tgoop.com/mumndr/4472
Last Update:
قصيدة للإمام الحسن عليه السلام
_____________
ٱلليله ٱلليله يعينچ الله ٱلليله
____________
يعينج ٱلله ابن ٱمج تشوفينه
يا العقيله ٱلليله وتودعينه
يمه ٱخيه حسين تهمل عينه
اليوم آخر ليله يگضي سنينه
يهل دمعاته عليه
وينظر بحسرات ليه
يشوفه يتقلب وروحه نحيله ٢
_____________
الطشت گدامه ويقذف جبدته
روحج اشگالت يزينب شافته
شلون لو صارت يحره امنيته
يجر بالاهات ويجر حسرته
الروح منه هايمه
عزيز امج فاطمه
الگلب ويه العين دم يبچيلنه ٢
_____________
يلوج من كثر السموم ومنحمس
زينب تعايله لو جر النفس
اسم الله خويه عليك يا ضي الشمس
تعوف وسفه عليك يبن امي الدرس
متانيه طلابك
يا الحسن واحبابك
التمت عليه بالبواچي العيله ٢
_____________
ريت كلنا نموت يبن امي سوه
لو رحت يالمجتبى يغيب الضوه
النفس ضاگ عليه لو شم الهوى
سامينه وابد ما فاده دوه
وني يمه بهيده
وسبليله ايده
بحزن يم عون الأخو ونيله ٢
_____________
ويلي من سم اللعينه اتراده
انمرد من حر السموم ٱفاده
كل دوه لابن ٱمي ٱبد ما فاده
وين بعده ٱتروح كل وفاده
لو تناشدنه شنگول
يا ابن فاطمه البتول
للنزل رد يالولي گليله ٢
ــــــــــــــــــــــــــــ
تمت بعون الله للشاعره خادمة الامام الحجه عجل الله فرجه ام منذر الحجار ✍✍✍
https://www.tgoop.com/joinchat-AAAAAD7aFAI0xCJPp8wm2Q
BY حبيبي ياحسين
Share with your friend now:
tgoop.com/mumndr/4472