tgoop.com/n9187/472
Last Update:
ماشفتك بل واقع
بس شفتك بحلامي
والشافك بحلامه كره كل اليصحونه
شفته يطيح اگبالي
طيحت نجمه بظلمه
يتوچه اعلى جروحه
ورد عبدالله الامه
===============
يطيح يگوم حسين
==============
شفتك طايح نسمه
بنص وادم مختنگه
سهام الشبگن صدرك
ماكظتهن درگه
===========
لاينور العين
===========
والشافك هذا وعافك مايفتهم
حبيتك نسمه بريه شيخ الزلم
راسك غازل رمحه
واليحلم بيك ويصحه
كره كل اليصحونه
================
شفتك واكف جن جدك
والظالم جاي يغدره درب الحق قله سلكه
والباطل ناسه بكثره
=============
وانت الحق والنور
=============
شفت النور ابوجهك
شفت الرحمه بعينك
اجمل دين ومذهب
ابصملك عن دينك
===========
طايح بس منصور
===========
انت العافك مايفهم معنه الوفه
شفتك تنزف من جرحك حب عاطفه
والوادم جانت وكحه
واليحلم بيك ويصحه كره كل اليصحونه
===============
موكافي خوانه الطاحو
گدامه نذبحو ولده
طاح حسين وعدوانه
گطعو خنصر من عنده
============
داست صدره الخيل
============
من الف واربع ميه
ليهسه وعطره نشمه
حسين اول نعمه نسحكت
والله يجازي اعله النعمه
============
وجه مظوي الليل
============
نعمه وطاحت والوادم موسم سبي
نار شتعلت بخيامك روح النبي
جرحك ظل لازم جرحه
الشافك بحلامه ويصحه كره كل اليصحونه
الخادم محمود رحيل
BY الشاعر محمود رحيل
Share with your friend now:
tgoop.com/n9187/472