AHMED MEDICAL LECTURES

🌟علاقة مُصرانك بي مزاجك 🌟


في يوم من الأيام الطبيبة الألمانية جوليا أندريس خريجة جامعة كوتا فرانكفورت كانت قاعدة مع صاحبها ولاحظت إنو ريحة نفسه كريهة ، ولأنها كانت مهتمة بطب الجهاز الهضمي ، فكرت إنّو سبب الريحة دي إحتمال يكون من القولون وإقترحت عليه إنه يشوف دكتور متخصص ، لكن للأسف تاني يوم صاحبها دا إنتحر .
الحدث دا خلى الدكتورة جوليا تفكر ، هل في علاقة بين القولون والحالة المزاجية ، يعني مثلاً الإكتئاب والقلق والتنشنة ديل ليهم علاقة مع القولون .
طبعاً كثير مننا عارف إنّو القولون عندو علاقة بالمزاج يعني بياثر عليك وبيخليك تتعصب ، أكيد سمعت بي واحد عندو مُصران عصبي ، يعني مرات تكون متنشن ومتعصب ومقلق وما تلقى سبب وفِي النهاية يكون إنت عندك إمساك عادي  .
▪️دا ما كلام ساي في كثير من العلماء شغالين في أبحاث على الكلام دا ولحد الآن الدراسات دي شغالة ويعتبر تيار جديد في الأبحاث الطبية الممكن تكون سبب في علاج كثير من الأمراض والتيار دا يبحث في العلاقة بين المخ والأمعاء والأشارات البتكون بيناتهم والعلماء بيسموها ال
"Gut Brain Axis" و من أبرز الدكاترة الكتبو في المجال دا هي الدكتورة جوليا القبيل ديك وعملت كتاب إسمو
Gut: The Inside Story of Our Body's Most Underrated Organ
قالت إنّو القولون دا فيه خلايا كثيرة منها خلايا مناعية كثيرة والأهم من دا مليارات البكتيريا ، أي بكتيريا لكن بكتيريا ما ضارة ، و كمان قالت إنّو بيكون في ربط بين المراكز العاطفية والمعرفية في الدماغ و الأمعاء .

ونفس الكلام دا نشروه في مجلة
Annals Of gastroenterology 
وقالوا إنّو البكتريا الموجودة في الأمعاء إسمها Microbiota والمحتوى الجيني بتاعها إسمو Gut Microbiome زي ما سماها عالم الأحياء الدقيقة جشوا لتلبيرغ الحائز على جائزة نوبل سنة 1958م.
وطبعا البكتريا دي ما بنقدر نقتلها كلها لانها كثيرة شديد مليارات ومرات تصل للترليونات و مش كدا بس ، ممكن نقسمها لي ألف فصيلة ، والبكتريا دي بتكون متكيفة بنوع الأكل الإنت بتأكلوا ليها ، وبتكون متوازنة في أنواعها ، ولو هي إتكيفت ، حتريحك نفسياً وكمان جسدياً ، لانو عندها علاقة بي مشاكل تانية زي إرتفاع نسبة الكولستيرول ، والسمنة ، وبعض أنواع السرطان .
▪️سنة ٢٠٠٤ م جو مجموعة من العلماء اليابانيين و جابو مجموعتين من فئران التجارب ، مجموعة عزلوها من البيئة علشان البكتريا ما تنمو في أمعاها ومجموعة خلو البكتريا تنمو فيها ، لقو إنّو المجموعة المعزولة بتتعصب أكثر من المجموعة الثانية والدراسة دي نشرتها مجلة
Clinical and engineering news
لكنها ما إنشهرت بين العلماء ، مع إنها بتدرس خط العلاقة من الأسفل لي فوق ، يعني من المصران للمخ وبالتالي بين البكتريا والدماغ .
في نفس الزمن في فريق بحث في الجامعة الوطنية الأيرلندية ، شغال في المسار من الناحية الثانية من فوق لتحت يعني من المخ للأمعاء ، جابو فئران وفصلو أي فار صغير من أمه لانو عايزين يعرضوها لضغط عصبي و بالتأكيد الفئران الصغار جاها ضغط عصبي من الحرمان ، وكان الفريق دا على رأسه دكتور أعصاب إسمو جون كراين ، و أثناء الدراسة الدكتور دا لقى البحث بتاع اليابانيين ، وهنا إكتملت الدائرة .
الدكتور جرب يحقن الفئران المتعرضة لضغط عصبي بمجموعة من البكتيريا ، لقو إنّو الضغط العصبي نقص شديد وبَقى سلوكها يتغير ، حتى تركيب البروتينات الموجود في دماغها إتغيرت ، وبَقى إختراع علمي كبير في هذا المجال ، لكن طبعاً لحد الآن في بدايته ومحتاج يتجرب على الناس أكثر .

📌الخلاصة :

إنّو حالتك المزاجية قد يتحكم فيها مصرانك بالبكتيريا الموجودة فيه ، علشان كدا إنت تقوم تأكل الأكل البيفيدك وبيفيد البكتريا بتاعتك لأنك ما بتأكل براك معاك البكتيريا في مصرانك .

نختم بإقتباس زي ما عودناكم والليلة من نصيب المتحدث التحفيزي دكتور إيرك توماس

“Everybody has a dream, but not everybody has a grind.”

