tgoop.com/nargessadeq/406
Last Update:
بعد اسبوع واني كل يوم اتصل على ماما حتى اعرف اخبار ريم وجهالها... وعرفت علاوي شكد متأذي على ابوو... وبعد ما خلص الاسبوع رجعت ماما وجنت مستغربة ليش ما رجعت ريم وياها...
ودق... ماما لعد ريم ليش ما اجت وياج
ام ستار... ما قبلت ترجع ووسام بعده مصابه ما طاب
ودق... مو لازم تلزم عدة شلون تلزم عدة يمهم
ام ستار... يمه الحجية صابها شلل وهي كعدت يمها هم تداريها وهم تلزم عدة.
ودق... ماشي بس هي شلونها شخبارها
ام ستار...حالتها حالة والله وهذا علاوي موت نفسه يفرفح
ودق...سودة عليه حبيبي والله عرفته يتأذى
ام ستار... يمه اني خايفة على ريم
ودق... ان شاءالله يبرد كلبها خلي تطلع الأربعين ونخليها تجي يمنه.
ام ستار...ان شاءالله يمه الله كريم
فاضل...
جنت كاعد بالدوام وجان يمي جماعتي الموظفين واني افكر بجهالي الي عفتهم يم رواء...
ـ إلى متى يبقى هذا حالي لشوكت ابقى هيج...لازم اشوفلي بنت حلال تحتويني وتحتوي جهالي بس وين اللكه واني اهم شي جهالي..أن شآء الله خير ارجع للبيت والله كريم.
كمل دوامي ورجعت للبيت واني راجع مريت على رواء وجبت الجهال منها ورجعت للبيت... دخلت للبيت وجنت جايب اكل جاهز وجان خالد ما موجود... بدلت ورحت للمطبخ وحضرت الأكل الي وللجهال وخالد...
رجعت اتصلت على خالد وكلي بأنه راجع بالطريق... انتظرنا يرجع وبعد ربع ساعة رجع خالد ودخل وهو تعبان...
فاضل... ها حبيبي شو مبين تعبان
خالد... أي والله كولش تعبان لأن هواي ناس اليوم وتعرف الاعراس كثرانة لهذا جلسات تصوير تموت والله
فاضل... الله يساعدك حبيبي
خالد... ويساعدك أنت شخبارك اليوم شلونك
فاضل... الحمدلله خلي نتغده وافاتحك بموضوع
خالد... ماشي
تغدينه وكملنا وخالد هو نظف المطبخ واجه وراية للصالة... كعدنا وفتحت ويا موضوع الزواج...
فاضل... صراحة خالد فكرت اتزوج بس محتار وين الكه بنت تصير ام لجهالي مو بس زوجة إلي
خالد... اي فرحتني والله، أول شي لازم انت تحدد شنو مواصفات البنية الي تريدها
فاضل... مو مهم اي شي بكد ما مهمة اخلاقها وتصير ام لجهالي وتحبهم ومتأذيهم
خالد... أن شآء الله نلكاها بس خلي نسأل شيماء ورواء لأنه نسوان ويعرفن البنات.
فاضل... أي أن شآء الله
شويه وكمت وخليت جهالي يم عمهم الي تعلقوا بي كولش... دخلت للغرفة حتى انام.. تمددت على الجرباية وقبل لا انام رن موبايلي...
اخذته واجيت اجاوب انتبهت رقم غريب بس مألوف... جاوبته...
فاضل... الوو منو وياية
دلال... شلونك أبو علي
فاضل... اهلاً منو وياية
دلال... اني دلال
فاضل... العفو ست دلال بس ما عرفتج
دلال... اني حماة ايمان
فاضل... هلا بيج خوية خير إيمان بيها شي صاير شي
دلال... لا ماكو شي
فاضل... خير إن شاءلله بس شنو مناسبة اتصالج
دلال... الصراحه
فاضل... اي بوية اكو احلى من الصراحه
دلال... اني كولش معجبة بيك وعرفت انت منفصل ومستعدة اصيرلك زوجة
فاضل... شنو هالحجي بنيتي بعدج زغيرة وبعدين على راسي يا عيني بس زحمة يا بوية هيج
دلال... شكراً
سدته واني بقيت حاير شنو هالمصيبة الوكعت على راسي هاي شعرفت عني وحبتني والي اعرفه عنها صغيرة مراهقة.. يالله هاي شلون بيها.
ايمان...
بعد ما بديت اراقب دلال صرت احس دلال اكو احد جاي يخلي براسها هالامور... وبيوم من الأيام اجتي عمتي لبيتنا واجت وياها دلال وكعدنا بالحديقة نسولف واحنه مجتمعين...
شفت دلال كامت ودخلت جوة للبيت... كمت وراها ومصطفى لاحظ بيه من كمت.. دخلت للبيت وسمعت دلال وهي تحجي بالموبايل... تقربت للصالة أكثر وسمعتها وجانت صدمة إلي...
جانت تحجي ويه فاضل ودكوله اني معجبة بيك... سودة بوجهي تصخمت اني شلون بيه شراح احجي واكول كبال اخوي...
طيح الله حضج دلال نزلتي راس اخوج...
رحت عليها واني اشوفها تسد المكالمة... لزمتها من ايدها وضربتها راشدي...
دلال... شلون تسمحين لنفسج تمدين ايدج عليه
ايمان... سمعتج ولج جنتي تحجين ويه فاضل ولج اتقي الله بسوايتج هاي شلون اخوج يشيل راسه كبال فاضل مرة ثانية انتي ليش متخافين على نفسج
دلال... كتلج لا تدخلين بيه واني حرة وبعدين اني ما اخاف من أحد
ايمان... انتي ليوين تردين توصلين
دلال... اريد اوصل لكلب فاضل واخلي يحبني اريده فهمتي
ايمان... وفاضل طفل بكدج وتردين تخلي يحبج
دلال... اني وياج والزمن طويل
ايمان... دلال ابتعدي عن فاضل احسن ميصير شي ميعجبج
دلال... إذا مرة ثانيه تدخلين انتي راح تشوفين شي ميعجج
عافتني وراحت واني كلبي كام يغلي نار اتمنى اللزمها واطلع كل نار كلبي بيها... طلعت واني افكر شلون ابعدها قبل لا تسويلي مصيبة يربي.
ـــــــــــــــــــــــــــــــــــــــــــــــــــــــــــــــ
توقعاتكم للقادم.....؟
فاضل راح يحب دلال لو لا....؟
تحياتي.. 🌺
نرجــس صــادق ✍️
BY قصص تُـــنجب العِــبر
Share with your friend now:
tgoop.com/nargessadeq/406