(( عين الزچيه ))


بِسمّهِ نبدىّ لابشرّ
الساقي عباسُ القمرّ
بدرُاً تجلى فـِ الصُورّ .... عباس
فاق المحاسنِ كُلها
خِلقً وخُلقً نـالـها
للحُبِ كانَ بابُها .... عباس

سبحان أسمه ودورت اعيونه
ولمعت حسامه وهيبة امتونه
سبحانه من صور تفاصيله
بالعتمه يضوي الكل يشوفونه

اتفوق الخيال وعالمه
يانجمه بعنان السمه
اعيونك تخبل بالصور
عين الزچيه فاطمة

عباس نحنُ ابحمآك
"" "" "" "" "" "" "" "" "" "" "" "" "" "" ""
سرُ الجمالَ الحيدرِ
ماشاءَ نوراً قَمرِ
ينصاعُ فيهِ الناضرِ .... عباس
لولآهُ ماكانَ هوى
نبضُ القلوبِ إحتوى
أسمه أستباحَ نينوى .... عباس

كل الجهات ابوصفه متكامل
ماصار مثله بالأرض كافل
الله يريد ايبين اعجازه
صاغ الگمر عباس ابو فاضل

يامعجزة رب الخلق
أول سراديب العشق
سبحانه رب الصورك
الكلشي منك ينبثق

عباس نحنُ ابحمآك
"" "" "" "" "" "" "" "" "" "" "" "" "" "" ""
شاءَ ألآلهُ خالِقكّ
كـ البدرِ رسمٍ صّورك
مآيُخفِ أعظمّ منضرك .... عباس
لآحَ السماءِ والأرُضّ
فـ الحُبِ إتمامْ الفرُض
فـ العشقِ كـ قَربَ النبُض .... عباس

من الوريد أقرب للِـيحبه
مايوصل المايمشي بي دربه
تتبلل احروف الحچي كلهه
عالورقه أسمه لمن أنكتبه

تتبلل احروف الصور
ابأسمه عباس الگمر
متكامل ابكل الوصف
ماصار مثله بالبشر

عباس نحنُ ابحمآك
"" "" "" "" "" "" "" "" "" "" "" "" "" "" ""
أسمٌ تملكَ الأنفسَ
للخلقِ كانَ مدرسَ
سرُ الغرامِ وهاجسَ .... عباس
إبدونهِ الحُبِ وهّم
لآحَ ثُرياتِ القِممّ
اسمٌ تضاهى فـِ النِعمّ .... عباس

مايكتمل الحب ابلا اسمه
العطف صاغه الخالق ابرسمه
الحب بدونه أسم ابو فاضل
لابيه ضمير الحب ولاذمه

باطل ولايصلح عشگ
والكل بدونه يفترگ
مايكتمل حب الخلق
المابيه سقاي الصدگ

عباس نحنُ ابحمآك
"" "" "" "" "" "" "" "" "" "" "" "" "" "" ""
خادم السلطان
سيد محمد الياسري

‏مقطع صوتي من سيد محمد الياسري

‏مقطع صوتي من سيد محمد الياسري

‏مقطع صوتي من سيد محمد الياسري

(( ليش النحبه مايضل ))


بيه كسر ... ماله جبر
لآخر نفس ... عايش ألم
عافت علي ... وخلت الي
ذكره بقت ... بالعتبه دم

ماحاير ابكل العمر ولا مره نزلت دمعتي
لاهسه حيل اتغيرت من فارگتني زهرتي
أدعي بصلاتي بالصبر ياربي ارحم كسرتي
چانت حياتي فاطمة المن يربي ضلتي

فاطمة .... اصعب جرح
فاطمة .... الفرگه رمح
فاطمة .... آآه ودمع
فرگتچ .... موت الـ علي
فرگتچ .... يافـَي هلي
فرگتچ .... أضعب وضع
"" "" "" "" "" "" "" "" "" "" "" "" ""
حالي صعب ... عايش غرب
كلشي انطفه ... ومات الأمل
راح الحچي ... وضل البچي
بعد ام حسن ... ريت الأجل

