tgoop.com/modather_6/20564
Last Update:
من أجمل البوستات اللي لاقتني أمبارح
وخلّت دموعي تجري ♥️
أب سوداني مرسّل لِبنته
الرسالة دي عشان يشكرها ويطمّنها ويجبُر خاطرها :
دكتورتنا ..
مساء الخير يا حبيبة والديك ♡
أولاً بالنيابة عننا كلنا هنا في البيت عايزين نشكرك نعم ماف شكر بين الأبناء وأهلهم بس الآن انتي ما بس بنتنا!
انتي وبفضل الله
وقوته ودعواتي أنا وأمك يسعدني ويشرفني يا ست
البنات وبكل فخر والله أقول ليك إنك راجل البيت ..
عايزك تعفي لي!
حاسس بالضغط المارة بيهُ يا بتي والتعب والسهر بس ما باليد حيلة ..
كل ما تتعبي أو تضيق الدنيا في حالك تتذكري انو والديك راضين
عليك دنيا وآخرة، وانتي
برّيتي بينا وأكرمتينا وما حوجتينا لإنسان .
الله يكرمك ويرزقك بإبن الحلال الـ يسِد حوجتك
ويخليك عزيزة مُكرّمة
زي ما عشتي بضراعك عزيزة مكرمة.
حلال عليك أي تعب تعبتو وعيني للأولاد القاعدين
في البيت ما قادرين على شيل أهلهم في الأوضاع دي!
وأنا عندي بت بطلة زيّك ♡
سيري وعين الله محاوطاك يا ضراعي اليمين،
يدينا طول العمر ونحضر جديدك، ده كل المُتمنّي في
الدنيا دي .
🌸..
البنات في بلدنا بيوت، البنات سند وأمان وحِنّيّة!
وصدق اللي قال :
"كُلّ فتاةٍ بأبيها مُعجَبَة"
فاللهمّ اجزِ والدَيّ عني خير الجزاء، يسّر أمرهما وطَمئن قلبَيهما، واجعل أيامهما سعادةً وهناء، أن توفقني لأكون بارةً في الدنيا، وتجمعنا في الآخرة في أعلى الجِنان.
ممكن نصلّ على الحبيب!♥️
#بيوت_متطمنة
#تيسير_الصادق
🌹..
BY بصيص أمل ...💙
Share with your friend now:
tgoop.com/modather_6/20564