tgoop.com/naiiyar/812
Last Update:
مع ان كل فرض اذا اذن المذن أصليه
معي ضيقة اللي مايصلّيه في وقته
من اول اضحّك واحدٍ عند قبر اخيه
و ذا الحين لا واجهني الطرب ضايقته
لا شفت الجماد اعرف وش يقول واحاكيه
والانسان مافهم وش كلامه لا ناطقته
أعيش الحزن مع كل من يفتقد غاليه
لو أشوف غصنٍ جف ساقيه .. عانقته !
مدام ان قصيدي ما لقى واقعٍ يغليه
عطيت الخيال خطام الابداع واعتقته
قبل لا يموت الليل واودعه بـ اسريه
خيوط الصباح اشوفها حبل مشنقته
قريت الكتاب اللي يسافر معه قاريه
ووصلني لقصر امرؤ القيس واروقته
هذا هو عقب م عوّد من اللهو والتيه
وهنا دم ابيه اللي لقى القوم رايقته
يقول انت بترافقني لثار ابي؟ قلت ايه
وسولفت له عن قصتي يوم رافقته
لقى في ظروفي ما ينسّيه ثار ابيه
وسمع من قصيدي ما يهمش معلّقته
طموحي سرابٍ جاني الموت قبل اجيه
وعزمي عزم من جمرة القيض محرقته
تقولون دام انه سراب ؟ ولحقته ليه !
ترا متعتي في شوفه وفي ملاحقته
شعوري ورا حلمي وانا اصايده واخطيه
اخاف انه احلى من شعوري لا حققته
حبيبي يا ليت العمر منّا الين انهيه
مثل ضحكتك لا قلت شيٍ مـ صدقته
مـ تقدر تقول فاقد الشي ما يعطيه
وانا اعطيك ضحكٍ لي سنه من يوم فارقته
لقاك اسرع من الحلم مع فارق التشبيه
لو تسابقْه الاحلام مهيب سابقته
انزّه محبتك الشريفه من التشويه
وانا العاشق اللي رغبة النفس مرهقته
مـ طلت العنب لكن مـ والله اعذرب فيه
اشوفه واعرف انه حلو مـ بعد ذقته
- علي آل صبيح
BY نَـيّـار
Share with your friend now:
tgoop.com/naiiyar/812