ليش النحبه مايضل والنه يضل بس الوجع
الفرگه تكلف ياخلگ من الهضم گلبي انشلع
ابسابع سلف ياحسرتي مو جاري السابع سمع
راحت زهرتي فاطمة وعافتني چن گلبي طلع

حيرتي .... وين اللتفت
حيرتي .... مو شيبت
حيرتي .... عايش غرب
زهرتي .... ماضل صبر
زهرتي .... راح العمر
زهرتي .... وضعي صعب
"" "" "" "" "" "" "" "" "" "" "" "" ""
ذاك الكلف ... اهواي اختلف
ناحل صفه ... ابفگد ام حسن
شابع تعب ... وحيله انهب
ليله هضم ... ما يستچن

ياروحي شتحمل بعد حالي تعب حالي تعب
اليلوي الحديد ابساعده ناحل صفه ياله العجب
المامحني بانت كسرته وتغير من الهم سبب
ياريتي ماتشتم هوء ويكسرني كلما ريح هب

ياعلي .... الروحي صحت
ياعلي .... وشگد طحت
ياعلي .... تنزف جرح
سافرت .... مني الهوء
سافرت .... راح الضوء
سافرت .... وجه الصبح
"" "" "" "" "" "" "" "" "" "" "" "" ""
گلبي انلچم ... أصعب ألم
عافيتي نامت ... نص گبر
البيتي ارجعت ... خاوي صرت
ما ينوصف ... بيه الكسر

ماينفع انعيش العمر بعد المشو عن الگلب
موحش صفه ياحسرتي وضلم صفه ابعيني الدرب
ماينحچي هم كسرتي چنت ابوطن هسه ابغرب
الفارگ بشر ياحيرتي ما ينوصف وضعه صعب

غربتي .... اكبر هضم
غربتي .... جلد وعظم
غربتي .... محني الضهر
ينشهگ .... گوه النفس
ينشهگ .... آآه انترس
ينشهگ .... نفسي جمر
"" "" "" "" "" "" "" "" "" "" "" "" ""
خادم السلطان
سيد محمد الياسري

‏مقطع صوتي من سيد محمد الياسري

(( طلگت الفرح ))


طلگت الفرح ساعة مِشيتي
ورافگت الحزن والدمعه بيتي
بعدچ بالقنوت أدعي الهي
ياخالق علي عجل منيتي

... ياعلي گلبك الهم تره إيلمه
... راحت أم الحسن زهرتك فاطمة .... والهم بقالك
... ياعلي وياها ماينفع اكبر صبر
... مثل الاهلال عليهه تخلص العمر .... وتشبه خيالك

راحت زهرتي .... وطاحت دمعتي
الدنيه كلهه .... تسمعهه ؤنتي

حيدر منيته .... وياها ريته
يصعب عليه .... وحشه يبيته
"" "" "" "" "" "" "" "" "" "" "" "" "" "" ""
مايكفي الدمع عضمه الرزيه
مايصبر علي ابفگد الزچيه
ماكاسر ضلع بس منچ الباب
وحقچ منطبگ بابچ عليه

... صعبه عشرة عمر تنتهي بالجفه
... وياخذ الباب اميرة علي أم الوفه .... يازهره حيره
... يغمض اشلون علي ويستراح الگلب
... وهوا فاگد زهرته ويعيش الغرب .... صعبه وچبيره

مابيده حيله .... ليله اعلى ليله
تكبر حسرتي .... الفرگه طويله

اليبعد حبيبه .... يكبر نحيبه
تخلص حياته .... آآه ومصيبه
"" "" "" "" "" "" "" "" "" "" "" "" "" "" ""
اليفگدله محب لمن يسافر
بيته ابفرگته اتصير المگابر
والله اتحيرت ساعة دفنهه
دافن فاطمة لو روحي حاير

