tgoop.com/mmm234mm/620
Last Update:
قصيدة بحر طويل للأمام علي الهادي
#جديد 💔
اليوم العسكري حزنان من دم صبن عيونه
طلع جناز بالوالي حافي ويلطم امتونه
✫───⊹⊰⊹───✫
شك ثوبه ويون ويصيح يومك مااحملنه
لاترحل يماي العين وجهك مااشوفنه
ماأتحمل افراكك يكله ويجهر الونه
من كلبه ينوح عليه والعالم يشوفونه
#الشاعرة_ام_علي_الإماره
✫───⊹⊰⊹───✫
يشوفون الحسن مصدوم لمن شييع الوالي
ملثم عالجنازه ينوح ويكله بهظم حالي
عزيز وعني بويه تروح ماترجعلي للتالي
الشيعه أويه الحسن تبچي وبالوالد يعزونه
#الشاعرة_ام_علي_الإماره
✫───⊹⊰⊹───✫
ملچوم الكلب ويصيح ماأكدر على فراگه
حيلي كله راح وياه بعد هيهات نتلاگه
ابويه وقرت عيوني لوجهه العين مشتاكه
واليفكد ابوه يعيش بالهم روحه محزونه
#الشاعرة_ام_علي_الإماره
✫───⊹⊰⊹───✫
يريد الي يعازي اليوم ويشيل النعش وياه
وينصب مأتم اعله العود ويقره الفاتحه وينعاه
ويذكر طف ابو السجاد وأيام المصيبه ب آه
الليله العسكري حزنان ويريد اليشيعونه
#الشاعرة_أم_زينب_الموسوي
✫───⊹⊰⊹───✫
حُجه والده ومعصوم راح الليله من عنده
حزن حد مابياض العين بين من دمع خده
خيمه الوالد اعله الدار وطاحت خيمتي بفكده
عمود البيت من يطيح بعد متفيد الأركونه
#الشاعرة_أم_زينب_الموسوي
✫───⊹⊰⊹───✫
غير مبري الذمه اليحذف اسماء الشاعرات
العمل مهدات لصاحبة المصاب مولاتي فاطمة الزهراء ع
https://www.tgoop.com/mmm234mm
BY الملا والشاعرة (مريم الصدر) ام زينب الموسوي ✍️
Share with your friend now:
tgoop.com/mmm234mm/620