي مو هاي
متغيره كالت انه .. وزينب اجت تعبانه
واسمع بواچي وصوت مقتل
……..

ردولي ما بيهم ضوه .. ميت ضواهم عالماي
واجدامهم تنزف دمه .. چوتهن النار هواي

گمت احچي وي زينب بالدموع
طافين اجيتو طفية اشموع
وين الضوه الوياچ مرفوع
گالتلي مات وراسه مگطوع

بيديهه دم شويه منه .. شميته ريحة هيل چنه
گتلهه شو ما جانه .. وزينب اجت تعبانه
واسمع بواچي وصوت مقتل
.............
گمت اقره بعيون الفضل .. عبدلله ماهوه يگول
جا ليش حتى اصيار امس .. بالطف ذبيح ومكتول

حسبته يرجع لينه كبران
نكبر سويه نصير صحبان
ليش بضعنهم ما إله امچان
حاچيني عمتي يا ام الاحزان

جا وينه ابن عمي وتنيني .. ردت انه اكحل بشوفه عيني
وبمهده خالي امچانه .. زينب اجت تعبانه
واسمع بواجي وصوت مقتل
.............
اظلم صبح بيت الأهل .. غياب كلهم غياب
كل رجعه ما الهم صفه .. وحشه بغياب الاحباب

والبيت وبلياهم شلون
مثل الوجه بي فاگد عيون
والچانو ويانه يگعدون
راحو بعد لا ما يرجعون

لليفگد احبابه دعينه .. الله يعينه الله يعينه
ويعينهه الحزنانه .. وزينب اجت تعبانه
واسمع بواچي وصوت مقتل
.............


الشاعر علي عبدالله المفرجي
والشاعر محمود محمد العطواني

والنعم منج يـلـبـوة حـيـدره
وام كمر عدنان سبع الكنطره

ـ
والـنـعـم تـنـكـال مـنـج والـنـعـم
جـبـتـي لـلـكـرار خوش اربـع زلـم
مـرجـلـه ونـومـاس واصـرار وعـزم
المثلج انتي تجيب بس وين الشهم

بعد ام حسين انتي اعضم مره
والنعم منج يـلـبـوة حـيـدره

ـ
حرمه بت اجواد هيبه معدله
رباتج الصنديد راعي الـمـرجله
بزوده اسمج صار شيخه كربله
لسورة الكوثر صبحتي البسمله

ونار باب الزهره بيج موجره
والنعم منج يـلـبـوة حـيـدره

ـ
علي امن يناديج باسمج فاطمه
حسينج اتحسين اسمج يألـمـه
كلتي لـلـكـرار ودمـوعـج دمــه
خـلي اسمي ام البنين الخادمـه

حسين متكسرين باسمج خاطره
والنعم منج يـلـبـوة حـيـدره

ـ
انتي ربيتي بـنـيـنج عـل وفـه
والفخر يتباه باسـمج واكـتـفـه
صيتج اعله الكاع يا يوم انجفه
بس ابو السجاد قدرج ينصفه

وتلطم اعله مصابه دوم موزره
والنعم منج يـلـبـوة حـيـدره

ـ
حسين يمه يكلج وهذا فـخــر
انتي يل جبتي اله حزام الضهر
كلتي انا الخدامه بس صيتج كبر
لان علـمـتي المراجل لـلـكـمـر

ولدج اعلى الموت دوم محضره
والنـعـم مـنـج يـلـبـوة حـيـدره

ـ
عـل نـهـر عـبـاس جـان بـنينوه
لجن ذب الماي من ايده وهوه
تـذكـر الـهـيـبـه وصيـج واتـروه
سيف ابنج مدري جم فارس چوه

باسمج اتنخه وتبسم ناضره
والنعم منج يلـبـوة حـيـدره



محمود محمد العطواني

هنيالج ـ هنيالج ـ يام البنين

ـ
يفخر العشاير ـ طلكتي بكواسر ـ تره اربع عساكر
موش اربع اولاد

اقلهم يعادل ـ يفاطم كبايل ـ يبت الاصايل
يا نسل الامجاد

ها يا ضنوة حزام يا لبوة ولينه
ابنج بين الرجال ما يحصل قرينه
ويدافع باليّسار لو كطعوا يمنه
من حد كربله الزود واصل للمدينه

