Сёння мы дзелімся гісторыяй кіраўніцы дэпартамента продажаў аднаго беларускага агенцтва, якая дзякуючы праграме MOST+, наведала трохдзённы навучальны курс Essentials of Negotiation: for all Business People у Вене.

Гэты курс арганізоўвала кампанія Management Center Europe і ён быў прысвечаны развіццю навыкаў вядзення перамоў і ўменню ўплываць на іх ход:

«У выніку стажыроўкі я навучылася новым тэхнікам перамоваў, кваліфікацыі лідаў, закрыццю пярэчанняў кліента. Пасля вяртання, мы ўвялі іх у існуючыя працэсы кампаніі. Думаю, што ў найбліжэйшы час будуць бачныя вынікі гэтых змен. Але я магу сказаць ужо зараз: я стала нашмат больш упэўнена сябе адчуваць на перамовах з кліентамі», - кажа спецыялістка.

Пасля прыезду, беларуска падзялілася ведамі з калегамі па кампаніі, а таксама застаецца на сувязі з ментарам-фасілітатарам курса.

Праект MOST+ – гэта праграма стажыровак, якая спрыяе прафесійнаму абмену паміж беларусамі і іх калегамі з краін ЕС; фінансуецца Еўрапейскім саюзам і рэалізуецца Гётэ-Інстытутам.