tgoop.com/nargessadeq/402
Last Update:
دخلت يمه وركضت حضنته...
ريم...يبعد روحي كوم وليدي يبعد امك لا تفجعني
اجت دكتورة وهي تباوعلي بنظرة شفقة والم...تقربت يمي وكلتلي...
الدكتورة...ماما الطفل ممكن يدخل بغيبوبة شنو الصدمة الي تعرضلها
ريم... ابو مات وهو متعلق بي كولش
الدكتوره... سودة عليه حبيبي
ريم... دكتورة فدوة كليلي اكو علاج او شي يرجعلي ابني
دكتورة... ادعيله يصحه قبل 48 ساعة
ريم... اللهي توكلت عليك وودعت وليدي يمك فدوة لاسمك اللهي لا تردني.
طلعت من يمه ورحت لخالو وكوتله....
ريم... امشي خالو
ابو حسن...شكو بوية وين
ريم... اخذني للحسين اريد اشكيله واذب همومي يمه
أبو حسن... فدوة لاسمه ابا عبدالله اي بوية امشي ما يقصرون أبد
رحنا اني وخالو للامام الحسين...واول ما دخلت نزلت دمعتي وكتله...
ريم... اني جايتك طالبة حاجة واحلفك بعبد الله الرضيم تكوملي وليدي بالسلامة... راح اعوف الحاجة يمك وادري بيك ما تردني.
رحت للشباك ولزمته وذبيت كل قهري يمه...صرخت وبجيت وجانن النسوان كل الي تفوت من يمي تمسح على راسي ودكولي...الله يبرد كلبج
كمت صليت ودعيت واجيت اطلع...باوعت للحضرة وكتله...
ريم... اني رايحة بس حاجتي بقت يمك ياابا عبدالله وليدي بحمايتك.
رجعنا للمستشفى واني حسيت براحه مو طبيعية عبالك هستوني نولدت... مر الوقت واني ما بطلت دعاء وجان املي بالله قوي...مرت 20 ساعة وعلاوي على حالته...ثاني يوم الصبح وبعد ما مر 25 ساعة... اجه الدكتور يركض ودخل لغرفة علاوي...اجيت ادخل ورا وما خلوني... بقيت اصرخ واريد احد يفهمني شبي ابني...
بعد نص ساعة طلع الدكتور... ركضنا علي واحنه متلهفين نسمعها منه...
ريم...فدوة دكتور كولي ابني ما بي شي
الدكتور... الحمدلله الطفل بده يصحى وحاليا هو تحت العنايه تكدرون تشوفوا
ريم... الحمدلله والشكر اللهي
دخلنا لغرفة علاوي وجان هو صاحي يباوعلنا...وصلت يمه وهو شافني وكام يبجي...
علي.. ماما وين بابا
ريم...حبيبي بابا بالجنة
علي... يعني ميرجع
ريم... حبيبي لا تحجي هيج لأزم تطيب حتى نروح نشوف بابا
بعد مرور 12 ساعة بعد ما صحى علاوي...انطانه الدكتور الاذن حتى نطلعه...طلعنا ورجعنا للبيت وننصدم بخبر الحجية نشلت على أثر الجلطة... رجع الصراخ والبجي بس دخلت الحجية وهي على الكرسي.
ـــــــــــــــــــــــــــــــــــــــــــــــــــــــــــــــ
الله يرحم وسام 💔💔
أكثر انسان راح يتأذى بفراك وسام هو علاوي والحجية 💔
فعلاً فقدان انسان عزيز منكدر نوصفه...الله يساعد كلبج يا ريم..الله يساعد كل كلب فاقد عزيز.
توقعاتكم للقادم...؟
هل ستكون هذه نقطة خلاص ريم وعودتها الى خالد أم للقدر كلامٌ آخر؟؟
كونوا انتم كونوا بخير...🌺
نرجــس صــادق ✍️
BY قصص تُـــنجب العِــبر
Share with your friend now:
tgoop.com/nargessadeq/402