لاولادج ـ لاولادج ـ مامش قرين
هنيالج ـ هنيالج ـ يام البنين

ـ
وحك المجالس ـ بنينج اشاوس ـ تراهم محابس
بجفوف الحسين

يطيحون امامه ـ تراهم نشامه ـ مثل يوم القيامه
بارض الميادين

عبدالله اويه عثمان هيبه ورفعة الراس
الهم بـالـمـيـاديـن حاشه طارف انداس
جعفر هد على الجيش سيفه ينكط احساس
واسمه اليرعب الكوم هوه الهيبه عباس

فدوه احنه ـ فدوه احنه ـ لنحر الحسين
هنيالج ـ هنيالج ـ يام البنين

ـ
بنينج غياره ـ شجاعه ومهاره ـ خذوها بجداره
لصوله بالطفوف

وكمر هل لعشيره ـ يخوف زئيره ـ ولا صح نضيره
ويضحي بجفوف

تـربـات ام الـبـنـيـن اسمه يخوف الجيوش
كـدامـه هـل اعـداد ما ضل مـنـهن طـروش
يفدي بروحه الحسين طوله كباله مفروش
فوك ركـاب الـرجـال اسمه بسيفه منقوش

خيعونه ـ خيعونه ـ ليث العرين
هنيالج ـ هنيالج ـ يام البنين

ـ
بواسل تره وعز ـ و هل من مبارز ـ العدو كله عاجز
ولدج صناديد

لبن صافي رضعوا ـ ولج هامه رفعوا ـ على القاده هجموا
حيد بضهر حيد

جواهم تره الكاع وكت الهده ترجف
لبيكَ يمولاي يابو الـيـمـه تـهـتـف
حاشاها بالوعود يالبدويه تخلف
وبشورارب هل جيوش ولدج والله تنتف

بالقاده ـ بالقاده ـ ولدج تهين
هنيالج ـ هنيالج ـ يام البنين

ـ
ضريحج نعمره ـ والج نبني حضره ـ ولابو اليمه نقره
اعليه نبجي وياج

يأمنه الجليله ـ وحك العقيله ـ تره انتي الوسيله
كل شده ننخاج

ويانه تقصرين يا مولاتي هيهات
ما فشلتي فد يوم واحد عنده حاجات
ربج يام البنّين خصج بالكرامات
شمعه ابيت الحسين جنتي بكل الاوقات

مثل امه ـ مثل امه ـ كلج حنين
هنيالج ـ هنيالج ـ يام البنين



محمود محمد العطواني

ميمر كربلائي لمولاتي ام البنين (ع)

هم عالمه ـ هم فاهمه
هم بت اصل ـ هم فاطمه

صح هيه موش الزهراء ـ تشبها لكن هيه

ـ
صح كلمن ومنزلته هيه واقسام
والساده وما تنقاس ويه العوام
بس الله عوض حيدره ابت حزام

حكمه وصبر ـ عفه وخدر
جوه ام حسن ـ بشجم شبر

والفرق بين الاثنين ـ بدويه مو علويه

ـ
مو صدفه هيه ومو تشابه اسماء
ام الكمر مستنسخه امن الزهراء
نقطة ذكر بالبسمله جوه الباء

نور العُله ـ فيّ بالفله
والزهره هيه ـ البسمله

وكلش تعزها الزهراء ـ هاي المره النشميه

ـ
ارجع واكولن ماكو جداً مقياس
بس يحكم علينه العقل والاحساس
لولا علي مامش كُفئ لام عباس

اجزم تره ـ هاي المره
الزهره بس ـ امزغره

و ورثتها من الزهراء ـ العفه والحّنيه

ـ
صح هيه لا متسد مكان الزهره
بس اصحبت ام للحسين الحره
وتطحن لابو محمد كهوته المره

