tgoop.com/muratovuz/717
Last Update:
Biz hozirda WS2024 doirasida Lissabondamiz. Bu yerdagi imkoniyatlardan foydalanib, startuplar uchun qulay ekotizim yaratilganini va ularning xalqaro maydonga chiqishi uchun qanday katta qo’llab-quvvatlov borligini yaqindan ko’rmoqdamiz
Bugun bizni Build Up Labs Startup Studio nomli inkubator tadbiriga taklif qilishdi. Ular 10 yildan oshiq vaqt davomida startuplarni qo’llab-quvvatlab kelmoqda va ayni paytda Lissabonda faoliyat yurituvchi tadbirkorlarga o’z loyihalarini keyingi bosqichga olib chiqishda yordam berishadi. Bu yerda startuplarga bepul maslahatlar berilib, ularni bozorga chiqish, mahsulotlarining mustahkam o’rnini topish, potentsial investorlar bilan tanishish kabi jarayonlarda amaliy ko’mak ko’rsatiladi.
Ushbu inkubatorda asli Qozog’istonlik Roman bilan tanishdik. U o’z startupini Lissabonda rivojlantirib, atigi 1,5 yil ichida yaxshi natijalarga erishganini aytib berdi. Romanning yutug’i mahalliy ekotizim va hukumat tomonidan berilayotgan imkoniyatlarning qanchalik katta ekanini yana bir bor tasdiqlaydi. Bu esa Lissabonni startuplar uchun jozibador manzilga aylantirmoqda 🏙️
Mazkur networking imkoniyatini yaratgan va Build Up Studio bilan tanishtirganligi uchun IT Parkka o’z minnatdorchiligimizni bildiramiz! 🙏