... اول بنادم ايموت وهوا عدل
... القالع الباب يسويه وداعچ كهل .... تعبني فگدچ
... اتغير وع الحياطين علي اتچه
... العمر ماباچي طاحت دمعته وبچه .... ومغيره حزنچ

دمچ بقالي .... ذكره ابخيالي
ميت وحقچ .... اليفگدله غالي

ليل اليمرني .... يكبر يحزني
باب الرزيه .... عنچ بعدني
"" "" "" "" "" "" "" "" "" "" "" "" "" "" ""
اليدفنله محب يرجع تشوفه
محني ويمسح ادموعه ابچفوفه
ماحاير گبل حيرني گبرچ
لابيه اضل لابيه اعوفه

... اتحير العمره ماحاير ابشده ابد
... موتي ياروحي شكثر هضيمه بعد .... ياروحي
... شيب البعده شاب ابوادعچ تره
... باقي ليل ونهار ابكسر خاطره .... بدموعي صوتي

شصبر يروحي .... اهوايه جروحي
ليلي ونهاري .... امرافگني نوحي

تاخذني حيره .... وتردني حيره
الفرگه عليه .... فاطم چبيره
"" "" "" "" "" "" "" "" "" "" "" "" "" "" ""
خادم السلطان
سيد محمد الياسري

(( قصة محسن وي عبدلله ))


قصــه اتــهز اركـــان الــدنـيـه
وبيــــهه اهــواي من الأســرار
عبدلله اتـــلاگه ويه المحــسن
اوحـــد يشـكي الثـاني الــصار
المحسن يبدي يسولف جـرحه
وعبـــدلله يهـــــل مــدمع حـار
انــه الــماشـــــايفــهه الــدنــيه
ولا عــــايـــــش مــثـلِ الإزغـار

اتبدت فــوگ العــتبه اســـنيني
انه المــاشـــــفـت امي ابعـينـي
اليــفــرق بيــــنك هـذا وبيـــني

يمــه مالحـگت انــــطـق وجــار
وكتــي وتـفـاجئـة بـيه مـســمار
ينعصــر ياذنب البــعـده مـاصـار
"" "" "" "" "" "" "" "" "" "" "" "" "" "" ""
هنا عـبــدلله ابدمع اعــيونه
يبدي المحــسن يرؤي النوح
تـوك صــاير عمــرك لــحـضه
وتســــمع اول كلــمـه انروح
ست اشـهر عمـري ومتــغرب
گاصــــد ديره وكلهه اجـروح
فارگت أمي وعبدلله أســـمي
بس مـــــن رديـت الـــمذبوح

المن جاي الـــهاي الــدنيه
ماكو اعلى اليرضع حـنيه
يموت اليطلب بيهه امـيه

انــت بعـد المـمات انــــت مرتاح
انه راسـي انـرفع فــوگ الارمـاح
ويابس من العطش شابع اجراح
"" "" "" "" "" "" "" "" "" "" "" "" "" "" ""
عبدلله اشـــگد چــنت اتمنى
ومســمار الخــرب كل حلمي
العــب وي اطـــفال ابــحـلي
اوكــت اغروب اتنــادي أمي
عشت ابضلمه ومت ابضلمه
هـــذا الكــبر حـزني وهــمي
چنت أتمنى ابنص اخــواني
اگــعد وينـــــادون ابأســمي

عبدلله اصـــفن عايــن همي
انه الذبحـــوني أبطـــن أمي
مذنب بيش وغـسلي ابدمي

انت لأمك سمعت اشكثر صوت
انه سكته العمر ونگضه اسكوت
ماسمعت الدللول وجـــه الموت
"" "" "" "" "" "" "" "" "" "" "" "" "" "" ""
محسن ماعشت العشته انه
شوف الـــبيه اشــگد يآذيك
تــوك تــعــرف كــلــــمة بابا
وسهم امثـــلث يركض ليك
الناس الضنگ تـــشبه گلبك
صدفه الماي اتمـنعه اعليك
ست اشهر عمـرك مامـذنب
چا ليش الــناس اتبــــچيك