صح فاطمه ـ وصح عالمه
بس كالت انه ـ الخادمه

يم العطش تصبح جود ـ جانت تصير آميِه

ـ
كالتله يا حيدر يقرة عيني
لو رايد بهذا العمر ترضيني
ابـ فاطمه يا غالي لتسميني

هذا الاسم ـ بي ينهدم
حيل العقيله ـ وتنلجم

ولو تنقهر كلبي يلوع ـ وبالهوه تغص الريه

ـ
هم كبه لا ما عدها هيه وحضره
بهذا الامر متساويه اويه الزهره
هذا الوفاء المنه ناخذ عبره

عبره وقيم ـ اي يل خدم
بالخدمه هيه ـ اول علم

خدمة ابا عبد الله ـ وقامت اله لطميه


محمود محمد العطواني

نزلة اهوازيه لام البنين (ع)

صيتج عابر العربان يالبدويه هنيالج

…

اسمج خضرمه امن العين خلاه حيدر بداره
وانتي بكل وفه تكولين خدامه انه لزغاره
ولوما انتي وام حسين مامش بالنسه اكداره

وهذا الصيت يام عباس والعباس يحلالج
صيتج عابر العربان يالبدويه هنيالج

…

محد بالعرب لليوم يوصل ليج تاريخه
جا غير انتي يام عباس صرتي اعله العرب شيخه
الرايد يوصفج يحتار لغزج صعب تفصيخه

وكل هذا الوصف هيهات لا ما يوصل خيالج
صيتج عابر العربان يالبدويه هنيالج

…

جابت للنهر صنديد حالف مايه ميضوگه
غيره حمزه تطفح بي ودم حزام بعروگه
كفال الضعون والحيد والما ضاعت حگوگه

لزينب باوعت وتكول هذا الهيبه كفالج
صيتج عابر العربان يالبدويه هنيالج

…

جابت اربعه وبالضيج ينعد جيش كل واحد
وتكلهم تره انتو جنود وابن الكوثر القائد
وما راضع حليبي تكول امن الطف يرد شارد

وتكول ابني احسبه الي باجر بالفله يعارج
صيتج عابر العربان يالبدويه هنيالج

…

مامش حـرمـه ابد لليوم مـن نجـيـبه طاريها
تشفي العله والعباس والحاجات تكضيها
حره وطاهره وام شيخ كل ذني امن اساميها

وتناديلها الزهراء بالجنه انه ابرالج
صيتج عابر العربان يالبدويه هنيالج


محمود محمد العطواني

يا عاشر شموع الـ آل .. لجلك دمعنه نسيله

… … … … … … … …

سايل دمعنه ويا هضيمه انادي
كسره انكسرنه بفكدتك يل هادي
بوسط الكلب جرحك ابد مو عادي

طول العمر والعباس .. نبقه ونضل نبجيله

… … … … … … … …

امــه الزجيه بفكدته نعزيها
وايامه احنه بكل حزن نحييها
و ويانه تحضر بالعزه ندريها

ويانه تلطم وتنوح .. وبكل شجن تنعيله

… … … … … … … …

يون سيد محٍمد تره اعله فراكه
ويكله بـويـه بـيـا وكـت نتلاكه
مشتاكه ريتي لريحتك مشتاكه

يا بويه اموتن بجفاك .. ويه الحسن كل ليله

… … … … … … … …

بطاموره مسجون الضوه بطاموره
يا وســفـه مسموم وتغـيـب نوره
مكيديها ايــده اليـملك المعموره

كل رافضي بهذا اليوم .. عل هادي منهد حيله

… … … … … … … …

كل الملائك سحبت بأفضاله
وجان الكرم يتفاوح اويه دلاله
عمه الكمر والمرجله تحلاله

اسمه بحلك جبرائيل .. يتردد بترتيله

… … … … … … … …

بـاجـر حـفـيـده مـربـع يرد ثاره
بعون الله كل احنه نصير انصاره
سيف الله مهدينه وعضيم اسراره

من يضهر الهم يا ناس .. مهدينه كله يزيله

محمود محمد العطواني

بت اسد يا ناس طلكت بالوصي وجابت اسد
واسـيـا ومريم تـكلهـا امـباركه بـهـذا الـولـد
نـادر الـمـولـد هـذا الكـعبه صـارتـلـه مـهـد

وشرفها الكعبه بميلاده

…..♥️…..♥️ …..♥️…..

