🔵 Хоразмлик ёшлар “Турон йўлбарслари” спорт мусобақасида кучли рақобат кўрсатди🫥 Юртимиз келажаги бўлмиш ёшларнинг ҳар томонлама камол топишига кўмаклашиш, жисмонан соғлом ва маънан етук бўлиб улғайишига ёрдам бериш, уларни ҳарбий-ватанпапрварлик руҳида тарбиялаш ҳамда онгига миллий қадриятларни чуқур сингдириш, шунингдек, амалга оширилаётган ислоҳотларга дахлдорлик туйғусини кучайтириш мақсадида Ўзбекистон Республикаси Мактабгача ва мактаб таълими вазирлиги ҳузуридаги ихтисослаштирилган таълим муассасасалари агентлиги томонидан шу йилдан эътиборан ёшлар ўртасида янгича ҳарбий-спорт мусобақаси жорий этилган.
🫥 Ўзбекистон Республикаси Мактабгача ва мактаб таълими ҳамда Мудофаа вазирликлари, шунингдек, Миллий гвардиянинг “Ихтисослаштирилган таълим муассасалари агентлиги тизимидаги Президент, ижод, спорт, ихтисослаштирилган мактаб ва мактаб-интернатлар ўқувчилари ўртасида “Турон йўлбарслари” ҳарбий-спорт мусобақасини ташкил этиш тўғрисида”ги қўшма қарорига асосан Шимоли-ғарбий ҳарбий округнинг Урганч гарнизонидаги ҳарбий қисмларнинг бирида 13 та жамоа иштирокида мусобақанинг вилоят босқичи бўлиб ўтди.
🫥 Соғлом рақобат ва шиддатли баҳсларга бой кечган беллашувда жамоалар сафда юриш ва саф элементларини бажариш, саф қўшиғини ижро этиш, АК-74 ўқув қуролини қисмларга ажратиш ва йиғиш, 10 метр масофадан пневматик милтиқдан ҳамда камондан нишонга ўқ отиш, оммавий қирғин қуролларидан ҳимоя воситаларини кийиш, турникда тортилиш, биринчи тиббий ёрдамни кўрсатиш ва “Темур тузуклари” билимдони каби шартларда ўзаро куч синашди.
🫥 Кўҳна Хива шаҳрида жойлашган Президент мактабининг “Паҳлавон Маҳмуд” жамоаси мусобақада учинчи ўринни эгаллаган бўлса, Урганч шаҳридаги 1-сон ихтисослаштирилган мактаб-интернатининг “Урганч лочинлари” жамоаси шоҳсупанинг иккинчи поғонасидан жой олди.
🫥 Барча иштирокчилардан қўли баланд келган Янгибозор тумани ихтисослаштирилган мактаб-интернатининг “Ватанпарвар” жамоаси мусобақанинг вилоят босқичида мутлақ ғолиб, деб топилди ҳамда беллашувнинг финал босқичида иштирок этиш йўлланмасига эга бўлди.
Ғолиб ва совриндорлар кубок, диплом, фахрий ёрлиқ ҳамда қимматбаҳо совғалар билан тақдирланди.
❗Эслатиб ўтамиз, “Турон йўлбарслари” ҳарбий-спорт мусобақаси икки босқичда ташкил этилиб, агнетликнинг мактабларида чақирувга қадар бошланғич тайёргарлик фани ўқитилишининг сифатини ошириш ҳамда шу орқали ўқувчи ёшларда ҳарбий хизмат ўташнинг ҳуқуқий асосларига оид билимларни бойитишга хизмат қилиши кўзда тутилган. Ёшларнинг онгу-шуурига Ватан ҳимояси шарафли ва муқаддас бурч эканлигини чуқур сингдириш, уларни ватанпарварлик руҳида тарбиялаш беллашувнинг асосий мақсадлари қаторидан ўрин олган.
Каналга уланиш учун шу ерга босинг
🔵 Telegram:
https://www.tgoop.com/mudofaa_shimoliy 