محسن عيش ابهذا المنـضر
اترد لأمك سهـمك بالمنــحر
ذابل وجــهك لـونك اصـفر

مالحــــــگت اشـــبـع مـن الدللول
وسهم الأمثـلث ابنــــحري مغلول
محسن انه ابرمح راسـي مشيول
"" "" "" "" "" "" "" "" "" "" "" "" "" "" ""
قــصة محـســــــن وي عــبدلله
قــصه اتشـيب الـــهـه الرضعان
واحــد بــاب الـــطــــلـع روحـه
واحــــــد سـهــم امثـــلث چـان
عــبدلله ايهل دمعـه المـــحسن
ومحسن يبچي اعلى العطشان
لا عـــبدلله المــــــاشه اخــوانه
ولا مــــحـســن شاف الــخوان

اثنين اورود ابلوعه وحــسره
محـــــد عاش ايـامه وعــمره
انذبحو ويلي ابلچمه وكـسره

راحـــو ابــيا ذنب هـمه الأثــــــنين
حــته مالحـــگو فتـــــــحو العـــين
وصدفه اجاهم ركض يركض البِين
"" "" "" "" "" "" "" "" "" "" "" "" "" "" ""
سيد محمد الياسري
محمد مسلم الأسدي

#تجديد_العهد_مع_الحسين_ص

(( كل عام ايمر ))


كل عام ايمر ....
العزاء فقط يضل ديني
كل عام ايمر ....
دمع تصب الك عيني
كل عام ايمر ....
عمري ؤقف على حسيني

ناذر كل عمري خدمة وفقط عزاء
وعايش من زغري كل يومي كربلاء
ابچي اعلى امصابك كل عمري ياحسين
حد گطع انفاسي يامن على الثراء

عاشوراء جرحي مايغيب
والروحي مرجع النحيب
ماعندي بالبشر قريب .... ياسيد روحي
ابچيلك ونكسر عليك
وتلمني سيدي أديك
وبروحي أنه مشتريك .... ياديني ونوحي
"" "" "" "" "" "" "" "" "" "" "" "" ""
كل عام ايمر ....
اضل عبد على اعتابك
كل عام ايمر ....
مـآ بـآرحى أبـد بابك
كل عام ايمر ....
ناري تشب على امصابك

مـآ بـآرح بابـك عبـد اضـل مطيع
ونعه اعلى اخيامك ونعه على الرضيع
دم تبچي اعيوني على أختك وانوح
اشلون اعلى الهزله اشرف ضعن يضيع

بالهيمه ركضت العيال
تكسرني وأنت عالرمال
ومچتوفه زينب ابحبال .... عالهزله خذوها
متغير شافتك حرام
ماراعو حرمتك أمام
بالهيمه عالرمل تنام .... شافتك اخوها
"" "" "" "" "" "" "" "" "" "" "" "" ""
كل عام ايمر ....
ابگلبي يشب جمر خيمه
كل عام ايمر ....
عيني تهل دمع شيمه
كل عام ايمر ....
العاشر يمر عليّ ضيمه

كل عام ايمرني الحيرة رقية انوح
من صاحت بابا وتنزف دمع جروح
من شافت حافر عليهه اجه تشوف
وبس غربه اتشاهد حيره المنو تروح