التطلگ بمولود لازم تنتـخـي بحيدر علي
وام علي بي يوم طلكت نادت بأسم الولي
يا علي احضرني تنادي وصوتها ضل يعتلي

وتنخت باسمه بميلاده

…..♥️…..♥️ …..♥️…..

هذا ابو الحملات هذا والمثل بيه انضرب
هـذا قـالع بـاب خـيـبـر هـذا قتال العرب
هذا حلال الـشدايد الله يـسـتـر لو غضب

واليسلم منه يذب ثوبه



محمود محمد العطواني

ابو ذيات لولادة الامام علي


يل ابنهج الله دوم اسمك ،، مؤاول
وابوه حاروا منو العدك ،، مو اول
وتره تسبيحة الـزهـره ،، مئه ولـ

واحد انتا يا حمي الحميه


،،،🤍،،،🤍,,,🤍،،،🤍،،،🤍,,,🤍,,,


علي اول مسلم وما صار ،، قبله
ومسقط راسه لـلاسـلام ،، قبله
بحلك جبريل اسمه صار ،، قبله

يقبل بيه عرش اصل البريه


،،،🤍،،،🤍,,,🤍،،،🤍،،،🤍,,,🤍,,,


عيوني انتَ ابو التاريخ ،، قرأن
وكلت يا كلبي بالكرار ،، قر ان
هوه التورات وبعيناه ،، قران

وحجي الانجيل من بعل الزجيه


،،،🤍،،،🤍,,,🤍،،،🤍،،،🤍,,,🤍,,,


حـيـدر حـبـه ليه صار ،، مذهب
ولَغيره بساعة الشدات ،، مذهب
عطره بريتي ابد ما راح ،، مذ هب

والمتشهگه هاي شلون ريه


،،،🤍،،،🤍,,,🤍،،،🤍،،،🤍,,,🤍,,,


يهبيتنه ويكشختنه ،، واصلنا
بحبك للسمه السبعه ،، وصلنا
يمينك بالحشر تختم ،، وصلنا

الامر بيدك يحماي الحميه


محمود محمد العطواني

(عالمشرعه العباس)


نعشي بغرب يحسين .. ومحتاجه لمتونك
ضـل الكـلـب مـالوم
وخويه انه ميته بيوم .. رد خالي ميمونك

…'…'…'…'…'…'…'…

يحسين وينك كوم الي تشيعني اريدك .. تدفني بيدك
امنيتي جانت يل جنت امشي بوريدك .. تدفني بيدك
وي موتي انطر جيتك انته وعضيدك .. تدفني بيدك

بس ضني بعدك خاب .. وي خيبت ضنونك
ما يحله ليك النوم
وخويه انه ميته بيوم .. رد خالي ميمونك

…'…'…'…'…'…'…'…

بالشام وحدي بلا اهل وبديره غربه .. يخواني صعبه
ومحد على نعشي بچه والدمع صبه .. يخواني صعبه
ضل كبري ما بين الغرب وارقيه گربه .. يخواني صعبه

ضل كبري بين اجناب .. يم وردة ضعونك
ويمي اللطم محروم
وخويه انه ميته بيوم .. رد خالي ميمونك

…'…'…'…'…'…'…'…

يحسين عام ونص تره تجري المدامع .. وكليبي ضايع
تابوت خويه بلا دمع همينه سامع .. وكليبي ضايع
بنص الشماته بحسرتي وي موتي انازع .. وكليبي ضايع

وحدي انه والسجاد .. ومعتازه لعيونك
ودموعي تجري دموم
وخويه انه ميته بيوم .. رد خالي ميمونك

