tgoop.com/n9187/479
Last Update:
رقية وزينب
عل جره والصار بينه نسولف الكم
من وكعتو عله الثره وعفتو ضعنكم
عمتي ركضت حافيه
بيهه ميته العافيه
حارت ابئمر اليتامه ومو بمركم
عمتي بياحال عيني تصد عليهه
بويه من ضاعت رقيه صاربيهه
يمنه يسره تركض ومجتوفه ديهه
هذه حال الحرمه من تفكد وليهه
بويه شحجيلك بعد
عله صدرك من كعد
عمتي صاحت ميلو عن صدره شمركم
العساكر حا وطتنه يسره يمنه
نحمدالله احنه ونشكره عمتي يمنه
صارت النه خيمه من حركو خيمنه
اب!ها بناتي تحملن شدت حزمنه
تحملت ذاك الالم
خيمه صارت للخيم
سهرت اعلينه يبويه بكد سهركم
بعد ما عل رمح رفعو راس ابونه
وحده الوحده بسناسل كيد ونه
العرب شافت وسمعت من سبونه
وكلهه ضمت روسهه وماناصرونه
عمتي دمعتهه تسيل
انسبت وين الكفيل
كون من عمري نحط بويه العمركم
لان تدرون بسبينه تشوفنه الناس
روسكم ويانه ردت بويه حراس
راسك اعله الرمح خله يوصي عباس
يطمئن ويانه عمتي الترفع الراس
تشكف ابجفهه وتصيح
زينب انه اخت الذبيح
غير ابوي وجدي ياهو اليشفع الكم
انه سكنه بويه بنتك لوعوهه
تعثر وكامت وردو وكعوهه
والشمر يصرخ ذنبهه حسين ابوهه
بويه بنتك موت الاحمر شوفوهه
يشتم اسياده الخدم
حيلي حسيته نهدم
كلت ماانذل وانه الراح اذلكم
محمود رحيل
BY الشاعر محمود رحيل
Share with your friend now:
tgoop.com/n9187/479