tgoop.com/neha_ta/28106
Last Update:
كيف نحل مشكلة بدون ما نزيد المشكله ؟
في بنت في المدرسة مسكوها بتتكلم مع ولد والمدرسين ضربوها وهددوها لما تصل البيت ح تلاقي اهلها عارفين..
البنت قبل ما تمشي اشترت صبغة وشربتها وماتت..
البنت في الأساس ممكن غير مدركه يعني شنو انتحار للأسف !!
الصحابة رضوان الله عليهم كانوا فى غزوة
وكان اليوم برد شديد..
واحد من الصحابة كان عنده جرح فى رأسه.. وحان وقت الصلاة.. وهو كان على جنابة ولازم يغتسل.. فقالهم انه عنده جرح وخايف لو اغتسل يحصل حاجة.. قالوا ليهو لا نرى لك الا الاغتسال.. اغتسل فمات.
النبي صل الله عليه وسلم لما عرف غضب وقال: قتلوه قتلهم الله.
من يومين قريت بوست عن دكتور كان السبب فى ان واحدة كانت محرومة من الاطفال لمدة 11 سنة ولما ربنا رزقها قبل الولادة حصل مضاعفات والطفل مات فى بطنها..
اخت البنت قالت للدكتور ماتكلمها انو الطفل مات عشان ممكن تحصل ليها حاجة الدكتور أصر ودخل قاليها، وكانت النتيجة انها ماتت.
نحن اكتر مجتمع جاهل بكل معانى الانسانية والرحمة، أكتر مجتمع عايز إعادة تأهيل في كل شىء.
النبى صلّ الله عليه وسلم العلمنا إن ما كان الرفق في شىء الا زانه، بدلناه كيف نتفنن في وجع غيرنا ونموتهم نفسيا بكلامنا مقابل انتصار رخيص ومبتذل.
ربنا قال: "وقولوا للناس حُسنا ".
النبي صل الله عليه وسلم مارضى يقطع على الأعرابي الكان يبول فى المسجد بوله عشان ماتحصل ليهو مشكلة وقال لا تذرموه ودعوه حتى يفرغ.
النبي صل الله عليه وسلم كانت الناس تغلط عليه مابمشي يفضحهم وكان يطلع على المنبر ويقول: "ما بال اقوام يفعلون كذا وكذا ..."
للاسف لا عندنا فهم فى معالجة الاخطاء !! ولا مراعاة نفسية المخطىء !! ولا ان الجاهل يعذر، ولا ان كل حالة وليها طريقة تعامل ولا بنعرف شنو هى البدائل الصحيحة لمعالجة المشاكل.
محتاجين تربية من اول وجديد مش الأطفال العايزين يتربو !!
للأسف الكبار هم العاوزين .
واحد دخل المسجد موبايله رن كوركو فيهو مادخل المسجد تاني.
على النقيض واحد كان معدي على قهوة دقش التربيزة الكبابي وقعت اتكسرت على ١٠٠ حتة فصاحب القهوة قاليهو فداك..
فبقى زبون للمقهى..
واحد شاب عنده غضروف والطبيعي انه بيصلي على كرسي لما يصلي في المسجد.. الناس انتقدته اكتر من مرة وقالوا انت شاب كيف تصلي على كرسي زعل.. من ساعتها مادخل المسجد وبيصلي في البيت وهو قاعد.
سيدنا عمر شاف ناس مولعين نار فنادى فيهم يا اهل الضوء وماقال يا اهل النار خوفا من ان الكلمة تجرحهم.
الحسن والحُسين رضي الله عنهما شافوا رجل كبير يتوضى غلط.. فكروا كيف ينصحوه فقالوا نُريدك ان تحكم بيننا من الذي لا يُحسن الوضوء و بدأوا يتوضوا ولما شافهم الراجل ضحك وقال: انا والله الذي لا اُحسن الوضوء.
النبي صلى الله عليه و سلم قال: (حُرم على النار كل هِين لين سهل قريب من الناس)
الحقيقة نحن عايزين اعادة تأهيل في طريقة النصيحة إلا من رحِم ربي.. انصح بالطريقة البتخلي القدامك يقتنع من غير ما تحرجوا.. ياما ناس غلطت في الناس النصحتها عشان اسلوبهم كان مُستفز.. وياما ناس عملت الصاح عشان البينصحهم ابتسم وهو بيتكلم.
رب كلمة رماها اللسان اهلكت حياة إنسان...
BY ثم مــاذا.؟!
Share with your friend now:
tgoop.com/neha_ta/28106