tgoop.com/motazsalam1996/762
Last Update:
هنا يـ التشيعوني
يم هلــي دفونـي
اخواني ينتضروني
بكربله
———————
نقلو الأقدام مايدوم اله وجه رب البــــــريه
خارج الشام كبري أريده ينحفر بـ الغاضريه
ماريد اضلن بالشام شتمت اهلـنه
ودوني يم العـباس راعي المــحنه
شعندي اضل يم النار واخواني جنه
اباب الخيم كبري يصير روحي اتمنه
ماتطيب جروحـي
شكثر طلعت روحي
التقي بمذبوحــي
بكربله
———————
شايفه الموت بكثر عزارئيل وانه شباقي بيــه
ما الي صوت وتالي عمري يلقبوني الخارجيه
من الغربه خلوني ارتاح انه الـغربيـه
اسم السبيه ارد أنساه اسمي الحبيبه
شيبني ياناس فراك الشيبه الخضيبـه
خدري انسلب والمذبوح جثته سليبـه
كبلي ياعلويــه
عالهزل مسبيه
واللي يهتم بيه
بكربله
———————
بشحة الماي فكدت عبدالله وابو فاضل فكدته راح الفيـاي والحسين كبالي كطعوها ركبتــه
شفت الشمر ذاك اليوم سل سيفه بيده
ضل يرفس بصدر حسين ويحـز وريــده
شبعن ركض بالصحراء خوله وحميــده
بالطف متت حكي هناك كبــري اريده
فراك اخوي الضامي
اكبـــر مـــن الالامي
ادفنت كل احــلامي
بكربله
———————
بعازة صياح نعشي وين الدللتهن كل حياتي
لزم الصفاح اليوم مريود شعجب ماكو بناتي
بنيات ابو القاسم وين شو ماشفتهن
بدرب السبي ثارك هناك بيدي دفنتهن
خسمه خوات السجاد من عـددهتن
نص ماتن ونص بموت احمر عفتهن
وحدي اضل مكتوبه
ميته ومرعوبـــــه
والكلب محبوبـــه
بكربله
———————
الواقع يكول اندفن يم الغرب وابقه حزينه
دمعتي تطول بكبري واقره هله هله حسين وينه
عيد شكثر عدها الشام والعندي دمعه
ماريده كل جسم حسين جيبولي اصبعه
فوك الكبر ابقه احتاج كل ليله شمــعه
كبري يصير بها الكاع گلبي شيـــقنعه
غصب يادفـانه
صار كبري هنانه
دفنت العطشانه
بكربله
———————
سيد معتز الحسيني
BY سيد معتز الحسيني
Share with your friend now:
tgoop.com/motazsalam1996/762