tgoop.com/mohand8989/9603
Last Update:
عباس من اكولن تسوي دنياي
تخضر اكلوبنه ماحاجه للماي
بطلنه العطش ردناك بس هاي
لون شمرت جدم عطشانه ماكول
افضل شوفتك عل ماي معقول؟؟
شلال ابمشيتك ياحلو الطول
يتبختر بالخيم وبخوته يصول
يشوف اعيونه وتسوانه كلنه
تذكرنه بعلي وگعدات اهلنه
بطلنه العطش ردناك بس هاي
/////////////////////////
مادامك عدل دنياي متعيل
لا يدناني فارس لاتجي الخيل
شحدهة الشمس تبقه من يجي اليل
الماظابط صلاته أنذكره ابويل
يا چلمت صدگ تندل الكلوب
دنياي بغيابك تمشي مكلوب
بطلنه العطش ردناك بس هاي
/////////////////////////
يل تارس سوالفنه والايام
عبات اختك يخويه انترست اسهام
تدري بغيبتك طبيت للشام
يرميني بحجر ال بيته من جام
موزين الوكت موزينه الايام
مر بيه يخويه اباب الاخيام
بطلنه العطش ردناك بس هاي
/////////////////////////
حنيت الضحكتك كلبي ممرود
اتخيل وكولن هم الي يعود
معقولة الكمر عطلنه الزنود
واني ادري كلف وفاي العهود
ما معقوله ميت هذا عباس
ماصدك رغم محديه بالراس
بطلنه العطش ردناك بس هاي
/////////////////////////
ياناس وعلي كسره جبيره
الاخت عگب الاخوه حيرتهه حيره
عباس واخوي ومالي غيره
جبير اكلوبنه وشيخ العشيره
مايخلص حزنه ماله تالي
تساوت روحي جن لون اليالي
بطلنه العطش ردناك بس هاي
مهند الشمري
2023
1445
BY الشاعر مهند الشمري
Share with your friend now:
tgoop.com/mohand8989/9603