Nukus garnizonida “Eng yaxshi kitobxon” tanlovining harbiy qism bosqichi bo‘lib o‘tdi

Harbiy xizmatchilarning intellektual salohiyatini oshirish, kitobxonlik madaniyatini rivojlantirish va ularni ma’naviy-ma’rifiy jihatdan kamol toptirish maqsadida Nukus garnizonida “Eng yaxshi kitobxon” ko‘rik-tanlovining harbiy qism bosqichi o‘tkazildi.

Tanlovda harbiy xizmatchilar o‘zlarining kitobga bo‘lgan mehrini, o‘qigan asarlari asosida bilim darajasi va fikrlash qobiliyatini namoyon etdilar. Ishtirokchilar badiiy adabiyotlar, tarixiy asarlar yuzasidan tayyorlangan savol-javoblar asosida bellashdilar.

Tadbir davomida adabiyotga bo‘lgan qiziqish, kitobxonlik madaniyati va nutq madaniyatini yuksaltirishga alohida e’tibor qaratildi. Harbiy xizmatchilar orasida kitobxonlik madaniyatini shakllantirish asosiy maqsadlaridan biri bo‘ldi.

G‘olib va faol ishtirokchilar qism komandirining diplom hamda esdalik sovg‘alari bilan taqdirlandi.

Kanalga ulanish uchun shu yerni bosing
https://www.tgoop.com/mudofaa_shimoliy

Harbiy xizmatchilarning jangovar tayyorgarlik mashg‘ulotlarini samarali va xavfsiz tashkil etish, ayniqsa yoz oylarida turli ob-havo sharoitlarida ularning sog‘lig‘ini asrash maqsadida Nukus garnizonida ko‘rgazmali mashg‘ulot o‘tkazildi.

Mashg‘ulotning yana bir muhim yo‘nalishi — yozgi mavsumda ko‘payadigan zaharli hashoratlardan qanday ehtiyot bo‘lish hamda chaqilish holatida birinchi yordam ko‘rsatish tartiblarini o‘z ichiga oldi.

Shuningdek, Tibbiy xizmat xodimlari tomonidan namoyish etilgan real holatlarda yordam ko‘rsatish bo‘yicha amaliy ko‘rgazmalari harbiy xizmatchilarni bilimlarini mustahkamlandi.

Mazkur mashg‘ulot harbiy xizmatchilarning nafaqat jangovar tayyorgarligi, balki ularning kundalik sog‘lom turmush tarzini saqlash, xizmat davomida yuzaga kelishi mumkin bo‘lgan favqulodda holatlarga tayyor bo‘lishini ta’minlashda muhim ahamiyat kasb etdi.

Kanalga ulanish uchun shu yerni bosing
https://www.tgoop.com/mudofaa_shimoliy

O‘zbekiston Respublikasi Prezidentining tegishli farmoniga muvofiq Mudofaa vazirligining marhum harbiy xizmatchisi – mayor Vaisov Baxadir Rajabboyevich “Jasorat” medali bilan mukofotlandi.

Marhum harbiy xizmatchi o‘z xizmat vazifasini bajarish chog‘ida muqaddas qasamyodi va burchiga sodiq qolib, yurt tinchligi va farovonligi, fuqarolar hayoti va davlat mulkini saqlab qolish yo‘lida o‘z jonini xatarga qo‘yib, chinakam mardlik va fidoyilik namunasini ko‘rsatdi.

Bugun Shimoli-g‘arbiy harbiy okrug qo‘shinlari qo‘mondoni hamda Xorazm viloyati hokimligi vakillari birgalikda Shovot tumanida istiqomat qiluvchi marhumning oila a‘zolariga “Jasorat” medalini topshirdi.

Marhum ofitser mayor Baxadir Vaisovning oila a’zolari Qurolli Kuchlar Oliy Bosh Qo‘mondoni hamda davlatimizning doimiy e’tibori va ijtimoiy himoyasida bo‘ladi. Oilasiga qonunchilikda belgilangan barcha imtiyozlar ko‘rsatiladi.

↘️Yangiliklarni kuzatib boring:

Telegram | LIVE | Facebook | Youtube | Instagram | X | TV