— Eric Thomas

د.أحمد عدلان

www.tgoop.com/mrahmedmedical/4385

7.8K viewsSep 1, 2024 at 06:30

🌟علاقة مُصرانك بي مزاجك 🌟


في يوم من الأيام الطبيبة الألمانية جوليا أندريس خريجة جامعة كوتا فرانكفورت كانت قاعدة مع صاحبها ولاحظت إنو ريحة نفسه كريهة ، ولأنها كانت مهتمة بطب الجهاز الهضمي ، فكرت إنّو سبب الريحة دي إحتمال يكون من القولون وإقترحت عليه إنه يشوف دكتور متخصص ، لكن للأسف تاني يوم صاحبها دا إنتحر .
الحدث دا خلى الدكتورة جوليا تفكر ، هل في علاقة بين القولون والحالة المزاجية ، يعني مثلاً الإكتئاب والقلق والتنشنة ديل ليهم علاقة مع القولون .
طبعاً كثير مننا عارف إنّو القولون عندو علاقة بالمزاج يعني بياثر عليك وبيخليك تتعصب ، أكيد سمعت بي واحد عندو مُصران عصبي ، يعني مرات تكون متنشن ومتعصب ومقلق وما تلقى سبب وفِي النهاية يكون إنت عندك إمساك عادي  .
▪️دا ما كلام ساي في كثير من العلماء شغالين في أبحاث على الكلام دا ولحد الآن الدراسات دي شغالة ويعتبر تيار جديد في الأبحاث الطبية الممكن تكون سبب في علاج كثير من الأمراض والتيار دا يبحث في العلاقة بين المخ والأمعاء والأشارات البتكون بيناتهم والعلماء بيسموها ال
"Gut Brain Axis" و من أبرز الدكاترة الكتبو في المجال دا هي الدكتورة جوليا القبيل ديك وعملت كتاب إسمو
Gut: The Inside Story of Our Body's Most Underrated Organ
قالت إنّو القولون دا فيه خلايا كثيرة منها خلايا مناعية كثيرة والأهم من دا مليارات البكتيريا ، أي بكتيريا لكن بكتيريا ما ضارة ، و كمان قالت إنّو بيكون في ربط بين المراكز العاطفية والمعرفية في الدماغ و الأمعاء .

ونفس الكلام دا نشروه في مجلة
Annals Of gastroenterology 
وقالوا إنّو البكتريا الموجودة في الأمعاء إسمها Microbiota والمحتوى الجيني بتاعها إسمو Gut Microbiome زي ما سماها عالم الأحياء الدقيقة جشوا لتلبيرغ الحائز على جائزة نوبل سنة 1958م.
وطبعا البكتريا دي ما بنقدر نقتلها كلها لانها كثيرة شديد مليارات ومرات تصل للترليونات و مش كدا بس ، ممكن نقسمها لي ألف فصيلة ، والبكتريا دي بتكون متكيفة بنوع الأكل الإنت بتأكلوا ليها ، وبتكون متوازنة في أنواعها ، ولو هي إتكيفت ، حتريحك نفسياً وكمان جسدياً ، لانو عندها علاقة بي مشاكل تانية زي إرتفاع نسبة الكولستيرول ، والسمنة ، وبعض أنواع السرطان .
▪️سنة ٢٠٠٤ م جو مجموعة من العلماء اليابانيين و جابو مجموعتين من فئران التجارب ، مجموعة عزلوها من البيئة علشان البكتريا ما تنمو في أمعاها ومجموعة خلو البكتريا تنمو فيها ، لقو إنّو المجموعة المعزولة بتتعصب أكثر من المجموعة الثانية والدراسة دي نشرتها مجلة
Clinical and engineering news
لكنها ما إنشهرت بين العلماء ، مع إنها بتدرس خط العلاقة من الأسفل لي فوق ، يعني من المصران للمخ وبالتالي بين البكتريا والدماغ .
في نفس الزمن في فريق بحث في الجامعة الوطنية الأيرلندية ، شغال في المسار من الناحية الثانية من فوق لتحت يعني من المخ للأمعاء ، جابو فئران وفصلو أي فار صغير من أمه لانو عايزين يعرضوها لضغط عصبي و بالتأكيد الفئران الصغار جاها ضغط عصبي من الحرمان ، وكان الفريق دا على رأسه دكتور أعصاب إسمو جون كراين ، و أثناء الدراسة الدكتور دا لقى البحث بتاع اليابانيين ، وهنا إكتملت الدائرة .
الدكتور جرب يحقن الفئران المتعرضة لضغط عصبي بمجموعة من البكتيريا ، لقو إنّو الضغط العصبي نقص شديد وبَقى سلوكها يتغير ، حتى تركيب البروتينات الموجود في دماغها إتغيرت ، وبَقى إختراع علمي كبير في هذا المجال ، لكن طبعاً لحد الآن في بدايته ومحتاج يتجرب على الناس أكثر .

📌الخلاصة :

إنّو حالتك المزاجية قد يتحكم فيها مصرانك بالبكتيريا الموجودة فيه ، علشان كدا إنت تقوم تأكل الأكل البيفيدك وبيفيد البكتريا بتاعتك لأنك ما بتأكل براك معاك البكتيريا في مصرانك .

نختم بإقتباس زي ما عودناكم والليلة من نصيب المتحدث التحفيزي دكتور إيرك توماس

“Everybody has a dream, but not everybody has a grind.”

— Eric Thomas

د.أحمد عدلان

BY AHMED MEDICAL LECTURES