tgoop.com/moonwat/18759
Last Update:
┈┉✿༻ 🚼👶🏻🚼༺✿┉┈
أكياس مذركير المخصصة للبامبرز :
تجي مجموعة زي علبة المناديل، ولها غطاء محكم الإغلاق بحيث مايدخل غبار أو أي شيء
المميز فيها ريحتها جدًا رائعة وفيها بودرة وإنها سميكة نوعًا ما
وحجم الكيس يشيل يعني أحيانًا أحط بامبرز ومناديل وقطن وتكون لسى فيها مساحة
وللأكياس طرفين عشان تربطي الكيس أو يتشال
يميزها إنه لها ريحة وأحس ماتطلع ريحة البامبرز منها، لكن مشكلتها ماتتحط في الشنطة فترة كنت أحط كمية منها لما أكون مسافرة الدمام سفرات خفيفة بس تتكركب، لما شفت الحجم الصغير حسيت إنه حل مناسب لكن ما أخدتها لأنه الرول أخف
تجي كذا حجم ( عدد ) فيه بـ ٢٠ ريال بس ناسية كم حبه فيها وأتوقع تناسب الشنطة لأنها صغيرة
وفيه بـ ٤٥ ريال تكون ١٥٠ كيس
اللون المتوفر أبيض فقط ،
أكياس الرول ( سنتربوينت )
تجي رول ماأعرف كم كيس فيهم الصراحة بس جدًا مفيدة للخرجات، وتكفي الكمية لأنه للخرجات ومفيدة لأنك تعلقيهم في شنطتك وأي وقت تحتاجي كيس على طول تاخديها
مالها ريحة وما أحب فيها إنه سماكتها مو جيدة لحدٍ ما وأحيانًا لما أقطع الكيس يتقطع طرفه فأرميه 😣
حجم الكيس يكفي بامبرز ومناديل لكن ماله أطراف طبعٌا بحكم إنه رول
برأيي يميزيها فقط إنها تتعلق لكن كجودة ما أحبها وأحس ريحة البامبرز تطلع منها مو زي تبع مذركير
ويأزمني منها إنه الكفر ماله غطاء فيجي أي طفل من الناس اللي أزورهم ويجر الكيس 😟 وتطلع الروله كلها وأنا مصدومة وأضطر أرجعها بيدي بس تسير مكركبة 😩
تجي لفتين مع الكفر تبعهم أول ماتشتريهم بـ ٢٤ ريال
وبعد كدا تشتريهم وحدهم أتوقع ٦ رولات سوا بس مو فاكرة سعرهم
الألوان متوفر أبيض و وردي وسماوي
❖✺🚼✦🍭✮👶🏻✮🍭✦🚼✺❖
BY ✿❥࿐❥ ذوقيــات✿❥࿐❥
Share with your friend now:
tgoop.com/moonwat/18759