tgoop.com/nastgaz/14161
Last Update:
Цырымонія пасвячэння навучэнцаў 10-га інжынернага класа авіяцыйнай накіраванасці ў юныя авіятары адбылася ў гімназіі Фаніпаля
— У маі гэтага года ў рамках навукова-практычнага фестывалю класаў авіяцыйнай накіраванасці "ProАВИА-2024" адбылося ўрачыстае падпісанне дагавора аб супрацоўніцтве паміж гімназіяй Фаніпаля імя А.І.Гурына і Беларускай дзяржаўнай акадэміяй авіяцыі. Сёння мы з гордасцю заяўляем, што сталі першай гімназіяй у Дзяржынскім раёне, дзе быў адкрыты інжынерны клас авіяцыйнай накіраванасці, — расказала яе дырэктар Галіна Майсейчык.
У гэтым класе займаюцца 27 хлопчыкаў і дзяўчынак, якія плануюць звязаць сваё жыццё з авіяцыяй. Юных авіятараў можна будзе пазнаць па афіцыйнай эмблеме Акадэміі авіяцыі, якую яны будуць насіць на рукавах сваіх цёмна-сініх пінжакоў.
🔹 Вучні 10-га авіяцыйнага класа вывучаюць на павышаным узроўні фізіку і матэматыку. Акрамя таго, для іх кожную суботу праходзяць факультатыўныя заняткі "У свеце тэхнікі і тэхналогій: выбіраем інжынерную прафесію". Запланаваны анлайн-семінары і выязныя ўрокі ў БДАА з выкарыстаннем яе матэрыяльна-тэхнічнай базы.