tgoop.com/muratovuz/746
Last Update:
Qaysi son har qanday biznes, startap yoki loyihani o‘ldirishi mumkin? Javob: bir.
Bu fikrni Den Kennedi o‘zining "Qattiq menejment" kitobida ochib beradi. Biznesdagi eng katta xavf — faqat bir narsaga suyanish.
Nega bu son xavfli?
- Bitta mijoz. Barcha daromad bitta mijozga bog‘liq. U ketsa, biznes uxlaydi.
- Bitta xodim. Asosiy xodim ishdan ketsa, loyiha yoki ish to‘xtab qoladi.
- Bitta yetkazib beruvchi. Yetkazib beruvchi muammolari sizga ham taʼsir qilib vaqt va pul yo‘qotishingizga olib keladi.
- Bitta mahsulot. Yangi mahsulot yaratmaydigan kompaniyalar tezda bozorda o‘z o‘rnini yo‘qotadi.
- Bitta savdo kanali. Agar reklama faqat bir platformada ishlasa, uning qoidalari o‘zgarishi bilan mijozlarsiz qolishingiz mumkin.
Nima qilish kerak?
Zaxira variantlarini yarating: ko‘proq mijozlar, ko‘proq mahsulotlar, o‘xshash ko‘nikmalarga ega xodimlar. Imkoniyatlar qanchalik ko‘p bo‘lsa, biznesingiz shunchalik kuchli bo‘ladi.
O‘ylab ko‘ringchi ishingizning qaysi joyida bir narsaga juda ko‘p suyanib qolgansiz?