…'…'…'…'…'…'…'…

يحسين عباس شكثر اتمنه جيته .. يدفن اخيته
بدموعي عل باب شكثر بل هم نطرته .. يدفن اخيته
جناز متلثم يـجـي وبصـفـه انته .. يدفن اخيته

وعالمشرعه العباس .. وانته يسحكونك
والشمر فوكي يحوم
وخويه انه ميته بيوم .. رد خالي ميمونك

…'…'…'…'…'…'…'…

مـكسـور كلبـي وجيته هيه التجبره .. وبصدري جمره
وحسين طوله اعلدرب يوميه انطره .. وبصدري جمره
بس المصيبه منسحك غالينه صدره ..وبصدري جمره

وناديته يل مذبوح .. يل منخطف لونك
وعن البُعد محشوم
وخويه انه ميته بيوم .. رد خالي ميمونك

محمود محمد العطواني

باجر بجيت الامام تخلص ايام الغرب

…. . …. . …. . …. . …. . ….

باجر امن المهدي يرفع سيفه
يمشي كل الكون هذا بكـيـفه
مربع امن الناصبي يـرد حيفه

ومربع بيده يرد ثاره

باجر بجيت الامام تخلص ايام الغرب

…. . …. . …. . …. . …. . ….

يـجـي وجايب مرجلة عـبـاســه
والغـريـبه يكلج يــحــز راســــه
وصحنج يكص ايده كلمن جاسه

والشام دموم يبجيها

باجر بجيت الامام تخلص ايام الغرب

…. . …. . …. . …. . …. . ….

غداً يضهر بيده شايل رايه
الشام يتعناها ويدك ثايه
ولضريحج يعتني مشايه

واليوكف ضده يكص راسه

باجر بجيت الامام تخلص ايام الغرب

…. . …. . …. . …. . …. . ….

ال امـيـه دمـاهـم يـبـديـهـا
وراية الحك بـاجـر يـعـلـيـهـا
شيـخه زيـنـب بـاجـر يخليها

شيخيه وتاج اعله الهامه

باجر بجيت الامام تخلص ايام الغرب

…. . …. . …. . …. . …. . ….

بـيـمـنـتـه يوم اليسل فقاره
تمشي كل الدنيه بامر يساره
واحنه كلنه نصير من انصاره

ويّذبح ربع السفياني

باجر بجيت الامام تخلص ايام الغرب


محمود محمد العطواني

حانت ساعتي وعباس ما هوه
بتشييعي تمــنيته الـي عـزوه

ـ
الي عزوه لواه لو رف عل الجنازه
وهنيال اليموت وتحضر اعزازه
والعباس انـه لعباس مـعـتـازه

عطشانه الك يا نهر المروه

ـ
المروه تجيبك هذا كل ضـنـي
اويه السجاد تحضر كون تدفني
تمنيت بحفرتي انتا الـتـلـقـني

وتقرالي اعله كبري سورة الخوه

ـ
الخوه الوكفت بعينك بوكت الماي
ما وكـفـت بموتي لـيـش يـا وفـاي
من كد البواجي انعمت هاي وهاي

وذا متشوف عينك يعني ما تسوه

ـ
ما تسوه الدمع مو راح اجيك هناك
مشتاكـه لوكفتك خويه ولـمـلـكـاك
بــس شلون تشبكني وبلا يـمـنـاك

يا اول كمر فوك الرمح ضَوه

ـ
الرمح ضوه الدرب طول السبي براسه
روحه و رده ضـل ينزف تـره احساسه
شكثر معتازه هسه لشهگة انـفـاسـه

وكبل ما موت يا ريته الي تچوه

ـ
الي تچوه الاخو لو صار هـنـيـالي
وسف ضليت بس الدمعه تبرالي
يـتكـفل دفـنـتـي ردتـه كـفـالـي

ما حسبته ابد فوگ النهر يهوه

ـ
النهر يهوه الشجاع الما يطخ هامه
واخذ مني الردت بجنازتي الـثـامـه
ويا محله النعش لـو انـتـا كـدامـه

تمشي وخاطرك مكسور يل ضنوه

ـ
يل ضنوه شـكـثر معتازتك هـسـه
وانه ادري باخوي الحيد ما يـنـسه
لا كمرت علي حضرتني لا شمـسه

