tgoop.com/msnobk/3994
Last Update:
قصيده
للزهراء عليها السلام
تقرأ بعدة اطوار
...................
اويا زهراء
يومچ يهدم الحيل
يلبعدچ زغيره وشفتي الويل
========
كسرولچ ضلع صطرولچ العين
مهضومه يويلي وطاح الجنين
حزينه وناحله والگلب نصين
تون من الوجع مانامت اليل
========
تون من الوجع وصيح يايابه
گلبي من الحزن نيرانه لهابه
من بعدك يبويه دموعي سچابه
حرگو باب داري الحگ ادخيل
========
وبسمار النبت بالصدر وجعني
صعب فگد الولد نيران تلچمني
مالحگت اشوفه خاب كل ضني
طفو فرحتي يادمعتي تسيل
========
يلبعدچ زغيره الموت حافچ
ريت انروح كلحنه فداياچ
نحمل للگبر ونروح وياچ
تشهد على دموعي نجمة اسهيل
========
هد حيلي فراگچ يم العيال
عفتينه بمناحه الدمع همال
نفگدچ يلحنينه ياهو الگال
عفتي البيت يمه والمداليل
=======
يلرحتي من اديه لديرة الموت
خذتي الروح وي روحة التابوت
وخلافج بعد بلبيت مافوت
لاترحين يمه الناصبي ايعيل
========
قصيده مشتركه بين
✍🏻✍🏻الحجيه ام علي البصره
✍🏻✍🏻وام احمد العبودي بغداد
غير مبري الذمه الي يمسح اسم الشاعرات وينسب الكلام الهو
.......https://www.tgoop.com/msnobk
BY قناه الشاعره ام احمد العبودي 📚📚
Share with your friend now:
tgoop.com/msnobk/3994