صاحت يابابا ياحسين
وماشافت بالغرب مُعين
طفله وماشافت السنين .... عاشت باللوعه
طفله وماتعرف الرماح
وتتمنى لحضه تستراح
والحافر جاها والصياح .... طفله ومفجوعه
"" "" "" "" "" "" "" "" "" "" "" "" ""
كل عام ايمر ....
حاشى تمر عليّ راحه
كل عام ايمر ....
بس غربتك الي انياحه
كل عام ايمر ....
عايش ضعن عِلىّ اصياحه

أسمك لو مرني اذكر جرح ضماك
وذكر من محني ابلا كافلك گفاك
من دنگ راسك بين الزلم وحيد
وتندب هل ناصر محد فزع وراك

بالغربه وحدك بقيت
ودنگته راسك وبچيت
وحچايه وحده ماحچيت .... مكسور الخاطر
لعيالك ناضرك تدير
والفرگت كافلك كسير
لحضات وتصفى عالحصير .... ويدوسك حافر
"" "" "" "" "" "" "" "" "" "" "" "" ""
خادم السلطان
سيد محمد الياسري

‏مقطع صوتي من سيد محمد الياسري

(( أجددله أنتمائي ))


يوم يوم أتخلص ايام وسنين
ويگضي عام ويبدي عام وياحسين
أحمدلله ابخدمتك راح أبدي عام
وكاشخ ابثوب الخدم والدمعه دين

شكراً من أعماقي عالنعمه .... حسين
سنه دارت بيه عالخدمه .... حسين
عيشتني من العدم بالقمه .... حسين

آفل .... كلشي وأسمك باقي أزل
كافل .... من معيتك كلمن وصل
كامل .... كل جهاتك خير العمل

أجددله انتمائي .... حسيني كربلائي
"" "" "" "" "" "" "" "" "" "" "" "" ""
من الطفوله وياك حسيت ابهواي
أمي تاخذني العزائك من صبآي
وتلطم أمي وچانت ادگلي عليك
انه اللطم وانت وزع يبني ماي

بالزغر حبيتك دين أمي .... حسين
افرح يصيحون خادم أسمي .... حسين
بگلبي أسمك وبمجاري دمي .... حسين

خادم .... يعلى شأني ابهذا الأسم
الوادم .... كلمن ابدينه وديني أهم
هايم .... ابعالم الخدمه أجمل حلم

أجددله أنتمائي .... حسيني كربلائي
"" "" "" "" "" "" "" "" "" "" "" "" ""
كل سنه ابقه اعترف عبدك مطيع
وانه لوما ثوبك الأسود اضيع
باب غيرك ينسد ابوجهي وجيك
والگه فاتح بابك وكاتب شفيع

والله لوما ثوبك ساترني .... حسين
من البشر محد ايصاحبني .... حسين
بين أهلي وناسي رافعني .... حسين

گلبك .... أرحم من امي ياحسين
حبك .... رحمة الله اعلى العالمين
دربك .... المايعيشه بالدنيه ويـن

أجددله أنتمائي .... حسيني كربلائي
"" "" "" "" "" "" "" "" "" "" "" "" ""
انه لوما أسمك اشرايد اصير
الروحي ما أملك نفع لاعندي خير
منبرك والدمعه هيه السر حسين
ميزتني اعلى البشر مثل الأمير

انه اول واحد بالفقره .... حسين
ملك عاش ابخيرك والنضره .... حسين
رغم تقصيري وقابلني اقره .... حسين

قاصر .... شكر ابقه الحد الممات
ناصر .... ابقه الك بالدمعه حياة
العاشر .... كل سنه اصرخ عالطغات

أجددله انتمائي .... حسيني كربلائي
"" "" "" "" "" "" "" "" "" "" "" "" ""
خادم السلطان
سيد محمد الياسري

(( الصفات العظمى ))


عابر مــجاز الدهـشه والقمه
بيـه الصفات العضمه ملتمه
بالدنيـه مثلـه يابشر صــاير
حيدر ابوه وام البنــين أمـه

