tgoop.com/mukhammadkarim_tukhtaboev/2816
Last Update:
Bugun odam bilan odamni tanishtirish, ya’ni kimnidir kim bilandir “promotion” qilish bo'yicha fikrimni ulashmoqchiman.
Bu - do‘stingizni kompaniyaga tavsiya qilish, yoki ikki mutaxassisni bog‘lash bo‘lishi mumkin. Muhimi, siz ularni chiroyli taqdim etishingiz kerak.
Shunchaki, “bu yaxshi bola” deyish kamlik qiladi. Masalan, “Jahongir aka Amazon’da ishlagan, hozirda dunyodagi birinchi raqamli Nvidia kompaniyasida dasturchi" yoki “Saud aka O‘zbekistondagi eng taniqli kiberxavfsizlik mutaxassisi va shu soha bo'yicha eng katta o'quv markaz asoschisi” desangiz, bu butun suhbat ohangini o‘zgartiradi.
Chiroyli taqdim - bu hurmat. Hurmat esa eshitishni osonlashtiradi. Shunda raqobat emas, hamkorlik ruhi paydo bo‘ladi.
Tanishuv - bu shunchaki “men seni u bilan tanishtiraman” emas. Bu - insonlar orasida ishonch va hurmat ko‘prigini qurishdir.
Bo'yi pakana, 50kg lik bola hech qanday promotionsiz boshqa urushqoq bolaga tanishtirilsa, anavi 50kg likni odam o'rnida ko'rmaydi. Ammo, u - Xasanboy Do'stmatov, boks bo'yicha olimpiada chempioni desangiz bormi. Shuning uchun hunuk vaziyatlarlar kelib chiqmasidan avval promotion qilish kerak. Shunchaki, bor narsasini aytsangiz yetarli, sovchilikka borgan ayollarga o'xshab yo'qdan yasash shart emas. 😅
@mukhammadkarim_tukhtaboev
BY Janob Panda
Share with your friend now:
tgoop.com/mukhammadkarim_tukhtaboev/2816