الدنيا ويايه مالت وإلطف شسوه



محمود محمد العطواني

نزله اهوازيه للسيده زينب (ع)


روحي بـعـازت الـخـوان والخوان عافـونـي
اريد اشكيلهم يا لون عگبهم صارت متوني

ـ
يا ساعت مماتي شـلـون للخوان مـعـتـازه
ضل فوك الترب مطروح الردته يشيل الجنازه
وبهذا العمر عـبـاس كـون يـصـيـر عـگـازه

تالي اعله النهر مطروح وانه كباله يسبـونـي
ريد اشكيلهم يا لون عگبهم صارت مـتونـي

ـ
اريدن ولدي والخوان ساعت موتي يم راسي
كون انه عله صدر حسين وآلزم ايد عـبـاسي
كون عيوني تنضر عون لمن اكطع انفـاسـي

ضلت حسره بالدلال بآرض الطف يدفنوني
اريد اشكيلهم يا لون عگبهم صارت متونـي

ـ
يلي مـدلـل الخطار مـحـلـه لـثـامـك بـمـوتـي
مـحـلاك انـتـا والخوان مـن تـشـيـل تـابـوتـي
صحت حيهم يبو الكلفات ريتك تستمع صوتي

يبو محمد اهالي الشام عن ونكم يمنعوني
اريد اشكيلهم يا لون عكبهم صارت متوني

ـ
اريدن للنعش حمال اخوتي الاربعـه المـاتـوا
كواكب وي كمر يا حيف شالوا يا وسف شالوا
ولد ام البنين اسبع وعله الـذلـه ما نـامـوا

بت حيدر علي يا حيف بموتي الغربه شالوني
اريد اشكيلهم يا لون عگبهم صارت مـتـونـي

ـ
يا سبع الگناطر كوم اخيتك ضلت بحيره
جنازتها تريد الثام ويـنـك يا ابو الـغـيـره
مسبيه عگب عيناك بحقك كلش جبيره

يا كفالي هاي الكوم بجفوفـك يـذكـرونــي
اريد اشكيلهم يا لون عگبهم صارت متوني

ـ
حيهم يا اخوي الـعـود يالطولك يـرد روحـي
اريد اتشارك انه وياك واسمع نوحك ونوحـي
اريدنك تشوف الشيب وتحسب بيهن جروحي

عگب ذاك الخدر يا خوي مسبيه يسموني
اريد اشكيلهم يا لون عگبهم صارت متوني



محمود محمد العطواني

لمولاي موسى ابن جعفر (ع)


اسد بغداد يستقبل المشايه

ـ
يم كاضم الغيض التعب محلاته
يحمينه الكمر وفياي ريـشـاتـه
ياهو العنده حاجه يجيب حاجاته
وهنا هم حبيب يعدها خطواته


والحاجات ترد مكضيه

ـ
كلمن عده عله وبل دوه تـحـيـر
بهل ايام بس خل ينخه ابن جعفر
بس يحلف المسموم بالـمـنـحـر
تشفه العله والله يم ابن حيدر


والمعلول هنا يتعالج

ـ
بغداد انشدوها عن قصر هارون
راح تكول صار الصيت للمسجون
تكصد موسى ابن جعفر زلم يمشون
لارض الكاضميه صلاله ميتيهون


كبته تصيح اهلاً يالزاير

ـ
هذا الشيعوه ودمه بـجـفـوفـه
هم بالغربه مسلم جنه بالكوفه
نهر موسى ابن جعفر دجله بجروفه
صاحت شيعته للموت منعوفه


شلون نعوف الكاضم وسفه

ـ
علينه اجداد اضنهم ما يعرفونه
وعوفو المشي يا شيعه يحاجونه
واحنه البعث ما كدروا يمنعونه
مجانين الحسين احنه يسمونه


وام حسين حيهم صاحت



محمود محمد العطواني

اهوازي
لمولاي موسى ابن جعفر (ع)


