tgoop.com/mumndr/4484
Last Update:
مولد السيده زينب عليها السلام
وزن موشح
💖💖💖💖
ياهله بزينب الحره ياهله
نور شع الليله حيدر منزله
🎄🎄🎄🎄🎄🎄
ياهله بيها العقيله العالمه
منها شع النور لعنان السمه
فرحة الزهره وعلي حامي الحمه
هاي بنت اهل المجد واهل العلىٰ
ام ستار الكعبي
🎄🎄🎄🎄🎄🎄
ياهله بزينة اببها وفرحته
الكون كله اليوم زينب ضوته
والنبي يهني علينه بلبوته
بالعقيله ونورها المنزل حله
*أم محـ✍️ـمد علي الشيباني*
☘️🌺💚☘️🌺☘️
ضوه هاي الليله بيت الهاشمي
نور من نور القداسه الفاطمي
فرحت الاكوان وكل العالمي
بزينب الهم راح كله وانجله
*ام منـ✍️ـذر الحجار*
☘️💖🌺☘️💖☘️
أنهني بيها فاطمه الزهره البتول
والأمير المرتضى فحل الفحول
بيها محتار القلم شيكتب يگول
هله بأشريكة حسين أبكربله
*ام طاهـــ✍️ــر نجف*
☘️💖🌺💚☘️
هلا بستر الله نزل فوك الارض
ونزلت املاك السمه تأدي الفرض
الدنيا فرحانه العلي
طول بعرض
ونور بت حيدر يشع اعله المَله
*العلويةام كـــ✍️ـرار الغالبي*
☘️💚🌺💖☘️
بالعقيله الليله فرحانه الاهل
ونور من الباري بالوجنه نزل
نرتل بآيات ربنه ونبتهل
علي للزهراء يگلها امدلله
*الشاعره ام روكــ✍️ــان الشمري*
☘️💖❤️🌺☘️
هله بالذلة يزيد وزمرته
تشبه ابن ام البنين ابهيبته
احجابها تاج الشجاعه لبسته
هاي اخت عباس راعي المرجله
*ام رافـــ✍️ـــد العسكري*
☘️💚💖🌺☘️
هلت الفرحه وعلگنه الها الشمع
نبارك الشيعة علي وكل الربع
هاي بت اهل الكرم واهل الورع
مولد الحره الفرح بيه هالحله
*ام محــ✍️ــمد الساري*
☘️🌺💖💚☘️
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/joinchat-AAAAAD7aFAI0xCJPp8wm2Q
BY حبيبي ياحسين
Share with your friend now:
tgoop.com/mumndr/4484