tgoop.com/mootesa/334122
Last Update:
"تربية قبل بكل مساوئها احسن من تربية هسه"
تدرون هسه اكو فئه ضخمه جدا مايربون اصلا؟
لاتربية قديمة ولا تربية حديثة ولا تربية فطرية ولا تربية دينية ولا اي شي
فخلي نتفق مايمكن نقارن نتائج التربية قديمه مع مساوئها مع نتائج عدم التربية مطلقا !
الام والاب بسبب نظام التربية السابق ورفضهم اله ولان همه يحسون جان اكو خلل ، قرروا مايعيدون النظام
لكن بدل ان يختارون نظام تربيه اخر
كعدوا على صفحه وذبوا استقالة من التربيه كلها
الام تقدم عناية ، تبدل وتغسل وتوكل وراها تخلي كدام الموبايل والتلفزيون
وكلما تجي تحاول توجه او تعلم تشوف نفسها عاجزه وماتعرف شلون ومين
وتنصدم فترجع تخلي الموبايل حاجز بيناتهم وترجع تكعد ع صفحة
والاب كذلك
ف حرفيا
ماكاعد يربون ولايوجهون ولا كلشي دورهم متفرج على بعد
وناخذ امثلة من ارض الواقع
👥طفل صغير يصيح ع امه ويضربها لان راد شي من الماركت وهي من (خجلها) تروح صاغره تجيب الي راده وتنطي والطفل يطلع على وجهه علامات النصر
👥طفل بعمر ابتدائيه يشاهد مشاهد اباحيه والام والاب مايتجرا يكله لا
👥وبنفس العمر يرحون للطبيب ويبقون يتسولون الطفل ان يفحصه الطبيب والطفل يرفس ويدفر و(يخجل الام والاب) وياخذون الطفل ويطلعون
ماكو لاسلطه ابويه ولا حزم ولا قوانين
ماكو احترام ولا قيم ولا تنظيم للوقت
ماكو تعليم ولا انشطه ولا حوار
الام والاب بعالم الاعمال والقال والقيل... والاطفال بعالم الموبايل
وبالتالي دنشوف جيل
(ما متربي)
السؤال هسه
ياهو الاسؤا؟
تربية قبل بكل المساوء ؟ لو نتركه بدون تربية؟
نحصل طفل عنده عقده نفسه وتربيته معوقه لو اصلا ما متربي؟
الصراحة الجواب صعب وما اكدر انطي افضليه لواحد منهم
بس الي اعرفه ان تربي وتحاول تربي وتبذل جهدك وتفشل احسن 100 مرة من ان تترك تربيه طفلك وتكعد على صفحة لان هيج حيكون حسابك عسير جدا يوم القيامة
وحتطلع لنا بجيل ماعنده توجهات وبالتالي يكون لقمه سائغة لكل الهبات والصيحات من امثلة الإيمو وعبدة الشيطان والالحاد وال'نسوية" و"لا انجابية" و "جماعة الطاقة" وتطول القائمة
يعني انت/ انت تخلف وتصرف ويجي غيرك ياخذ طفلك يحصل بي اهدافة الخاصه لان حيلكي طفلك فارغ وجاهز لاي انواع من انواع ال(الملئ)
الا مارحم ربي...!
وانتوا شنو شفتوا من نتائج ترك تربيه الاطفال؟ لو ماصادفكم؟
BY عٌآلَمً طِفُلَيَ👶🏻💖 العائلة أّلَسِـعٌيِّدٍةّ👨👩👦👦
Share with your friend now:
tgoop.com/mootesa/334122