حيهم يا نسل عدنان چفو الدله و المـوگد
عدكم بالغرب صنديد حيف بسلسله مگيد

ـ
اسرجوها الاصيل ذيج حيهم يا نسل هاشم
بسجن اللا رشيد هناك مات امسمم الكاظم
يل ما منكم انتو بيوم واحد على الذل نـايـم

موسى اعله الجسر يا حيف يا بزرت علي موسد


ـ
وين الساده هذا اليوم الاخضر وينه بـيـرغـهـم
عميد الساده الف يا حيف راح وشال من عدهم
عراضه خـلـهم يـسـون ويـنـصـبـون جـادرهـم

عدهم ثار يم هارون وهذا الثار ما يبرد

ـ
لعنت الله على هارون مخلي الضوه بـطـامـوره
باجر تِصلي بيه النار امن المصحف سجن سوره
ايـرتـل بـيـها جبرائيل ومـن عـدهـا اخـذ نـوره

والكاظم يشع بالنور وارثها مِن اب وجد

ـ
فاكد خيمته بـهـل يوم الله يـسـاعـد الـضـامـن
يكلك يا عزيز الـــروح فـكـدك عـل وجـه بـايـن
ومعصومه ذبحها الشوك ولدروب اليجي تعاين

الله يعينها بفركاك والله يعين ابو محمد

ـ

گيد الكاظـم يذكره بگيد المشت مسبيـه
سجنه اعليها كضا نوح سواه جن حسينيه
تره ابغداد نوحه يزيد ودمعته كـربـلائـيـه

والسم من وصل جبده ويلي اعله النحر ردد



محمود محمد العطواني

مسجون النور بطاموره ومكسور الجنحان
وبالگيد جفوفه مگيديها يا وسـفـه القران

نعمي اعليّ الـعـيـون
نبجي اعله المسجون

…
خلص عمره تره مـن الشمس محروم
عايش بالغرب وبـيـا ذنـب مـسـمـوم
مـجروح الكلب عل كـاظـم ومـلـچوم
ودمع الشيعه ينزل هل مسيـه دمـوم

سـجـانـه الـمـا يـسوه ترابه يا وسفه ويا حيف
وفركاه يلچم كلب الشيعي ويذبح ذبح السيف

فركاه صعبه يــهــون
نبجي اعله المسجون

…
على جسر الرصافه تواعدو ويا
وكل احبابه طلعت حتى تتـلكا
عد الشيعه ذاكه اليوم يا محلا
يـشـتـمون رادو ريـحـة الزهرا

بـس اتاخر حـيـل اعـليهم والشيعه اتانيّ
هاي مصيبه بكلب الشيـعي تلجم واتاذيّ

واحـبـابـه يـنـوحـون
نبجي اعله المسجون

…
مسجون الـهـلال ومـا يـمـرنه الـعـيـد
ومن موسى اهتفت هذا الدهر شيريد
حرمو من هله وكضه الـزمـان ابـعــيد
تشيعيه الرافضه وينزف دمه امن الايد

بيوم الجمعه تريد الشيعه تملي بطوله العين
وجاهم تـابـوته يـشـيـلـونـه اربع حـمـالـيـن

مــا نـحـزنله شـلـون
نبجي اعله المسجون

…
معصومه المسيه تلطم اعله الراس
الله يعـينـها الفكدت اعـز الــنــاس
دموع اطـيـح منها شما تجر انفاس
ومالت مثل ميلت جدها عل عباس

والضامن بس الله يعينه وفوك الكاظم مال
فكد الوالد لا مـا يـرحـم وايـعـذب الـدلال

واولاده يــــنــــادون
نبجي اعله المسجون

…
هم بالغربه يشبه عمّته البل شـام
وجلمات الشماته بكلبه كلها سهام
بس احبابه اجته وتخدم الــخــدام
لكن عمته محد يمها هـــذا الــعام