يانهر چفه ايزخ علـى الوادم
خير ومحــــنه مـن قبـل آدم
المالاذ بأســـمه بالبشـر نادم
والدنيه لاذت بيه گمر هاشم

اكلـف شـده يحــلها ... اصل النخوه وهلها ... والسقاي
اليشرب حبه طهاره ... حب الكافل تجاره ... والحماي
انلوذ اباسمه ويمينه ... يمطر غيره جبينه ... والوفاي

دخيلك ياگمر هاشم .....
                  "" "" "" "" "" "" "" "" "" "" "" ""
طلسم يحير كل عقل وصفه
بس السـباع الكـــافل اتعرفه
مايلبس ابمگفاه درع طـبـعه
مشـابه من الــوجه والمـگفه

يعدل الأعوج بأسمه والمايل
أعجاز رب السبعه بي شـايل
لو الله ماخصني علــي گايل
چـــا لآفتــى الآ ابــو فاضـل

عالي الكافل مقامه ... دربه يريد النشامه ... والــزينيـن
شيخ ينگط مــهابه ... زلمه العـــدله تهابه ... والــميتين
رگبه رگبه يحشهه ... زلم التبرز يطـشهه ... عالصوبين

دخيلك ياگمر هاشم .....
                  "" "" "" "" "" "" "" "" "" "" "" ""
نور الشمس مشتقه من نوره
متكامل ابكل الوصــف دوره
ماشفـــنه زلمــه بالبـشر مثله
واحد تهــابه الـزلم بالصــوره

ماصار زلـمه بــالارض مثـــله
من كل جهاته بالوصف يحله
مـن غــير اسـمه يابشـر يعله
والبيه تنـخه بالـسمه اتــعـله

زلمه ومــحد يـحده ... لاقبله ولاكــو بعده .... بالاكوان
هوا الشيخ وزمــانه ... هوا الكان ومــكانه .... يامـاكان
فر قاموس المراجل ... ماكو اله ابو فاضل .... بالازمان

دخيلك ياگمر هاشم .....
                  "" "" "" "" "" "" "" "" "" ""
           
من يعرگ اينــگط وفه ونخـوه
يسوه السوالف والحچي يسوه
ماخــذ شــهـــاده بالـوفه الاول
أعـظم مــثل عـــباس للـــخـوه

المايدرس ابمدرسته ما يكمل
منــهاج دربه للنــجاء والــحـل
الماينجح ابحبه العــمر ينـذل
بـــــس اليــحبه ينـجح الاول

نـاجح كلمــن يـــحبه ... والنشمي يسحگه دربه ... والـرجال
الراضع طيب الـولاده ... يــهوا الــــكـافل مُراده ... بستدلال
شيـخـي وهــوا اميري ... رفـعة راسـي وچــبـيري ... بالاهوال

دخيلك ياگمر هاشم .....
                  "" "" "" "" "" "" "" "" "" "" "" ""
واصـل مراحـل كلــشي متــكامل
كــوثر جبـــينه من العـذب شـايل
ســر الـحـياة الــــمـاي لا غــلــطه
خصم الحچي العباس ابو فاضل

كل قلم عاجز يوصل الرسمه
عالم من الله ومحد امعــلمه
يانفس ريتي والهوء أســـمه
المابيه أســـمه الهوء ماشمه

ماخــذ عقــلي وكـياني ... عشگي الحبه سباني ... وجروحي
نبــــضي وهوا خــليلي ... عايش بأســمه دليلي ... مذبوحي
سابي اعيوني ابجـماله ... يمـشي ابدمــي دلاله ... وبروحي

دخيلك ياگمر هاشم .....
                  "" "" "" "" "" "" "" "" "" "" "" ""
خادم السلطان
سيد محمد الياسري

ماشاء الله قمر// الرادود حسين الكعبي والذاكر علي نائل حسينية موكب قمر بني هاشم أهالي السماوه....

https://youtube.com/watch?v=h0da0UhQ8kg&feature=shared