tgoop.com/mngsudkz/2732
Last Update:
Тұрғын үй қатынастарынан туындайтын даулар
🔵Маңғыстау облыстық сотында «Тұрғын үй қатынастарынан туындайтын даулар» тақыбырында дөңгелек үстел өткізілді.
🔵Іс-шараға Маңғыстау облыстық сотының әкімшілік істер жөніндегі сот алқасының төрағасы И.Сматов, Маңғыстау облысының мамандандырылған ауданаралық әкімшілік сотының судьялары, Ақтау қаласының әкімдігі, «Ақтау қалалық тұрғын - үй коммуналдық шаруашылығы бөлімі» ММ, Ақтау қаласында орналасқан әскери бөлімдер, «Ақтау аудандық пайдалану бөлімі» РММ өкілдері қатысты.
🔵Дөңгелек үстел барысында И.Сматов қатысушыларға күн тәртібін таныстырып, аталған санаттағы істердің статистикалық деректеріне тоқталып, бірқатар проблемалық мәселелерді ортаға салды.
🔵Одан әрі Маңғыстау облысы мамандандырылған ауданаралық әкімшілік сотының судьясы Ж.Мұхаметова тұрғын үй қатынастарынан туындайтын даулар бойынша сот тәжірибесіне тоқталды.
🔵Өз кезегінде И.Сматов дөңгелек үстел қатысушыларына тұрғын үй қатынастарынан туындайтын дауларды қарау барысында назар аударуға қажет ететін заң талаптарын түсіндірді.
🔵Маңғыстау облысы мамандандырылған ауданаралық әкімшілік сотының судьясы М.Мұқашев тұрғын үй қатынастарынан туындайтын даулар бойынша татуластыру рәсімдерін қолдану жолдарын айтты.
🔵«Ақтау қалалық тұрғын-үй коммуналдық шаруашылығы бөлімі» мемлекеттік мекемесінің басшысының орынбасары Б.Мақсатов азаматтарды мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үйге мұқтаждар есебiнен шығару негiздерiне және тәртібіне тоқталды.
Дөңгелек үстел соңында қатысушылар аталған тақырып бойынша ұсыныстарын ортаға салып, сұрақтар қойылып, оларға жауаптар алынды.
Маңғыстау облыстық сотының баспасөз қызметі
BY МАҢҒЫСТАУ СОТТАРЫ
Share with your friend now:
tgoop.com/mngsudkz/2732