الله يساعد كلب المهدي وي كل هذا الصار
ومـن نـار الباب وخـيماته كـلبه مـوجر نـار

اويـه الـسـر المكنون
نجبي اعله المسجون


محمود محمد العطواني

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

١٥ شـعـبـان صـار الـمـنـتـقم
وصاحت الاكوان منك والنعم
بجيتك الانذال بــاجــر تـنهزم


هذا عالي وبالارض محد علاه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

بأجمل الاطوار غنت كربله
هله بهل مولود يا مية هله
نّور الاكوان شـيـخ الـمرجله


نّور بجيته ارض ربنه وسماه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

هذا هنياله الذي بحبه حضه
داره من الخير حاشاه ما فضه
هذا يا هل ناس جنه المرتضى


بالفضائل هذا واصل مستواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

نهني نرجس بيه ويــه العسكري
واسمه من اقراه يــنسر نـاضـري
سـيـد الاكوان فــارس حـيـدري

اسمه يفرح بي جا كلمن قراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

لا محال يصيح كلبك لا مـــحــال
يوم جيتك عـيـد ابـنـاء الـــحــلال
بس ضهورك ليش يـا مـولاي طـال


العطش لاسمك سيدي محد رواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

اي وحگ قتال مرحب وابن ود
اغله من الكون هذا المـنـولـد
نــزل جـبـرائـيـل ويــوزع ورد

ووكف ميكائيل ويردد وراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

يوسف و عيـسـى الــه كالو نـقـيـم
محفل بـهل يوم وويانه الـكـلـيـــم
غير هذا المهدي ذو الشأن العضيم

بعد هذا المهدي حجتنه شحلاه

ثــار الله الــمــنــتــضــر ثار الله
وجده ردتله الشمس بعد الصلاه



محمود محمد العطواني

صـلاوات . صــلاوات .. نـاديـنه
اجه اليوم . اجه اليوم .. مهدينه

..
يا هلا وكل الـهـلا بهـيـبة هله
اليوم معلوگه الشموع بكربله
اليوم فرحانه الحمد والبسمله

اليوم صفكه 🤍 للنعشكه 🤍 والفرح غطانه
وتره اليفرح 🤍 راح يربح 🤍 هل مسيه ويانه

بالحسين . بالحـسين .. هـنينه
اجه اليوم . اجه اليوم .. مهدينه

…
بـجــيـتـك يا خـاتـم الاثـناعشر
الشعيه كلها اليوم تشعر بالفخر
فايز الفرحان والـسـاكـت خسر

بصوت صحنه 🤍اليـوم كـلنه 🤍 يا هلا بل غالي
والــعــلامـه 🤍 الابـتـسـامـه 🤍 عل وجوه تلالي

هــلا بــي . هــلا بــي .. متانينه
اجه اليوم . اجه اليوم .. مهدينه

…
اجه اليشبه حيدره كول وفعل
وابن ذاك الاسد يا ناس الشبل
وراح يحكم مثل حيدر بالعدل

هـلا بجيته 🤍 الينقذ امُته 🤍 الوصه بيها الخاتم
بكيفه كلشي 🤍 وراح يمشي 🤍 بامره كل العالم

والاســلام . الاســلام .. كر عينه
اجه اليوم . اجه اليوم .. مهدينه

…
يوسف واحدى عشر كوكب سجد
لابو صالح هل مسيه امـن انـولـد
وعيسى راح يـصـيـرلـه بـاجر سند

شيخ هاشم🤍 وامه فاطم 🤍 فرحت بميلاده
جنــه كافل 🤍 هيبة شايل 🤍 جنه عم الساده

ضوه الكون . ضوه الكون .. غالينه
اجـه اليـوم . اجـه اليوم .. مهدينه

…
كربله وسامره وي ارض الغري
فرحت بمـيـلاد ابـن العسكري
معدل وصنديد فارس حـيدري

بيوم جيته 🤍 گليب عمته 🤍 طـايـر بـافراحه
يا حلاته 🤍 ومن غلاته 🤍 شايخ اعله الساحه

العرش بي . العرش بي .. يهنينه
اجـه اليوم . اجه اليوم .. مهدينه



محمود محمد العطواني
🤍🤍🤍🤍🤍🤍🤍