tgoop.com/mohand8989/9605
Last Update:
لاشمع لاصفگات لاربعه يمه
متوذر اعله الكاع وشلون المه
بجفوفه بس تراب متحني نحره
كسر الفگد عريس ياهو اليجبره
جن راية العباس اعيونه خضره
كلمن حرم عريس مامبري ذمه
//////////////////
متمنيه يل عريس بجفوفي حنتك
نايم عله التربان يمه اعله بختك
بعدك شباب وطير مو هسه وكتك
بي غيرة من عباس كلبه اعله عمه
/////////////////
كل حلمي عمك جان ويه اليزفون
تالي الدمع والشيب يترسهه العيون
من زفه ويحنوك تالي يعزون
وولدي لان مطرح غارك بدمه
/////////////////
وسعلي يل دفان مايكدر زغير
وحشه الكبر ارجوك لاتدفن الطير
ادفني انه ويا مدكلي شيصير
لمن احن وشتاگ ابحضني اضمه
/////////////////
بدم عيني ياهل ناس حنيت الجفوف
بس ابني هيج ويا يزفونه بسيوف
متمنيه عميه العين يايمه ماشوف
ابني وعزيز الروح من الگاع اللمه
مهند الشمري
2023
1445
BY الشاعر مهند الشمري
Share with your friend now:
tgoop.com/mohand8989/9605