Наша Ніва ✔

У эфіры БТ выйшаў шпіёнскі фільм пра асуджаных Дзмітрыя Пазнякова (на фота) і Томаша Бярозу

Пазнякоў працаваў ваенкамам у Брэсцкай вайсковай камендатуры. Як сцвярджаецца, падчас паездкі ў Польшчу ён быў завербаваны тамтэйшымі спецслужбамі. Выконваў іх заданні, перадаваў дакументы. Сустракаўся з польскімі спецслужбістамі падчас выездаў на сямейны адпачынак за мяжу. У выніку атрымаў ад палякаў каля $60 тысяч.

Калі Пазнякоў вырашыў канчаткова з’ехаць з Беларусі, папрасіў грошы на арганізацыю пераезду. Яму адправілі па пошце мяккую цацку, у якой былі зашыты шэсць тысяч даляраў. Гэта зрабіў якраз Томаш Бяроза — грамадзянін Польшчы, які жыў у Беларусі і працаваў на польскія спецслужбы.
У выніку былі арыштаваныя абодва. Бяроза атрымаў 14 гадоў за шпіянаж. Пазнякову далі за здраду дзяржаве 19 гадоў.

Апроч таго, паказалі грамадзяніна Польшчы Ежы Жывалеўскага, які жыў у Гродна і нібыта быў кантрабандыстам. Ён таксама асуджаны за шпіянаж. Відаць, Беларусь хоча ад Польшчы што-небудзь у абмен на яго.

www.tgoop.com/nashaniva/92331

13.3K viewsedited  Dec 3 at 19:35

У эфіры БТ выйшаў шпіёнскі фільм пра асуджаных Дзмітрыя Пазнякова (на фота) і Томаша Бярозу

Пазнякоў працаваў ваенкамам у Брэсцкай вайсковай камендатуры. Як сцвярджаецца, падчас паездкі ў Польшчу ён быў завербаваны тамтэйшымі спецслужбамі. Выконваў іх заданні, перадаваў дакументы. Сустракаўся з польскімі спецслужбістамі падчас выездаў на сямейны адпачынак за мяжу. У выніку атрымаў ад палякаў каля $60 тысяч.

Калі Пазнякоў вырашыў канчаткова з’ехаць з Беларусі, папрасіў грошы на арганізацыю пераезду. Яму адправілі па пошце мяккую цацку, у якой былі зашыты шэсць тысяч даляраў. Гэта зрабіў якраз Томаш Бяроза — грамадзянін Польшчы, які жыў у Беларусі і працаваў на польскія спецслужбы.
У выніку былі арыштаваныя абодва. Бяроза атрымаў 14 гадоў за шпіянаж. Пазнякову далі за здраду дзяржаве 19 гадоў.

Апроч таго, паказалі грамадзяніна Польшчы Ежы Жывалеўскага, які жыў у Гродна і нібыта быў кантрабандыстам. Ён таксама асуджаны за шпіянаж. Відаць, Беларусь хоча ад Польшчы што-небудзь у абмен на яго.

BY Наша Ніва