tgoop.com/mohand8989/9613
Last Update:
حن الگلب وشتاگت الروح
كالو ابوچ حسين مذبوح
شيسگت اعيوني بعد
وحسين منطيني وعد
مشتاگه…
ابنيه وزغيرة عمر-- للوالد تحن شكثر--يمته يجنه من السفر--ياعمه
موكال ساعات وارد--يدرينه نذبل جن ورد--موكافي ما مل البعد--ياعمه
دليني اعله دربه وانه امشيله
مثل ماضحه لجلي بروحي اضحيله
ماتسوه بدون تايهه العيله
فز الگلب لسمة وكعد
وحسين منطيني وعد
مشتاگه...
//////////////////////
ما ادري انه بياكتر---عل ناگه واليحدي الشمر---چا وين حماي الخدر--- يادنيه
مو جانو اهلي ابمحملي--ومنين ماباوع الي---كلهم جناسيهم علي---يادنيه
غم هذا الزمان الهيج خلاني
مشتاگه اشمن ريحت اخواني
شما اصف عليه جني مو اني
مسبيه ياوسفه شبعد
وحسين منطيني وعد
مشتاگه…
//////////////////////
بعيوني اعاين لليجي---بكل لحظه تسيورة ارتجي---خلص بعد مامش حجي--يالحادي
اتنطر بلهفة الكلب---وعيوني تشبح للدرب--ماادري توجعني الحرب--يالحادي
محتاره وعلي ماادري تاليتي
ومشتاگه الاخوتي وكعدتي ابيتي
رقية بت علي فوك النجم صيتي
الشيب حد گلبي صعد
وحسين منطيني وعد
مشتاگه…
/////////////////////
بكل خطوه ناگتنه تعثر--اطفال ونطيح شكثر---لا فزعه لاصاحب يمر---ياحالي
كالو ابوج بهل قصر--وردود جن ردلي العمر--مشطت همي بلا عطر--ياحالي
يالتسوه اليدلن يابعد دنياي
اردين ذاك طولك يمشي وياي
تالي بطشت بويه اخ بوياي
الطشت من موتك اشد
وحسين منطيني وعد
مشتاگه…
/////////////////////
ياحالي من شفت الجره--مذبوح ابوي ابمنحره---وتراب فوگه من الثره--ياموتي
خليلي يم راسك شبر---زغيره يكفيني كبر---مايسوه بعدك هل عمر--ياموتي
ماتسوه بعد دنياي ماريدج
ابوج المات عگبه بعد شيفيدج
هلالج غاب مايرجع بعد عيدج
المايحجي يم راسك يهد
وحسين منطيني وعد
مشتاگه…
مهند الشمري
2023
1445
BY الشاعر مهند الشمري
Share with your friend now:
tgoop.com/mohand8989/9613